完整藏文原文 · 德格版页 当前仅加载第 53 函德格 284a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་ན་ནི་ཆོས་དང་ཆོས་མ་ཡིན་པ་གཉིས་ཀ་ལ་ཡང་བདག་ཅེས་བྱ་བ་ཡོད་པའི་རིགས་ལ། བདག་ཅེས་བྱ་བའི་ནང་ན་ཡང་ཆོས་དང་ཆོས་མ་ཡིན་པ་ཡོད་པའི་རིགས་སོ། །ཇི་སྟེ་ཆོས་དང་ཆོས་མ་ཡིན་པ་ལ་བདག་ཅེས་བྱ་བ་མེད་ན་ནི་ཐམས་ཅད་ལ་ཁྱབ་ཅེས་བྱ་བ་ཡང་
D119.053.0284a01.01མི་རུང་ངོ་། །ཇི་སྟེ་གཉིས་ཀ་ལ་ཡོད་པ་ཞིག་ཡིན་ན་ནི་མེ་མར་གྱི་སྙིང་པོ་དང་སྣང་བ་གཉིས་ཀ་དཔེར་བྱར་རུང་ངམ། རིགས་ཀྱི་བུ་ཁྱོད་ཀྱི་ཡིད་ལ་མེ་མར་གྱི་སྙིང་པོ་དང་སྣང་བ་ཡང་དག་པར་སོ་སོ་བར་སེམས་ན་ཅིའི་ཕྱིར་མེ་མར་གྱི་སྙིང་པོ་བཟང་པོའི་དུས་ན་སྣང་བ་ཡང་གསལ་ལ། མེ་མར་གྱི་
D119.053.0284a02.01སྙིང་པོ་ཟད་པའི་དུས་ན་སྣང་བ་མེད་པར་གྱུར། དེ་བས་ན་ཆོས་དང་ཆོས་མ་ཡིན་པའི་དཔེ་མེ་མར་གྱི་སྙིང་པོ་ལས་བླངས་པ་དང་། བདག་ཅེས་བྱ་བའི་དཔེ་སྣང་བ་ལ་ཁྱད་པར་མེད་པ་ལ་བླངས་པ་མི་རུང་ངོ་། །དེ་ཅིའི་ཕྱིར་ཞེ་ན། ཆོས་དང་ཆོས་མ་ཡིན་པ་དང་། བདག་ཅེས་བྱ་བ་དངོས་པོ་གསུམ་
D119.053.0284a03.01གཅིག་ཏུ་འགྱུར་བའི་ཕྱིར་རོ། །ས་ནིས་གསོལ་པ། གཽ་ཏ་མ་ཁྱོད་ཀྱིས་མེ་མར་ལས་དཔེ་བླངས་པ་དེ་བཀྲ་ཤིས་པ་མ་ལགས་སོ། །དེ་ཅིའི་སླད་དུ་ཞེ་ན། མེ་མར་ལས་དཔེ་བླངས་པ། བཀྲ་ཤིས་པ་ལགས་ན་བདག་གིས་སྔར་གསོལ་པ་ལགས་སོ། །བཀྲ་ཤིས་མིན་ན་ཅིའི་སླད་དུ་ཡང་དེ་སྐད་
D119.053.0284a04.01གསུང་། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ངས་དཔེར་བརྗོད་པ་ནི་བཀྲ་ཤིས་པའམ། བཀྲ་ཤིས་པ་མ་ལགས་པའོ་ཞེས་མི་གསུང་གི །ཁྱོད་ཀྱི་ཡིད་དང་སྦྱར་ཏེ་མེ་མར་གྱི་སྙིང་པོའི་ཕ་རོལ་ན་སྣང་བ་ཡོད་དམ། སྙིང་པོ་ཉིད་སྣང་བ་ཡིན་ཞེས་དཔེར་བརྗོད་དེ། ཁྱོད་
D119.053.0284a05.01སེམས་མ་སྙོམས་པས་ཆོས་དང་ཆོས་མ་ཡིན་པའི་དཔེ་མར་མེའི་སྙིང་པོ་ལས་བླངས་པ་དང་བདག་ཅེས་བྱ་བའི་དཔེ་སྣང་བ་ལས་བླངས་པས། དེའི་ཕྱིར་སྙིང་པོ་ལས་སྣང་བ་དང་། སྙིང་པོའི་ཕ་རོལ་ན་སྣང་བ་ཡོད་པ་དང་། ཆོས་ལ་བདག་ཡོད་པ་དང་། བདག་ལ་ཆོས་ཡོད་པ་དང་། ཆོས་མ་
D119.053.0284a06.01ཡིན་པ་བདག་ཅེས་པ་དང་། བདག་ཀྱང་ཆོས་མ་ཡིན་ཞེས་སྨྲ་བས་ཁྱོད་ཀྱི་མཐའ་གཅིག་ནི་འདོད་ལ། མཐའ་གཅིག་ནི་མི་འདོད་པ་མི་རུང་སྟེ། དེ་བས་ན་དཔེ་དེ་ནི་ཁྱོད་ལ་བཀྲ་ཤིས་པ་མ་ཡིན་ནོ། །དེ་བས་ན་ངས་ཁྱོད་ལ་ཕྱིར་བསྟན་པས་རིགས་ཀྱི་བུ་དཔེ་དེ་ནི་དཔེར་མི་རུང་ངོ་། །དཔེར་མི་
D119.053.0284a07.01