完整藏文原文 · 德格版页 当前仅加载第 53 函德格 171a 版页；藏文 NFD、目录标记与异常页序保留在来源切片中，重复版页行以稳定序号区分。
པས་སེམས་ཅན་ཐམས་ཅད་ལ་ཁྱབ་པར་མདོ་སྡེ་སྡེ་བཅུ་གཉིས་རྒྱས་པར་འབྱེད་ཅིང་བསྟན་ཏེ། སེམས་ཅན་གྱིས་མ་བཟུང་ན་དེ་བཞིན་གཤེགས་པས་མ་ཉེས་སོ། །རིགས་ཀྱི་བུ་གང་ལ་ལ་ལམ་སྒོམ་པ་ནི། བླ་ན་མེད་པ་དགྲ་བཅོམ་པ་ཡང་
D119.053.0171a01.01དག་པར་རྫོགས་པའི་བྱང་ཆུབ་འཐོབ་བོ། །རིགས་ཀྱི་བུ་ཁྱོད་ཀྱིས་སེམས་ཅན་ཀུན་ལ་སངས་རྒྱས་ཀྱི་རང་བཞིན་ཡོད་པས་བླ་ན་མེད་པ་དགྲ་བཅོམ་པ་ཡང་དག་པར་རྫོགས་པའི་བྱང་ཆུབ་ཐོབ་སྟེ། ཇི་ལྟར་རྡོ་ཁབ་ལེན་བཞིན་ནོ་ཞེས་བྱ་བ་ནི་ལེགས་སོ་ལེགས་སོ། །སངས་
D119.053.0171a02.01རྒྱས་ཀྱི་རང་བཞིན་ཡོད་པའི་རྒྱུའི་སྟོབས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་ཀྱི། འཕགས་པའི་ལམ་བསྒོམ་མི་དགོས་སོ་ཞེས་བྱ་བ་ནི་དོན་དེ་ལྟ་མ་ཡིན་ནོ། །རིགས་ཀྱི་བུ་དཔེར་ན་མི་ལ་ལ་ཞིག་གིས་དབྱེ་དགོན་པར་སོང་བ་ལས་སྐོམ་པས་གདུངས་ཏེ་ཁྲོན་པ་
D119.053.0171a03.01ཞིག་དང་ཕྲད་དོ། །ཁྲོན་པ་དེ་ཤིན་ཏུ་ཟབ་སྟེ། ཆུ་མི་མཐོང་མོད་ཀྱི་ངེས་པར་ཡོད་པར་ཤེས་སོ། །མི་དེས་ཐབས་ཀྱིས་ཟོ་བ་དང་ཐག་པ་བཙལ་ཏེ་བཅུས་ནས་གཟོད་མཐོང་བ་ལྟར་སངས་རྒྱས་ཀྱི་རང་བཞིན་ཡང་དེ་དང་འདྲ་སྟེ། སེམས་ཅན་ཐམས་ཅད་ལ་ཡོད་མོད་ཀྱི།
D119.053.0171a04.01ཟག་པ་མེད་པའི་འཕགས་པའི་ལམ་བསྒོམས་པས་གདོད་མཐོང་བར་འགྱུར་རོ། །རིགས་ཀྱི་བུ་ཇི་ལྟར་ཏིལ་ཡོད་ན་མར་ཡང་མཐོང་བར་འགྱུར་རོ། །ཐབས་རྣམས་སྤངས་ན་མི་མཐོང་བ་བཞིན་དུ་བུ་རམ་གྱི་ཤིང་ཡང་དེ་དང་འདྲའོ། །རིགས་ཀྱི་བུ་དཔེར་ན་སུམ་ཅུ་རྩ་གསུམ་གནམ་
D119.053.0171a05.01གྱི་ལྷ་དང་། བྱང་སྒྲ་མི་སྙན་ཡོད་པའི་ཆོས་ཡིན་མོད་ཀྱི། དགེ་བའི་ལས་སམ་རྫུ་འཕྲུལ་གྱི་མཐུ་མེད་ན་མི་མཐོང་ངོ་། །སའི་འོག་ན་རྩྭའི་རྩ་བ་དང་། སའི་འོག་གི་ཆུ་ནི་སས་ཁེབས་པས་ན་མི་མཐོང་བ་ལྟར་སེམས་ཅན་གྱི་སངས་རྒྱས་ཀྱི་རང་བཞིན་ཡང་དེ་དང་འདྲ་སྟེ། འཕགས་པའི་
D119.053.0171a06.01ལམ་མ་བསྒོམས་ན་ནི་མཐོང་བར་མི་འགྱུར་རོ། །རིགས་ཀྱི་བུ་ཁྱོད་ཀྱིས་ཇི་ལྟར་འཇིག་རྟེན་ན་ནད་པས་གལ་ཏེ་ནད་གཡོག་དང་། སྨན་བཟང་པོ་དང་། སྨན་པ་མཁས་པ་དང་ཕྲད་དེ། ནད་ཇི་ལྟ་བ་བཞིན་དུ་སྨན་བཏང་ངམ། གལ་ཏེ་མ་ཕྲད་ཀྱང་རུང་སྟེ་འཚོའོ་ཞེས་བྱ་བ་ནི་རིགས་ཀྱི་བུ་
D119.053.0171a07.01