完整藏文原文 · 德格版页 当前仅加载第 53 函德格 281b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་བུ་ཁྱོད་ནི་ལུས་འདིའི་དྲིན་ལེགས་པར་གླན་ནོ། །ཚེ་དང་ལྡན་པ་ཀུན་ཤེས་ཀཽཎྜི་ནྱ་ལ་བཀའ་སྩལ་པ། བ་སི་ཏ་འདི་དགྲ་བཅོམ་པ་ཐོབ་ཀྱིས་ཁྱོད་ཀྱིས་ཆོས་གོས་གསུམ་དང་ལྷུང་བཟེད་བྱིན་ཅིག །ཚེ་དང་ལྡན་པ་ཀུན་ཤེས་ཀཽཎྜི་ནྱས་བཅོམ་ལྡན་འདས་ཀྱིས་བཀའ་སྩལ་པ་བཞིན་དུ་
D119.053.0281b01.01ཆོས་གོས་དང་ལྷུང་བཟེད་བྱིན་ནོ། །དེ་ནས་བ་སི་ཏས་ཆོས་གོས་དང་ལྷུང་བཟེད་བླངས་ནས་ཀུན་ཤེས་ཀཽཎྜི་ནྱ་ལ་འདི་སྐད་ཅེས་སྨྲས་སོ། །བདག་ནི་ལུས་ངན་པ་འདིས་དགེ་བའི་འབྲས་བུ་ཐོབ་ཀྱིས། བཙུན་པ་ཚེགས་ལ་མི་གཟིགས་པར་བདག་གི་སླད་དུ་བཅོམ་ལྡན་འདས་ཀྱི་ཐད་དུ་
D119.053.0281b02.01གཤེགས་ཏེ་འདི་སྐད་ཅེས་གསུངས་ཤིག །བདག་ལྟ་བུ་སྡིག་པ་ཅན་གྱིས་དེ་བཞིན་གཤེགས་པའི་གདུང་རུས་སྨོས་ཤིང་ང་མ་ཁྱོད་སྨྲས་པ་མཐོལ་ཚངས་སུ་གསོལ་ལོ། །གདུག་པ་ཅན་གྱི་ལུས་འདི་དང་རིང་དུ་གནས་པར་མི་འཚལ་ཏེ། མྱ་ངན་ལས་འདའོ་ཞེས་གསུངས་ཤིག །
D119.053.0281b03.01དེ་ནས་ཚེ་དང་ལྡན་པ་ཀཽཎྜི་ནྱ་སངས་རྒྱས་གང་ན་བ་དེར་སོང་ནས་ཕྱིན་པ་དང་། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སློང་བ་སི་ཏ་ཤིན་ཏུ་ངོ་ཚ་ཞིང་འཛེམ་པའི་སེམས་སྐྱེས་ཏེ་བདག་ནི་ཤིན་ཏུ་གླེན་པས་དེ་བཞིན་གཤེགས་པའི་གདུང་སྨོས་ན་ང་མ་ཁྱོད་སྨྲས་པ་ནོངས་ཏེ། བདག་
D119.053.0281b04.01ལས་འགྱོད་ཚངས་གསོལ་ལོ། །སྦྲུལ་གདུག་པ་དང་འདྲ་བའི་ལུས་འདི་དང་རིང་དུ་འགྲོགས་པར་མི་འཚལ་ཏེ་མྱ་ངན་ལས་འདའོ་ཞེས་མཆིའོ། །བཅོམ་ལྡན་འདས་ཀྱིས་ཚེ་དང་ལྡན་པ་ཀཽཎྜི་ནྱ་ལ་བཀའ་སྩལ་པ། དགེ་སློང་བ་སི་ཏ་ནི་སྔོན་སངས་རྒྱས་ཚད་མེད་པ་སྙེད་ལ་དགེ་བའི་རྩ་བ་བསྐྱེད་
D119.053.0281b05.01པས་ད་འདིར་བསྟན་པའི་ལུང་བཞིན་དུ་གནས་པར་གྱུར་ཏོ། །དེ་ལྟར་ལུང་བཞིན་དུ་གནས་པས་ཡང་དག་པའི་འབྲས་བུ་ཐོབ་པར་གྱུར་ཏེ། དེ་བས་ན་ཁྱོད་ཀྱིས་དེའི་ལུས་ལ་མཆོད་པ་གྱིས་ཤིག། །།འཕགས་པ་ཡོངས་སུ་མྱ་ངན་ལས་འདས་པའི་མདོ། བམ་པོ་ལྔ་བཅུ་
D119.053.0281b06.01གཉིས་པ། དེ་ནས་ཀཽཎྜི་ནྱས་བཅོམ་ལྡན་འདས་ལས་དེ་སྐད་ཅེས་ཐོས་ནས་ཕྱིར་དེའི་ལུས་གང་ན་བར་སོང་སྟེ་མཆོད་པ་བྱས་སོ། །དེའི་ཚེ་བ་སི་ཏས་ལུས་བསྲེགས་པ་ན་རྫུ་འཕྲུལ་སྣ་ཚོགས་མངོན་པར་བསྟན་ཏེ། མུ་སྟེགས་ཅན་གྱི་རྣམས་དེ་ལྟ་བུར་གྱུར་པ་མཐོང་ནས་སྐད་ཆེན་པོས་འདི་སྐད་ཅེས་
D119.053.0281b07.01