完整藏文原文 · 德格版页 当前仅加载第 53 函德格 298a 版页；藏文 NFD、目录标记与异常页序保留在来源切片中，重复版页行以稳定序号区分。
ངུ་བ་ཡང་རྟག་ཏུ་ངུ་བའི་རིགས་ཏེ། རེས་འགའ་ནི་དགོད། རེས་འགའ་ནི་ངུ་བའི་མི་རིགས་སོ། །དེ་ལྟར་རེས་འགའ་ནི་དགོད། རེས་འགའ་ནི་ངུ་བ་ལས་ན་ཐམས་ཅད་རྒྱུ་དང་རྐྱེན་ལས་འགྱུར་བར་རིག་པར་བྱ་སྟེ། དེ་བས་ན་ཆོས་ཐམས་ཅད་ལ་རང་བཞིན་ཡོད་དེ་རྒྱུ་དང་
D119.053.0298a01.01རྐྱེན་ལས་མ་ཡིན་ནོ་ཞེས་བྱ་བའི་མི་རིགས་སོ། །ཀུན་ཏུ་རྒྱུས་གསོལ་པ། བཅོམ་ལྡན་འདས་གལ་ཏེ་ཆོས་ཐམས་ཅད་རྒྱུ་དང་རྐྱེན་ལས་བྱུང་བ་ཡིན་ན། ལུས་འདི་རྒྱུ་དང་རྐྱེན་གང་ལས་བྱུང་། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ལུས་འདིའི་རྒྱུ་དང་རྐྱེན་ནི་ཉོན་མོངས་པ་དང་ལས་
D119.053.0298a02.01སོ། །ཀུན་ཏུ་རྒྱུས་གསོལ་པ། བཅོམ་ལྡན་འདས་ལུས་འདི་ཉིད་ཉོན་མོངས་པ་དང་ལས་ལས་གྱུར་ན་ཉོན་མོངས་པ་དང་ལས་འདི་གཅད་དུ་རུང་ངམ། བཅོམ་ལྡན་འདས་ཀྱིས་བཀའ་སྩལ་པ། དེ་དེ་བཞིན་ཏེ། དེ་དེ་བཞིན་ནོ། །ཀུན་ཏུ་རྒྱུས་ཡང་གསོལ་པ། བཅོམ་ལྡན་འདས་བདག་ལ་རྣམ་པར་
D119.053.0298a03.01ཕྱེ་སྟེ་བསྟན་པས་བདག་གིས་ཐོས་ནས་གནས་འདི་ཉིད་ལས་མ་གཡོས་པར་ཡོངས་སུ་ཆོད་པར་མཛད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་གལ་ཏེ་མཐའ་གཉིས་ཤེས་ལ་དབུ་མ་ལ་ཐོགས་པ་མེད་ན་གང་ཟག་དེས་ནི་ཉོན་མོངས་པ་དང་ལས་ཡོངས་སུ་ཆོད་པར་འགྱུར་རོ། །
D119.053.0298a04.01ཀུན་ཏུ་རྒྱུས་གསོལ་པ། བཅོམ་ལྡན་འདས་བདག་གིས་ནི་ཤེས་ཤིང་རྟོགས་ཏེ་དམ་པའི་ཆོས་ལ་ཆོས་ཀྱི་མིག་རྣམ་པར་དག་གོ། །བཅོམ་ལྡན་འདས་ཀྱིས་བཀའ་སྩལ་པ། ཇི་ལྟ་བུར་ཤེས་ཤིང་རྟོགས། གསོལ་པ། བཅོམ་ལྡན་འདས་མཐའ་གཉིས་ནི་གཟུགས་དང་། གཟུགས་ཀྱི་རྣམ་པར་
D119.053.0298a05.01གྲོལ་བའོ། །དབུ་མ་ཞེས་བགྱི་བ་ནི་འཕགས་པའི་ལམ་བརྒྱད་དེ། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ཡང་དེ་བཞིན་དུ་རྒྱས་པར་བྱའོ། །བཅོམ་ལྡན་འདས་ཀྱིས་བཀའ་སྩལ་པ། ལེགས་སོ་ལེགས་སོ། །རིགས་ཀྱི་བུ་མཐའ་གཉིས་ཤིན་ཏུ་རྟོགས་ཏེ། ཉོན་མོངས་
D119.053.0298a06.01པ་དང་ལས་ཡོངས་སུ་ཆོད་དོ། །གསོལ་པ། བཅོམ་ལྡན་འདས་བདག་རབ་ཏུ་བྱུང་ཞིང་བསྙེན་པར་རྫོགས་པར་གསོལ་ལོ། །བཅོམ་ལྡན་འདས་ཀྱིས་ལེགས་པར་འོངས་སོ་ཞེས་བཀའ་སྩལ་པས་དགེ་སློང་དུ་གྱུར་ཏེ། དེའི་ཚེ་ཁམས་གསུམ་གྱི་ཉོན་མོངས་པ་ཀུན་ཆོད་ནས་དགྲ་བཅོམ་པའི་འབྲས་
D119.053.0298a07.01