完整藏文原文 · 德格版页 当前仅加载第 53 函德格 336b 版页；藏文 NFD、目录标记与异常页序保留在来源切片中，重复版页行以稳定序号区分。
སྤོས་ཀྱིས་ལམ་ཡོངས་སུ་དག་ཅིང་ཤིན་ཏུ་ཡངས་པ་བྱས་སོ། །ལམ་དེའི་གཡས་གཡོན་ན་གྲངས་མེད་པའི་རིན་པོ་ཆེའི་རྒྱལ་མཚན་དང་། བ་དན་དང་། གདུགས་དང་། སྤོས་དང་། མེ་ཏོག་དང་། མུ་ཏིག་དང་། དོ་ཤལ་དང་། དར་གྱི་ལྡ་ལྡི་དང་། རོལ་མོ་དང་། གླུ་གར་ལ་སོགས་པ་ཐམས་ཅད་ཀྱིས་ལམ་གཡས་
D119.053.0336b01.01གཡོན་བརྒྱན་ཏེ། བཅོམ་ལྡན་འདས་ཀྱི་རིང་བསྲེལ་སླར་གཤེགས་པ་སྡོད་དོ། །དེ་ནས་གྱད་རྣམས་ཀྱིས་རིན་པོ་ཆེ་སྣ་བདུན་གྱི་སེང་གེའི་ཁྲི་བརྒྱད་པོ་བཏེག་སྟེ་ཞུགས་ལ་བཞེན་པའི་གནས་སུ་ཕྱིན་ནས་ཐམས་ཅད་ཀྱིས་སྐད་ཀྱིས་བརྣངས་པ་ཙམ་དུ་ཤིན་ཏུ་ངུས་ནས་ངུད་མོའི་སྒྲ་སྟོང་ཆེན་པོའི་འཇིག་རྟེན་གྱི་
D119.053.0336b02.01ཁམས་སུ་གྲགས་པར་གྱུར་ཏེ། སོ་སོ་ནས་དད་པའི་སེམས་ཀྱིས་མཆོད་པ་བྱས་སོ། །དེའི་ཚེ་བཅོམ་ལྡན་འདས་ཐུགས་རྗེ་ཆེན་པོའི་ཤུགས་ཀྱིས་རྡོ་རྗེ་ལྟ་བུའི་སྐུ་རིང་བསྲེལ་ཕྲ་མོར་བསིལ་ཏེ། ཚེམས་མཆེ་བ་བཞི་ནི་སོ་བཞིན་དུ་བཞག་གོ། །དེ་ནས་འཁོར་མང་པོ་རྣམས་ཀྱིས་དེ་ལྟར་སྐུ་གདུང་ཕྲ་མོར་གྱུར་པ་མཐོང་
D119.053.0336b03.01ནས། ལྷག་པར་མྱ་ངན་གྱིས་ཡིད་གདུངས་ཏེ་ངུས་ནས་མཆོད་པར་བྱས་སོ། །དེ་ནས་མ་འགགས་པ་དང་གྲོང་ཁྱེར་གྱི་མི་རྣམས་ཀྱིས་མིག་མཆི་མས་གང་བཞིན་དུ་རིང་བསྲེལ་རྣམས་བསྡུས་ནས་སེང་གེའི་ཁྲིའི་སྟེང་དུ་རིན་པོ་ཆེ་སྣ་བདུན་གྱི་སྒྲོམ་དུ་བླུགས་ཏེ། སྒྲོམ་བརྒྱད་པོ་གང་ནས་སྐུ་གདུང་ཡང་ཟད་པར་གྱུར་ཏོ། །དེའི་
D119.053.0336b04.01ཚེ་འཇིག་རྟེན་དུ་བཅས་པ་ལྷ་དང་མི་ཐམས་ཅད་ཀྱིས། བཅོམ་ལྡན་འདས་ཀྱི་སྐུ་གདུང་གསེར་གྱི་སྒྲོམ་གྱི་ནང་དུ་གཤེགས་པ་མཐོང་ནས། ལྷག་པར་མྱ་ངན་གྱིས་ཡིད་གདུངས་ཏེ་ངུས་ནས་མཆོད་པ་བྱས་སོ། །དེའི་ཚེ་གྲོང་ཁྱེར་དེ་ན་གནས་པའི་སྟོབས་པོ་ཆེ་རྣམས་དང་། སྐྱེས་པ་དང་། བུད་མེད་རྣམས་བཅོམ་ལྡན་འདས་ཀྱི་རིང་
D119.053.0336b05.01བསྲེལ་གྱི་སྒྲོམ་རྩྭ་མཆོག་གི་གྲོང་ཁྱེར་དུ་གཤེགས་པ་ན། འཁོར་མང་པོ་རྣམས་ལྷག་པར་ཤིན་ཏུ་ངུས་ནས་མཆི་མ་བླགས་ཏེ་མཆོད་པ་བྱས་སོ། །དེ་ནས་སྟོབས་པོ་ཆེ་རྣམས་འཁོར་དང་བཅས་པ་ཤིན་ཏུ་ངུས་ནས་རིན་པོ་ཆེ་སྣ་བདུན་གྱི་སེང་གེའི་ཁྲི་བརྒྱད་པོ་བཏེག་སྟེ་སྤོས་ཀྱི་འདག་གུས་བསྐུས་པའི་ལམ་ཐོག་ཐག་ཏུ་
D119.053.0336b06.01རྩྭ་མཆོག་གི་གྲོང་ཁྱེར་དུ་གཤེགས་སོ། །དེ་ནས་ལྷ་དང་མི་དང་འཁོར་མང་པོ་རྣམས་ཤིན་ཏུ་ངུས་ཏེ། ངུད་མོའི་སྒྲ་འཇིག་རྟེན་གྱི་ཁམས་ཀུན་ཏུ་གྲགས་པར་གྱུར་ཏེ། སོ་སོ་ནས་ཅི་ཐོགས་པའི་མཆོད་པའི་ཡོ་བྱད་ཀྱིས་དེ་བཞིན་གཤེགས་པའི་སྐུ་གདུང་མཆོད་ནས་གྲོང་ཁྱེར་གྱི་ནང་དུ་ལམ་གྱི་བཞི་མདོར་བཞག་གོ། །
D119.053.0336b07.01