完整藏文原文 · 德格版页 当前仅加载第 53 函德格 300a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། འཕགས་པའི་ལམ་གྱི་ཡན་ལག་བརྒྱད་སྨྲའོ། །ལ་ལ་ནི་ནང་སྟོང་པ་ཉིད་དང་། ཕྱི་སྟོང་པ་ཉིད་དང་། ཕྱི་ནང་སྟོང་པ་ཉིད་དང་། འདུས་བྱས་སྟོང་པ་ཉིད་དང་། འདུས་མ་བྱས་སྟོང་པ་ཉིད་དང་། ཐོག་མ་དང་། ཐ་མ་མེད་པ་སྟོང་པ་ཉིད་
D119.053.0300a01.01དང་། རང་བཞིན་སྟོང་པ་ཉིད་དང་། དོར་བ་མེད་པ་སྟོང་པ་ཉིད་དང་། མི་དམིགས་པ་སྟོང་པ་ཉིད་དང་། རང་གི་མཚན་ཉིད་སྟོང་པ་ཉིད་དང་། མཚན་མ་མེད་པ་སྟོང་པ་ཉིད་དང་། ཕུང་པོ་སྟོང་པ་ཉིད་དང་། ཁམས་སྟོང་པ་དང་། སྐྱེ་མཆེད་སྟོང་པ་དང་། དགེ་བ་སྟོང་པ་
D119.053.0300a02.01དང་། མི་དགེ་བ་སྟོང་པ་དང་། ལུང་དུ་མི་སྟོན་པ་སྟོང་པ་དང་། བྱང་ཆུབ་སྟོང་པ་དང་། ལམ་སྟོང་པ་དང་། མྱ་ངན་ལས་འདས་པ་སྟོང་པ་དང་། སྤྱོད་པ་སྟོང་པ་དང་། ཐོབ་པ་སྟོང་པ་དང་། དོན་དམ་པ་སྟོང་པ་དང་། སྟོང་པ་ཉིད་སྟོང་པ་ཉིད་དང་། ཆེན་པོ་སྟོང་པ་ཉིད་
D119.053.0300a03.01ཀྱང་སྟོན་ཏོ། །ལ་ལ་ནི་མངོན་པར་ཤེས་པ་སྟོན་ཏོ། །ལུས་ལས་ཆུ་དང་མེ་འབྱུང་སྟེ། ལུས་ཀྱི་སྟོད་ནས་ཆུ་འབབ་ན། ལུས་ཀྱི་སྨད་ནས་མེ་འབར། ལུས་ཀྱི་སྨད་ནས་ཆུ་འབབ་ན། ལུས་ཀྱི་སྟོད་ནས་མེ་འབར། མཆན་གཡས་པ་འོག་ཏུ་ཕབ་ན་མཆན་གཡོན་
D119.053.0300a04.01ནས་ཆུ་འབྱུང་། མཆན་གཡོན་པ་འོག་ཏུ་ཕབ་ན་གཡས་ནས་ཆུ་འབྱུང་། མཆན་ཁུང་གཅིག་ནས་འབྲུག་བསྒྲགས་ན་མཆན་ཁུང་གཅིག་ནས་ཆར་འབབ་པ་ཡང་སྟོན་ཏོ། །ལ་ལ་ནི་སངས་རྒྱས་ཀྱི་ཞིང་མང་པོ་ཡང་སྟོན་ཏོ། །ལ་ལ་ནི་བྱང་ཆུབ་སེམས་དཔའ་ཐོག་མ་ལྷུམས་
D119.053.0300a05.01ནས་བལྟམས་ནས་གོམ་པ་བདུན་བདུན་གཤེགས་པ་དང་། ཕོ་བྲང་ན་འདོད་པ་ལྔ་ལ་ལོངས་སྤྱོད་པ་དང་། ཐོག་མ་རབ་ཏུ་བྱུང་བ་ནས་དཀའ་བ་མཛད་པ་དང་། བྱང་ཆུབ་ཀྱི་ཤིང་དྲུང་དུ་གཤེགས་ཏེ་ཏིང་ངེ་འཛིན་དུ་ཞུགས་པ་དང་། བདུད་ཀྱི་སྡེ་རྣམས་ཕབ་ནས་ཆོས་ཀྱི་
D119.053.0300a06.01འཁོར་ལོ་སྐོར་བ་དང་། རྫུ་འཕྲུལ་ཆེན་པོ་བསྟན་ནས་ཡོངས་སུ་མྱ་ངན་ལས་འདའ་བ་ཡང་སྟོན་ཏོ། །བཅོམ་ལྡན་འདས་དགེ་སློང་དགའ་བོས་དེ་ལྟ་བུའི་དངོས་པོ་དག་མཐོང་ནས། དེ་ཡིད་ལ་འདི་སྙམ་དུ་རྫུ་འཕྲུལ་སྔོན་མ་མཐོང་བ་འདི་དག་སུས་བྱས། བཅོམ་ལྡན་
D119.053.0300a07.01