完整藏文原文 · 德格版页 当前仅加载第 53 函德格 323b 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །དེ་ནས་འཁོར་གྲངས་མེད་པ་ཐམས་ཅད་ཀྱིས་དེ་སྐད་ཅེས་སྨྲས་པ་ཐོས་ནས་ཐམས་ཅད་བརྒྱལ་ཏེ་ས་ལ་འགྱེལ་ནས། སྡུག་བསྔལ་གྱིས་ཤིན་ཏུ་གདུངས་པས་སྐད་ཀྱང་མི་ཕྱིན་ཏེ། ལ་ལ་ནི་སངས་རྒྱས་ཀྱི་ཞབས་འབྲིང་དུ་ཐལ་བྱུང་ཤིའོ། །ལ་ལ་ནི་སེམས་སྟོར་བར་གྱུར་ཏོ། །ལ་ལ་
D119.053.0323b01.01ནི་ལུས་དང་སེམས་ཤིན་ཏུ་འབར་བར་གྱུར་ཏོ། །ལ་ལ་ནི་གཅིག་གི་ལག་པ་ལ་གཅིག་འཇུས་ཏེ་སྐད་བརྣངས་པ་ཙམ་དུ་མཆི་མ་བླགས་ནས་ངུས་སོ། །ལ་ལ་ནི་བྲང་ལ་ཁུ་ཚུར་གྱིས་བརྡེག་ཅིང་སྐད་ཆེན་པོས་འབོད་དོ། །ལ་ལ་ནི་མགོ་ལ་ཐལ་མོས་རྡེབས་ཤིང་རང་གི་སྐྲ་འབལ་ལོ། །ལ་ལ་
D119.053.0323b02.01ནི་འདི་སྐད་དུ་ཀྱི་ཧུད་ཀྱི་ཧུད་སྡུག་བསྔལ་གྱིས་གདུངས་སོ་ཞེས་སྨྲའོ། །ལ་ལ་ནི་དེ་བཞིན་གཤེགས་པ་མྱ་ངན་ལས་འདས་པ་ཧ་ཅང་ཡང་སྔ་ཆེས་སོ་ཞེས་སྨྲའོ། །ལ་ལ་ནི་བདག་ཅག་གི་ལྷ་སྟོར་ཏོ་ཞེས་སྨྲའོ། །ལ་ལ་ནི་འཇིག་རྟེན་སྟོངས་ཏེ་སེམས་ཅན་གྱི་མིག་མདོངས་སོ་ཞེས་སྨྲའོ། །ལ་
D119.053.0323b03.01ལ་ནི་ཉོན་མོངས་པའི་སྲིན་མོ་མངོན་དུ་བྱུང་ངོ་ཞེས་སྨྲའོ། །ལ་ལ་ནི་སེམས་ཅན་གྱི་དགེ་བའི་མྱུ་གུ་དང་ས་བོན་འགགས་སོ་ཞེས་སྨྲའོ། །ལ་ལ་ནི་བདུད་ཀྱི་སྡེ་རྣམས་དགའ་སྟེ་གོ་ཆ་ཡང་ཕུད་དོ་ཞེས་སྨྲའོ། །ལ་ལ་ནི་བདག་གི་ལུས་འདི་མི་རྟག་གོ་ཞེས་སྨོད་དོ། །ལ་ལ་ནི་ཡང་དག་པར་སྤྱོད་པས་
D119.053.0323b04.01རྣམ་པར་གྲོལ་བར་གྱུར་ཏོ། །ལ་ལ་ནི་མགོན་དང་སྐྱབས་མེད་པར་གྱུར་ཏོ་ཞེས་སྨྲའོ། །ལ་ལ་ནི་ལུས་ལས་ཁྲག་མངོན་དུ་ཟག་ཅིང་ས་ལ་འབབ་པར་གྱུར་ཏོ། །དེའི་ཚེ་རྣམ་པ་ཐ་དད་པའི་སྒྲ་སྐད་ཆེན་པོས་འཇིག་རྟེན་གྱི་ཁམས་ཀུན་གཡོས་པར་གྱུར་ཏེ། དེའི་ཚེ་མི་མཇེད་ཀྱི་འཇིག་རྟེན་གྱི་ཁམས་
D119.053.0323b05.01ཀྱི་བདག་པོ་ཚངས་པའི་རྒྱལ་པོ་ཆེན་པོ་ཡང་། སངས་རྒྱས་ཡོངས་སུ་མྱ་ངན་ལས་འདས་པར་ཤེས་ནས་ལྷའི་འཁོར་དང་བཅས་ཏེ་བསམ་གཏན་དང་པོ་ནས་བབས་ནས་སྐད་ཆེན་པོས་ངུས་ཏེ། དེ་བཞིན་གཤེགས་པའི་སྤྱན་སྔར་བརྒྱལ་ནས་ས་ལ་འགྱེལ་ཏོ། །རིང་ཞིག་ལོན་ནས་ཕྱིར་སངས་ཏེ།
D119.053.0323b06.01སངས་རྒྱས་ཀྱི་སྤྱན་སྔར་ཚིགས་སུ་བཅད་པས་འདི་སྐད་ཅེས་ངུས་སོ། །བཅོམ་ལྡན་འདས་ནི་སྔོན་གྱི་སྨོན་ལམ་གྱིས། །བདག་ཅག་ཕྱིར་དུ་མི་མཇེད་འཇིག་རྟེན་གཤེགས། །ཚད་མེད་དབང་དུ་འགྱུར་བའི་མཐུ་བཅས་ནས། །ཕོངས་པ་ཆོས་འདོད་འགྲོ་བ་རྣམས་ཀྱང་བཏུལ། །མཁས་པའི་ཐབས་
D119.053.0323b07.01