完整藏文原文 · 德格版页 当前仅加载第 53 函德格 293a 版页；藏文 NFD、目录标记与异常页序保留在来源切片中，重复版页行以稳定序号区分。
བསྙེན་དེ་ལྟ་བུ་ནི་གཅིག་གམ། གཉིས་སམ། གསུམ་མམ། ལྔའམ། བརྒྱར་མ་ཟད་ཀྱི། ཀུན་ནས་ཉོན་མོངས་པ་གསུམ་བཅད་ནས་རྒྱུན་དུ་ཞུགས་པ་ཐོབ་ནས་འདོད་ཆགས་དང་། ཞེ་སྡང་དང་། གཏི་མུག་བསྲབས་ཏེ། ལན་ཅིག་ཕྱིར་ལྡོག་པ་ཐོབ་པའི་
D119.053.0293a01.01དགེ་བསྙེན་ཡང་གྲངས་མེད་དོ། །དགེ་བསྙེན་ཇི་ལྟ་བ་བཞིན་དུ་དགེ་བསྙེན་མ་ཡང་རྒྱས་པར་རིག་པར་བྱའོ། །བེའུས་གསོལ་པ། བཅོམ་ལྡན་འདས་བདག་དཔེ་ཞིག་གསོལ་བར་དད་དོ། །བཅོམ་ལྡན་འདས་ཀྱིས་བཀའ་སྩལ་པ། ཤིན་ཏུ་ལེགས་ཀྱིས་ཇི་དགའ་བར་སྨྲོས་ཤིག །
D119.053.0293a02.01བཅོམ་ལྡན་འདས་དཔེར་ན་ཀླུའི་རྒྱལ་པོ་དགའ་བོ་དང་། བསྙེན་དགའ་བོ་ཀུན་དུ་ཁྱབ་པར་ཆར་ཆེན་པོ་འབེབས་པ་དང་འདྲ་བར་དེ་བཞིན་གཤེགས་པའི་ཆོས་ཀྱི་ཆར་ཡང་དེ་དང་འདྲ་སྟེ། དགེ་བསྙེན་ཕ་དང་དགེ་བསྙེན་མ་ལ་མཉམ་པར་ཕབ་བོ། །བེའུས་གསོལ་པ། བཅོམ་ལྡན་འདས་
D119.053.0293a03.01གལ་ཏེ་མུ་སྟེགས་ཅན་དག་རབ་ཏུ་བྱུང་བར་གསོལ་ན་དེ་བཞིན་གཤེགས་པ་ཟླ་བ་དུའི་བར་དུ་བརྟག་འཚལ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཟླ་བ་བཞིའི་བར་དུ་བརྟག་དགོས་ཏེ་གཅིག་ཏུ་ངེས་པ་ནི་མ་ཡིན་ནོ། །བཅོམ་ལྡན་འདས་གལ་ཏེ་གཅིག་ཏུ་མ་ངེས་ན་ཐུགས་
D119.053.0293a04.01རྗེ་ཆེན་པོས་བདག་རབ་ཏུ་དབྱུང་བར་གནང་བར་མཛད་དུ་གསོལ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀཽཎྜི་ནྱ་ལ་བཀའ་སྩལ་པ། ཀུན་དུ་རྒྱུ་བེའུ་འདི་རབ་ཏུ་ཕྱུང་ལ་བསྙེན་པར་རྫོགས་པར་གྱིས་ཤིག །དེ་ནས་ཀཽཎྜི་ནྱས་སངས་རྒྱས་ཀྱི་བཀའ་བཞིན་དུ་དགེ་སློང་གི་དགེ་འདུན་ལ་
D119.053.0293a05.01གསོལ་པ་དང་ཞུ་བའི་ལས་བྱས་ནས་རབ་ཏུ་ཕྱུང་ངོ་། །དེ་ནས་ཞག་བཅོ་ལྔ་ལོན་པ་དང་རྒྱུན་དུ་ཞུགས་པའི་འབྲས་བུ་ཐོབ་པར་གྱུར་ཏོ། །འབྲས་བུ་ཐོབ་ནས་ཡང་འདི་སྙམ་དུ་སེམས་སོ། །གང་ཤེས་རབ་ཀྱིས་སློབ་པའི་སྒོ་ནས་ཐོབ་པར་འགྱུར་བ་ནི་བདག་གིས་ང་ཐོབ་པས་སངས་རྒྱས་
D119.053.0293a06.01མཐོང་བར་བཟོད་དོ་སྙམ་ནས་སངས་རྒྱས་གང་ན་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ལ་མགོ་བོས་ཕྱག་འཚལ་ཏེ། བསྟི་སྟང་བྱས་ནས་ཕྱོགས་གཅིག་ཏུ་འདུག་སྟེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཤེས་རབ་གང་བསླབ་པ་ལས་ཐོབ་པར་འགྱུར་
D119.053.0293a07.01