完整藏文原文 · 德格版页 当前仅加载第 53 函德格 198a 版页；藏文 NFD、目录标记与异常页序保留在来源切片中，重复版页行以稳定序号区分。
གསུངས་པ་འདི་བདག་ལ་ཕན་པ་ནི་མ་ཡིན་གྱི་གཞན་ལ་ཕན་པའི་ཕྱིར་ཏེ། དེ་བས་ན་དེ་བཞིན་གཤེགས་པའི་སྟོབས་ལྔ་པོ་ནི་མཁྱེན་པའི་སྟོབས་ཞེས་བྱའོ། །སྟོབས་རྣམ་པ་དེ་གཉིས་ཀྱི་ཕྱིར་དེ་བཞིན་གཤེགས་པས་འདི་ནི་ཚེ་འདི་ལ་དགེ་བའི་རྩ་བ་གཅོད་པ་
D119.053.0198a01.01དང་། འདི་ནི་ཚེ་ཕྱི་མ་ལ་དགེ་བའི་རྩ་བ་གཅོད་པ་དང་། འདི་ནི་ཚེ་འདི་ལ་རྣམ་པར་གྲོལ་བ་ཐོབ་པ་དང་། འདི་ནི་ཚེ་ཕྱི་མ་ལ་རྣམ་པར་གྲོལ་བ་ཐོབ་པར་འགྱུར་བ་རབ་ཏུ་རྟོགས་ཏེ། དེ་བས་ན་དེ་བཞིན་གཤེགས་པ་ནི་བླ་ན་མེད་པའི་སྟོབས་པོ་ཆེ་ཞེས་བྱའོ། །རིགས་ཀྱི་བུ་གང་གིས་
D119.053.0198a02.01འདི་སྐད་དུ་དེ་བཞིན་གཤེགས་པ་ནི་མཐའ་ཡུན་དུ་མྱ་ངན་ལས་འདས་པ་དང་། མཐའ་ཡུན་ཏུ་མྱ་ངན་ལས་མི་འདའོ་ཞེས་སྨྲ་བ་དེ་ནི་དེ་བཞིན་གཤེགས་པའི་དགོངས་པ་མི་ཤེས་པའི་ཕྱིར་དེ་སྐད་ཅེས་སྨྲའོ། །རིགས་ཀྱི་བུ་རི་སྤོས་ཀྱི་ངད་ཅན་ལ་དྲང་སྲོང་ལྔ་ཁྲི་སུམ་སྟོང་རྣམས་
D119.053.0198a03.01འཁོད་དོ། །དེ་དག་ཀུན་ཀྱང་འདས་པའི་དུས་ན་སངས་རྒྱས་འོད་སྲུང་ལས་དགེ་བའི་རྩ་བ་བསྐྱེད་པ་ལས། ཡང་དག་པའི་ལམ་དང་། སངས་རྒྱས་རྣམས་བསྙེན་བཀུར་བ་དང་། དམ་པའི་ཆོས་མཉན་པར་མ་གྱུར་ཏེ། དེ་བཞིན་གཤེགས་པས་དྲང་སྲོང་དེ་དག་གི་ཕྱིར་
D119.053.0198a04.01དགའ་བོ་ལ་ང་ད་སྟེ་ཟླ་བ་གསུམ་འདས་ནས་ཡོངས་སུ་མྱ་ངན་ལས་འདའོ་ཞེས་བཀའ་སྩལ་ཏོ། །ལྷ་རྣམས་ཀྱིས་དེ་སྐད་ཅེས་བཀའ་སྩལ་པ་ཐོས་ནས་དེ་སྐད་དུ་གཅིག་ནས་གཅིག་ཏུ་གྲགས་ཏེ། རི་སྤོས་ཀྱི་ངད་ཅན་དུ་གྲགས་པར་གྱུར་ཏོ། །དྲང་སྲོང་རྣམས་ཀྱིས་ཐོས་ནས་
D119.053.0198a05.01རབ་ཏུ་འགྱོད་པའི་སེམས་སྐྱེས་ཏེ་འདི་སྐད་ཅེས་སྨྲས་སོ། །ཅིའི་ཕྱིར་བདག་ཅག་མིར་སྐྱེས་ལ་སངས་རྒྱས་ལ་བསྙེན་བཀུར་མི་བྱ། སངས་རྒྱས་བཅོམ་ལྡན་འདས་རྣམས་འཇིག་རྟེན་དུ་འབྱུང་བར་རབ་ཏུ་དཀའ་བ་ནི་ཇི་ལྟར་ཨུ་དུམ་བ་རའི་མེ་ཏོག་བཞིན་ནོ། །བདག་ཅག་དེང་
D119.053.0198a06.01བཅོམ་ལྡན་འདས་ཀྱི་སྤྱན་སྔར་འདོང་ལ་དམ་པའི་ཆོས་མཉན་པར་བྱའོ་ཞེས་སྨྲས་པར་གྱུར་ཏོ། །རིགས་ཀྱི་བུ་དེའི་ཚེ་དྲང་སྲོང་ལྔ་ཁྲི་སུམ་སྟོང་རྣམས་ངའི་སྤྱན་སྔར་ལྷགས་ཏེ། ངས་དེའི་ཚེ་དེ་དག་ལ་ཇི་ལྟ་ཇི་ལྟ་བ་དེ་ལྟ་དེ་ལྟར་ཆོས་བསྟན་ཏོ། །ཀྱེ་སྐྱེས་བུ་ཆེན་པོ་དག་གཟུགས་ནི་
D119.053.0198a07.01