完整藏文原文 · 德格版页 当前仅加载第 53 函德格 323a 版页；藏文 NFD、目录标记与异常页序保留在来源切片中，重复版页行以稳定序号区分。
བཏབ་ནས་བསླང་ངོ་། །དེ་ནས་ཐབས་མཁས་པའི་ཚིག་གིས་སྤྲོ་བ་བསྐྱེད་པའི། །ཕྱིར་དགའ་བོ་ལ་འདི་སྐད་ཅེས་སྨྲས་སོ། །ཀྱི་ཧུད་ཀྱི་ཧུད་སྡུག་གོ། །མྱ་ངན་ཆེན་པོ་མ་བྱེད་ཅིག །དེ་བཞིན་གཤེགས་པ་ནི་འདུལ་བའི་མཛད་པ་ཀུན་མཛད་ནས། ལྷ་དང་། མི་ལ་
D119.053.0323a01.01སོགས་པ་ཐམས་ཅད་ཀྱིས་བཞུགས་སུ་གསོལ་ཀྱང་མ་གནང་གིས། མྱ་ངན་ཆེན་པོས་སེམས་འཁྲུགས་པར་མ་བྱེད་ཅིག །ཀྱི་ཧུད་ཀྱི་ཧུད་ཇི་ལྟར་བྱ། ད་ཇི་ལྟར་བྱ། ནང་གཅིག་ཏུ་ལྷ་དང་མིའི་སྟོན་པ་མཛད་པའི་མཐར་ཕྱིན་ནས་བཞུགས་སུ་མ་གནང་ངོ་། །ད་བདག་ཅག་རེ་ཞིག་མྱ་
D119.053.0323a02.01ངན་བསང་ངོ་ཞེས་སྤྲོ་བ་བསྐྱེད་ནས། དགའ་བོ་ལ་འདི་སྐད་ཅེས་སྨྲས་སོ། །སངས་རྒྱས་མྱ་ངན་ལས་འདས་མོད་ཀྱི། འོན་ཀྱང་རིང་བསྲེལ་དང་། བླ་ན་མེད་པའི་ཆོས་ཀྱི་དཀོན་མཆོག་འཇིག་རྟེན་ན་རྟག་ཏུ་བཞུགས་ཏེ། སེམས་ཅན་གྱི་གནས་དང་། རྟེན་དུ་འགྱུར་བ་ཡོད་དེ། དེ་བས་ན་
D119.053.0323a03.01བདག་ཅག་གིས་བརྩོན་འགྲུས་སུ་སངས་རྒྱས་ཀྱི་ཆོས་དཀོན་མཆོག་སེམས་ཅན་ལ་བྱིན་ཏེ། སྡུག་བསྔལ་ལས་རྣམ་པར་བསྒྲལ་བས་སངས་རྒྱས་ཀྱི་དྲིན་ལ་ལན་གླན་པར་བྱའོ་ཞེས་སྨྲས་སོ། །དེའི་ཚེ་དགའ་བོ་སྤྲོ་བ་བསྐྱེད་པ་ཐོས་ནས་བགས་ཀྱིས་སངས་ཏེ། སྐད་བརྣངས་པ་ཙམ་དུ་
D119.053.0323a04.01མཆི་མ་བླགས་ནས་མྱ་ངན་གྱིས་ནོན་ཏོ། །དེའི་ཚེ་རྩྭ་མཆོག་གི་གྲོང་ཁྱེར་ཤིང་ས་ལའི་ཚལ་ཁོ་ར་ཁོར་ཡུག་དཔག་ཚད་བཅུ་གཉིས་ཀྱི་ནང་ལྷ་དང་མིས་ཡོངས་སུ་གང་བ་ནི་ཁབ་ཀྱི་རྩེ་མོ་ཙམ་ལ་ཡང་སེམས་ཅན་ཚད་མེད་པ་སྙེད་ཡོད་དེ། བར་ནས་སྟོང་པ་མེད་ཀྱང་གཅིག་ལ་གཅིག་མི་བདེ་
D119.053.0323a05.01ཞིང་ཕན་ཚུན་གནོན་པར་འགྱུར་བ་མེད་དོ། །དེའི་ཚེ་བྱང་ཆུབ་སེམས་དཔའ་ཁྲག་ཁྲིག་གྲངས་མེད་པ་དང་། འཁོར་མང་པོ་ཐམས་ཅད་མི་དྲན་ཏེ་བརྒྱལ་ནས་དེ་བཞིན་གཤེགས་པ་མྱ་ངན་ལས་འདས་སམ། མྱ་ངན་ལས་མ་འདས་པ་མི་རྟོགས་མི་ཤེས་ཀྱི། སྔོན་དང་མི་འདྲ་བར་ལྡེག་ཅིང་གཡོ་
D119.053.0323a06.01བ་འབའ་ཞིག་མཐོང་ནས་ཐམས་ཅད་ཀྱིས་མ་འགགས་པ་ལ་སངས་རྒྱས་མྱ་ངན་ལས་འདས་སམ་ཞེས་དྲིས་སོ། །དེ་ནས་མ་འགགས་པས་འཁོར་མང་པོ་རྣམས་དང་། འཇིག་རྟེན་དུ་བཅས་པ་ལྷ་དང་མི་ཐམས་ཅད་ལ་སངས་རྒྱས་བཅོམ་ལྡན་འདས་ནི་ཡོངས་སུ་མྱ་ངན་ལས་འདས་སོ་ཞེས་སྨྲས་
D119.053.0323a07.01