完整藏文原文 · 德格版页 当前仅加载第 53 函德格 337b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་བདག་ཅག་གིས་དེ་བཞིན་གཤེགས་པ་མྱ་ངན་ལས་འདས་པ་ནི་མ་ཚོར་ན། ད་བདག་ཅག་གིས་དེ་བཞིན་གཤེགས་པའི་སྐུ་གདུང་བལྟར་འགྲོ་ན། ཁྱེད་ཀྱིས་མ་འགགས་པར་ལམ་དང་སྒོ་ཕྱེ་ཤིག །སྔགས་མཁན་དང་དམག་རྣམས་ཀྱིས་དེ་སྐད་ཅེས་སྨྲས་པ་ཐོས་ནས། རྒྱལ་པོ་དང་ཤཱཀ་གི་རིགས་
D119.053.0337b01.01རྣམས་ནང་དུ་བཏང་ངོ་། །དེ་དག་གིས་བཅོམ་ལྡན་འདས་ཀྱི་སྐུ་གདུང་མཐོང་ནས་སྐད་བརྣངས་པ་ཙམ་དུ་ངུད་མོས་བཏབ་སྟེ། གཡས་ཕྱོགས་ནས་ལན་བདུན་བསྐོར་ནས། མཆི་མ་ཕྱིས་ཏེ་འདི་སྐད་ཅེས་སྨྲས་སོ། །དེ་བཞིན་གཤེགས་པའི་རིང་བསྲེལ་ཆ་གཅིག་ཙམ་བདག་ཅག་གི་མཆོད་པའི་གནས་
D119.053.0337b02.01སུ་བྱིན་ཅིག་ཅེས་སྨྲས་སོ། །འཁོར་མང་པོ་རྣམས་ཀྱིས་སྨྲས་པ། ཁྱེད་ཤཱཀ་གི་རིགས་ཀྱང་ཡིན་ལ་གཉེན་དུ་ཡང་ཤེས་ན་སངས་རྒྱས་བཅོམ་ལྡན་འདས་ཀྱིས་ནི་ཁྱེད་ལ་མ་བྱིན་ཏེ། རིང་བསྲེལ་འདི་དག་ཀྱང་སོ་སོ་ནས་བདག་པོ་ཡོད་པས་ཁྱེད་ཀྱིས་མི་ཐོབ་ཀྱིས་ཕྱིར་དེང་ཤིག་ཅེས་སྨྲས་སོ། །དེའི་ཚེ་ན་རྒྱལ་པོ་དང་
D119.053.0337b03.01ཤཱཀ་གི་རིགས་རྣམས་ཀྱིས་རིང་བསྲེལ་གྱི་སྐལ་བ་མ་ཐོབ་པས་མྱ་ངན་གྱིས་ཡིད་གདུངས་ཏེ། ངུས་ནས་ས་ལ་བརྒྱལ་ལོ། །དེ་ནས་རིང་ཞིག་ལོན་པ་དང་ཕྱིར་སངས་ནས་མི་དགའ་བཞིན་དུ་འཁོར་མང་པོ་རྣམས་ལ་འདི་སྐད་ཅེས་སྨྲས་སོ། །སངས་རྒྱས་བཅོམ་ལྡན་འདས་ནི་བདག་ཅག་གི་ཤཱཀ་གི་
D119.053.0337b04.01རིགས་ཡིན་ཏེ། ཁྱེད་ལ་ཐུགས་བརྩེ་བའི་ཕྱིར་འདིར་མྱ་ངན་ལས་འདས་ན། ཅིའི་ཕྱིར་བདག་ཅག་ལ་རིང་བསྲེལ་གྱི་ཤས་ཙམ་ཡང་མི་སྦྱིན་ཞེས་སྨྲས་ནས། རིང་བསྲེལ་ལ་ཕྱག་འཚལ་ཏེ་ལན་བདུན་བསྐོར་ནས་ངུས་བཞིན་དུ་ཁྲོས་ཏེ་ཕྱིར་དོང་ངོ་། །དེའི་ཚེ་ཡུལ་དབུས་འགྱུར་འཆང་གི་རྒྱལ་པོ་
D119.053.0337b05.01མ་སྐྱེས་དགྲ་ཕ་བསད་ནས་ཤིན་ཏུ་འགྱོད་དེ། ལུས་ལ་འབྲུམ་བུ་མ་རུངས་པ་བྱུང་སྟེ། བཅོམ་ལྡན་འདས་ཀྱི་འོད་ཟེར་ཟླ་བ་ཞེས་བྱ་བ་ལུས་ལ་རེག་ནས་འབྲུམ་བུ་ཡང་བགས་ཀྱིས་སོས་ཏེ། བཅོམ་ལྡན་འདས་གང་ན་བར་ལྷགས་ཏེ་མཐོལ་ཚངས་བྱས་སོ། །བཅོམ་ལྡན་འདས་ཀྱི་ཐུགས་
D119.053.0337b06.01རྗེ་ཆེན་པོས་བདུད་རྩིའི་ཆོས་ཀྱི་སྨན་གྱིས་ལུས་བཀྲུས་ཏེ། ཁ་ན་མ་ཐོ་བའི་སྡིག་བྱང་ནས་ཕྱིར་ཕོ་བྲང་དུ་དོང་ནས་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པ་ཡང་མ་ཚོར་རོ། །བཅོམ་ལྡན་འདས་མྱ་ངན་ལས་འདས་པའི་ནུབ་མོ་རྨི་ལམ་འདི་དག་རྨིས་སོ། །ཟླ་བ་ས་ལ་ལྟུང་ནས་ས་ལ་ཉི་
D119.053.0337b07.01