完整藏文原文 · 德格版页 当前仅加载第 53 函德格 279a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ལ་སོགས་པའི་ཆོས་ནི་ཐམས་ཅད་མི་རྟག་པའོ། །བྲམ་ཟེ་ཁྱོད་སྨྲ་བ་ལྟ་ན་ཁྱོད་ཀྱི་ཆོས་ལ་རྒྱུ་ནི་རྟག་ལ། འབྲས་བུ་ནི་མི་རྟག་གོ། །ངའི་ཆོས་ནི་རྒྱུ་ནི་མི་རྟག་མོད་ཀྱི། འབྲས་བུ་ནི་རྟག་ན་དེ་ལ་སྐྱོན་ཅི་ཞིག་ཡོད། བྲམ་ཟེ་ཁྱོད་ཀྱི་ཆོས་ལ་རྒྱུ་རྣམ་པ་གཉིས་ཡོད་
D119.053.0279a01.01དམ། གསོལ་པ། མཆིས་སོ། །བཅོམ་ལྡན་འདས་ཀྱིས་བཀའ་སྩལ་པ། ཇི་ལྟ་བུར་ཡོད། བྲམ་ཟེས་གསོལ་པ། སྐྱེ་བའི་རྒྱུ་དང་གསལ་བའི་རྒྱུ་སྟེ་གཉིས་མཆིས་སོ། །བཅོམ་ལྡན་འདས་ཀྱིས་བཀའ་སྩལ་པ། སྐྱེ་བའི་རྒྱུ་ནི་གང་། གསལ་བའི་རྒྱུ་ནི་གང་། བྲམ་ཟེས་
D119.053.0279a02.01གསོལ་པ། སྐྱེ་བའི་རྒྱུ་ཞེས་བགྱི་བ་ནི་འཇི་བ་ལས་རྫ་མ་འབྱུང་བ་ལྟ་བུའོ། །གསལ་བའི་རྒྱུ་ཞེས་བགྱི་བ་ནི་མེ་མར་གྱིས་སྣང་བར་བྱེད་པ་ལྟ་བུའོ། །བཅོམ་ལྡན་འདས་ཀྱིས་བཀའ་སྩལ་པ། རྒྱུ་རྣམ་པ་གཉིས་ཀྱི་རང་བཞིན་ནི་གཅིག་གོ། །གལ་ཏེ་གཅིག་ཡིན་ན། སྐྱེ་བའི་རྒྱུ་ཡང་
D119.053.0279a03.01གསལ་བའི་རྒྱུར་འགྱུར་ལ། གསལ་བའི་རྒྱུ་ཡང་སྐྱེ་བའི་རྒྱུར་འགྱུར་རམ། གསོལ་པ། མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་སྐྱེ་བའི་རྒྱུ་གསལ་བའི་རྒྱུར་མི་འགྱུར་ལ། གསལ་བའི་རྒྱུ་ཡང་སྐྱེ་བའི་རྒྱུར་མི་འགྱུར་ན་ལྟ། གཅིག་གི་རྒྱུར་
D119.053.0279a04.01གཅིག་འགྱུར་ཞེས་བྱར་རུང་ངམ། བྲམ་ཟེས་གསོལ་པ། གཅིག་གི་རྒྱུར་གཅིག་མི་འགྱུར་མོད་ཀྱི། གཅིག་ལ་གཅིག་རྒྱུར་འགྱུར་བ་ནི་མཆིས་སོ། །བྲམ་ཟེ་གསལ་བའི་རྒྱུས་གསལ་བར་བྱེད་པ་དེ་གསལ་བ་དང་འཐུན་པ་ཡིན་ནམ། གསོལ་པ། མ་ལགས་སོ། །བཅོམ་
D119.053.0279a05.01ལྡན་འདས་ཀྱིས་བཀའ་སྩལ་པ། ངའི་ཆོས་ཀྱང་མི་རྟག་པ་ལས་མྱ་ངན་ལས་འདའ་བ་ཐོབ་མོད་ཀྱི། མི་རྟག་པ་ནི་མ་ཡིན་ནོ། །བྲམ་ཟེ་གསལ་བའི་རྒྱུ་ལས་ཐོབ་པས་ན་རྟག་པ་དང་། བདེ་བ་དང་། བདག་དང་། ཡོངས་སུ་དག་པ་ཡིན་ནོ། །སྐྱེ་བའི་རྒྱུ་ལས་ཐོབ་པས་ན་མི་རྟག་
D119.053.0279a06.01པ་དང་། བདེ་བ་མེད་པ་དང་། བདག་མེད་པ་དང་། ཡོངས་སུ་མ་དག་པ་ཡིན་ནོ། །དེ་བས་ན་དེ་བཞིན་གཤེགས་པས་གསུངས་པ་ཡང་རྣམ་པ་གཉིས་ཡོད་དེ། དེ་ལྟར་རྣམ་པ་གཉིས་སུ་གསུང་ཡང་རྣམ་པ་གཉིས་སུ་མེད་དེ། དེ་བས་ན་དེ་བཞིན་གཤེགས་པ་ནི་རྣམ་
D119.053.0279a07.01