完整藏文原文 · 德格版页 当前仅加载第 53 函德格 294b 版页；藏文 NFD、目录标记与异常页序保留在来源切片中，重复版页行以稳定序号区分。
ན་བདག་ནི་ཆོས་ཐམས་ཅད་རང་བཞིན་དུ་ཟད་དེ། རྒྱུ་དང་རྐྱེན་ལས་ནི་མ་ཡིན་ནོ་ཞེས་སྨྲའོ། །གཞན་ཡང་གཽ་ཏ་མ་སྲ་བ་ནི་སའི་རང་བཞིན། གཤེར་བ་ནི་ཆུའི་རང་བཞིན། ཚ་བ་ནི་མེའི་རང་བཞིན། གཡོ་བ་ནི་རླུང་གི་རང་བཞིན། ཐོགས་པ་མེད་པ་ནི་ནམ་མཁའི་རང་བཞིན་
D119.053.0294b01.01ཏེ། ཆེན་པོ་ལྔའི་རང་བཞིན་ནི་རྒྱུ་དང་རྐྱེན་གྱིས་ཡོད་པ་མ་ལགས་སོ། །ཅི་སྟེ་འཇིག་རྟེན་ན་ཆོས་གཅིག་ཙམ་གྱི་རང་བཞིན་རྒྱུ་དང་རྐྱེན་གྱིས་མཆིས་པ་མ་ལགས་ན། ཆོས་ཐམས་ཅད་ཀྱི་རང་བཞིན་ཡང་དེ་དང་འདྲ་སྟེ། རྒྱུ་དང་རྐྱེན་གྱིས་མཆིས་པ་མ་ལགས་སོ། །ཇི་སྟེ་ཆོས་
D119.053.0294b02.01གཅིག་ཙམ་ཡང་རྒྱུ་དང་རྐྱེན་གྱིས་མཆིས་པ་ལགས་ན། ཅིའི་སླད་དུ་ཆེན་པོ་ལྔའི་རང་བཞིན་རྒྱུ་དང་རྐྱེན་ལས་མ་གྱུར། གཽ་ཏ་མ་སེམས་ཅན་གྱིས་དགེ་བའི་ལུས་དང་མི་དགེ་བའི་ལུས་ཀྱིས་རྣམ་པར་གྲོལ་བ་ཐོབ་པ་ཡང་རང་བཞིན་ལགས་ཀྱི། རྒྱུ་དང་རྐྱེན་ལས་ནི་མ་ལགས་སོ། །
D119.053.0294b03.01དེ་བས་ན་ཆོས་ཐམས་ཅད་རང་བཞིན་གྱིས་ཡོད་ཀྱི་རྒྱུ་དང་རྐྱེན་ལས་ནི་མ་ཡིན་པར་བདག་སྨྲའོ། །གཞན་ཡང་གཽ་ཏ་མ་འཇིག་རྟེན་གྱི་ཆོས་ནི་དགོས་པའི་གནས་གཅིག་ཏུ་ཆད་པའོ། །དཔེར་ན་ཤིང་མཁན་ན་རེ་ཤིང་འདི་ནི་ཤིང་རྟ་དང་ཁྱོགས་སུ་འོས་སོ། །ཤིང་འདི་ནི་སྒོ་དང་། ཁྲི་འུར་
D119.053.0294b04.01རུང་ངོ་ཞེས་སྨྲ་བ་དང་། དཔེར་ན་གསེར་མགར་གྱིས་བརྡུངས་སུ་བྱས་ཏེ་འཕྲལ་བ་ལ་བཏགས་པ་ནི་ཕྲེང་བ་ཞེས་བྱ། མགུལ་དུ་བཏགས་པ་ནི་དོ་ཤལ་ཞེས་བྱ། དཔུང་པ་ལ་བཏགས་པ་ནི་དཔུང་རྒྱན་ཞེས་བྱ། སོར་མོ་ལ་བཏགས་པ་ནི་སོར་གདུབ་ཅེས་བྱ་སྟེ། དགོས་པའི་གནས་ངེས་
D119.053.0294b05.01པས་ན་རང་བཞིན་ངེས་པ་ཞེས་བྱའོ། །གཽ་ཏ་མ་སེམས་ཅན་ཐམས་ཅད་ཀྱང་དེ་དང་འདྲ་སྟེ། རྒྱུད་ལྔའི་རང་བཞིན་ཡོད་པས་སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་། བྱོལ་སོང་དང་། ལྷ་དང་། མིའོ། །ཇི་སྟེ་དེ་ལྟ་བུ་ལགས་ན་རྒྱུ་དང་རྐྱེན་ལས་འགྱུར་ཞེས་བགྱིར་རུང་
D119.053.0294b06.01ངམ། གཽ་ཏ་མ་གཞན་ཡང་སེམས་ཅན་ཐམས་ཅད་རང་བཞིན་སོ་སོ་སྟེ། དེ་བས་ན་ཐམས་ཅད་རང་བཞིན་ཞེས་བགྱིའོ། །དཔེར་ན་རུ་སྦལ་ཐང་ལས་སྐྱེས་ཀྱང་ཆུར་འགྲོ་བ་དང་། བེའུ་འབྲངས་མ་ཐག་ཏུ་ནུ་བ་དང་ཉ་མཆིལ་པ་མིད་པ་དང་སྦྲུལ་གདུག་པ་བྱུང་མ་ཐག་ཏུ་ས་ཟ་བ་
D119.053.0294b07.01