完整藏文原文 · 德格版页 当前仅加载第 53 函德格 276b 版页；藏文 NFD、目录标记与异常页序保留在来源切片中，重复版页行以稳定序号区分。
དྲུང་དུ་འདུས་ནས་དཀའ་བ་ནི་སྤྱོད་མི་ནུས་སོ། །རིག་སྔགས་ཀྱི་མཐུས་འོད་སྲུང་དང་། ཤཱ་རིའི་བུ་དང་། མཽད་གལ་ཡ་ན་ལ་སོགས་པ་བཏུལ་ནས་ད་ཡང་བདག་ཅག་གི་གནས་ཤིང་ས་ལའི་ཚལ་འདིར་བདག་ཅག་གི་ཉེ་གནས་འཁོར་དུ་བསྡུ་བའི་ཕྱིར་རྟག་པ་དང་། བདེ་བ་དང་།
D119.053.0276b01.01བདག་དང་། ཡོངས་སུ་དག་པའི་ལུས་ཡོད་དོ་ཞེས་སྨྲའོ། །རྒྱལ་པོ་ཆེན་པོ་དགེ་སྦྱོང་གཽ་ཏ་མས་ནི་སྔོན་མི་རྟག་པ་དང་། བདེ་བ་མེད་པ་དང་། བདག་མེད་པ་དང་། ཡོངས་སུ་དག་པ་མེད་པ་སྟོན་པའི་ཚེ་ན་བདག་ཅག་གིས་བཟོད་ཀྱི། ད་འདི་སྐད་དུ་རྟག་པ་དང་། བདེ་བ་དང་།
D119.053.0276b02.01བདག་དང་། ཡོངས་སུ་དག་པ་ཡོད་དོ་ཞེས་སྨྲ་བ་ལ་ནི་བདག་ཅག་མི་བཟོད་དོ། །རྒྱལ་པོ་ཆེན་པོ་ལེགས་པར་གསན་དུ་གསོལ། བདག་ཅག་དང་། དགེ་སྦྱོང་གཽ་ཏ་མར་གཞུང་འཛུགས་ཤིང་རྩོད་དུ་ཅི་གནང་། རྒྱལ་པོས་བཀའ་སྩལ་པ། ཀྱེ་སྐྱེས་བུ་དག་ཁྱེད་རྣམས་ལ་སུ་
D119.053.0276b03.01ཞིག་གིས་བསླུས་ན། ཁྱེད་ཀྱི་སེམས་ཤིན་ཏུ་མྱོས་ཤིང་འཁྲུགས་ཏེ། ཆུའི་དབའ་རླབས་སམ། མེ་མགལ་བསྐོར་བའམ། སྤྲེའུ་ཤིང་ཁར་ཕྱིན་པ་འདྲ་བར་གྱུར་པ་འདི་བདག་གིས་ཀྱང་ཁྲེལ་ལ། མཁས་པ་ཤེས་རབ་ཅན་གྱིས་ཐོས་ན་ཤིན་ཏུ་སྙིང་བརྩེ་བ་དང་། གླེན་པ་
D119.053.0276b04.01གཏི་མུག་ཅན་གྱིས་ཐོས་ན་འཕྱ་ཞིང་སྨོད་པར་འགྱུར་རོ། །ཁྱེད་རྣམས་ཀྱིས་སྨྲ་བ་ནི་རབ་ཏུ་བྱུང་བའི་ཚིག་མ་ཡིན་གྱི། གལ་ཏེ་ཁྱེད་རྣམས་ལ་རླུང་དང་མཁྲིས་པ་དང་བད་ཀན་གྱི་ནད་ཀྱིས་བཏབ་ན་ཁོ་བོ་ལ་སྨན་བཟང་པོ་ཡོད་དེ་ཁྱེད་རྣམས་འཚོ་བར་བྱའོ། །གལ་ཏེ་{ཡི་དགས་,ཡི་དྭགས་}
D119.053.0276b05.01ཀྱིས་བརླམས་ན་སྨན་པ་འཚོ་བྱེད་སྔགས་ལ་མཁས་པས་འཚོ་བར་བྱེད་དོ། །ཁྱེད་རྣམས་ནི་ད་ལྟར་ལག་པའི་སེན་མོས་རི་རབ་ལྷུན་པོ་འཇིག་པའམ། རྡོ་རྗེ་ལ་སོས་འདེབས་པར་འདོད་པ་དང་འདྲའོ། །སྐྱེས་བུ་ཆེན་པོ་དག་དཔེར་ན་གླེན་པ་གཏི་མུག་ཅན་གྱིས་སེང་གེའི་རྒྱལ་པོ་
D119.053.0276b06.01བཀྲེས་པ་ཉལ་ཞིང་འདུག་པ་ལས་བསླང་བའམ་སྦྲུལ་གདུག་པའི་ཁར་ལག་པ་བཅུག་པའམ། ཐལ་བས་ཁེབས་པའི་མེ་མདག་ལ་ལག་པས་རེག་པར་འདོད་པ་དང་འདྲ་བར་ཁྱེད་རྣམས་ཀྱང་དེ་ལྟར་དེ་དང་འདྲའོ། །རིགས་ཀྱི་བུ་འདི་ལྟ་སྟེ་དཔེར་ན་ཝས་སེང་གེའི་སྒྲ་སྒྲོགས་
D119.053.0276b07.01