完整藏文原文 · 德格版页 当前仅加载第 53 函德格 284b 版页；藏文 NFD、目录标记与异常页序保留在来源切片中，重复版页行以稳定序号区分。
རུང་བས་ན་ང་ལ་ནི་བཀྲ་ཤིས་པ་ཡིན་གྱི། ཁྱོད་ལ་ནི་བཀྲ་མི་ཤིས་སོ། །རིགས་ཀྱི་བུ་ཁྱོད་སྨྲ་བ་ལྟར་ན་ང་ལ་བཀྲ་མི་ཤིས་པས་ན། ཁྱོད་ལ་ཡང་བཀྲ་མི་ཤིས་སོ་སྙམ་སེམས་པ་མི་རུང་ངོ་། །དེ་ཅིའི་ཕྱིར་ཞེ་ན། འཇིག་རྟེན་གྱི་འགྲོ་བ་དག་བདག་གི་མཚོན་ཆ་བདག་ལ་གནོད་པ་
D119.053.0284b01.01དང་། བདག་གིས་བྱས་པ་ཕ་རོལ་པོས་སྤྱོད་པ་ཡོད་དེ། ཁྱོད་དཔེ་སྨྲ་བ་ཡང་དེ་དང་འདྲ་སྟེ། ང་ལ་ནི་བཀྲ་ཤིས་པ་ཡིན་གྱི། ཁྱོད་ལ་ནི་བཀྲ་ཤིས་པ་མ་ཡིན་ནོ། །ས་ནིས་གསོལ་པ། གཽ་ཏ་མས་སྔར་བདག་ལ་ཁྱོད་ནི་མ་སྙོམས་སོ་ཞེས་གསུངས་ན། ད་ནི་ཁྱོད་གསུང་བ་ཡང་མ་སྙོམས་
D119.053.0284b02.01སོ། །དེ་ཅིའི་སླད་དུ་ཞེ་ན། གཽ་ཏ་མས་བཀྲ་ཤིས་པ་ནི་བདག་གིར་མཛད། བཀྲ་མི་ཤིས་པ་ནི་ཁོ་བོ་ལ་བདར་བས་གཞུང་དེས་ན་ཡང་དག་པར་མ་སྙོམས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ངའི་མ་སྙོམས་པས་ཁྱོད་ཀྱི་མ་སྙོམས་པ་བཅོམ་སྟེ། ཁྱོད་ནི་སྙོམས་ཀྱི་ང་ནི་མ་
D119.053.0284b03.01སྙོམས་པས་བཀྲ་ཤིས་པ་ཡིན་ནོ། །ངའི་མ་སྙོམས་པས་ཁྱོད་ཀྱི་མ་སྙོམས་པ་བཅོམ་ནས་ཁྱོད་སྙོམས་པར་གྱུར་པ་དེ་ཉིད་ང་ཡང་སྙོམས་པའོ། །དེ་ཅིའི་ཕྱིར་ཞེ་ན། འཕགས་པ་རྣམས་དང་འཐུན་པར་སྙོམས་པའི་ཕྱིར་རོ། །ས་ནིས་གསོལ་པ། གཽ་ཏ་མ་བདག་ནི་རྟག་ཏུ་སྙོམས་ན་ཅིའི་སླད་དུ་
D119.053.0284b04.01ཁྱོད་ཀྱིས་མ་སྙོམས་པ་བཅོམ་མོ་ཞེས་གསུང་། སེམས་ཅན་ཐམས་ཅད་ལ་བདག་ཅེས་བགྱི་བ་སྙོམས་པར་མཆིས་ན། ཅིའི་སླད་དུ་བདག་ལ་མ་སྙོམས་སོ་ཞེས་གསུང་། རིགས་ཀྱི་བུ་ཁྱོད་ཀྱིས་ཀྱང་སེམས་ཅན་དམྱལ་བར་ལྟུང་བ་དང་། {ཡི་དགས་,ཡི་དྭགས་}དང་། བྱོལ་སོང་གི་སྐྱེ་གནས་སུ་ལྟུང་
D119.053.0284b05.01བ་དང་། མི་དང་ལྷར་འགྱུར་རོ་ཞེས་སྨྲ། ཇི་སྟེ་བདག་ཅེས་བྱ་བ་རྒྱུད་ལྔ་ཁྱབ་པ་ཞིག་ཡིན་ན། ཅིའི་ཕྱིར་རྒྱུད་ལྔ་མྱོང་བར་འགྱུར་རོ་ཞེས་སྨྲ། ཁྱོད་ཀྱང་ཕ་མ་གཉིས་དང་ཕྲད་པ་ལས་བུར་འགྱུར་རོ་ཞེས་སྨྲ། ཅི་སྟེ་བུ་སྔ་ནས་ཡོད་པ་ཞིག་ཡིན་ན། ཅིའི་ཕྱིར་འདུས་ཤིང་ཕྲད་པ་ལས་བུར་
D119.053.0284b06.01འགྱུར་རོ་ཞེས་སྨྲ། དེ་བས་ན་མི་གཅིག་པུ་ལ་རྒྱུད་ལྔ་ཆར་གྱི་ལུས་ཡོད་དོ། །ཇི་སྟེ་རྒྱུད་ལྔར་སྔ་ནས་ལུས་ཡོད་པ་ཞིག་ཡིན་ན། ཅིའི་ཕྱིར་ལུས་ཀྱི་ཕྱིར་ལས་བྱེད་དགོས་པར་འགྱུར། དེ་བས་ན་མ་སྙོམས་ན་ཡིན་ནོ། །རིགས་ཀྱི་བུ་ཁྱོད་ཀྱི་ཡིད་ལ་བདག་ཅེས་བྱ་བ་བྱེད་པ་པོ་ཡིན་ནོ་ཞེས་བྱ་
D119.053.0284b07.01