完整藏文原文 · 德格版页 当前仅加载第 53 函德格 330a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེ་སྣ་བདུན་གྱི་སྤོས་ཀྱི་སྒྲོན་མ་ཤིང་རྟའི་འཁོར་ལོ་ཙམ་འཇིག་རྟེན་གྱི་ཁམས་སྣང་བར་བྱས་ནས་ཐམས་ཅད་དུས་གཅིག་ཏུ་སྐད་ཆེན་པོ་ཕྱུང་སྟེ་ངུས་པས་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་གཡོས་ནས་མེ་ཏོག་དང་སྤོས་ཀྱིས་ཡོངས་སུ་མཆོད་པ་བྱས་སོ། །
D119.053.0330a01.01དེའི་ཚེ་རིན་པོ་ཆེའི་སྒྲོན་མ་སྤོས་ཀྱི་ཤིང་བརྩིགས་པའི་དྲུང་དུ་ཕྱིན་མ་ཐག་ཏུ་རང་ཤིའོ། །དེ་ནས་ལྷ་ཐམས་ཅད་ཀྱིས་ཀྱང་བླ་ན་མེད་པའི་རིན་པོ་ཆེ་སྣ་བདུན་གྱི་མེ་ཆེན་པོ་ཐོགས་ཏེ། མེའི་འོད་ཀྱིས་ཀུན་དུ་སྣང་བར་བྱས་ནས་ངུས་བཞིན་དུ་སྤོས་ཀྱི་ཤིང་བརྩིགས་པའི་དྲུང་དུ་ཕྱིན་
D119.053.0330a02.01མ་ཐག་ཏུ་མེ་དེ་ཡང་རང་ཤིའོ། །དེ་ནས་རྒྱ་མཚོའི་ལྷ་ཐམས་ཅད་ཀྱང་རྒྱ་མཚོའི་ནང་གི་མེ་རིན་པོ་ཆེ་སྣ་བདུན་གྱི་སྒྲོན་མའི་འོད་ཟེར་གྲངས་མེད་པ་དང་ལྡན་པ་ཐོགས་ཏེ། སྤོས་ཀྱི་ཤིང་བརྩིགས་པ་ལ་བསྲེགས་ན་མེ་དེ་ཡང་རང་ཤིའོ། །དེའི་ཚེ་འཁོར་མང་པོ་རྣམས་
D119.053.0330a03.01ཤིན་ཏུ་ངུས་ནས་མཆོད་པ་ཐམས་ཅད་ཀྱིས་མཆོད་དེ། དེ་བཞིན་གཤེགས་པ་མཛད་པ་ཅིའི་མཐར་མ་ཕྱིན་ན། སྤོས་ཀྱི་ཤིང་ལ་མེ་མཆེད་དུ་མ་བཏུབ་པ་མ་རྟོགས་སོ། །དེའི་ཚེ་བཅོམ་ལྡན་འདས་ཀྱིས་ཐུགས་རྗེ་ཆེན་པོ་ཀུན་ལ་ཁྱབ་པ་འོད་སྲུང་གི་འཁོར་ལ་གཞེས་ཏེ་
D119.053.0330a04.01གདོད་ཞུགས་ཀྱིས་བཞེན་ཏོ། །དེའི་ཚེ་ན་འོད་སྲུང་ཆེན་པོ་འཁོར་ལྔ་བརྒྱ་དང་བྱ་རྒོད་འཕུངས་པའི་རི་ལ་འཁོད་དོ། །རི་དེ་རྩྭ་མཆོག་གྲོང་ཁྱེར་ནས་དཔག་ཚད་ལྔ་བཅུ་ཡོད་དེ། དེ་ན་ལུས་དང་སེམས་རབ་ཏུ་ཞི་བའི་ཏིང་ངེ་འཛིན་ལ་ཞུགས་པ་ལས་དངངས་ནས་ལུས་ཀྱང་
D119.053.0330a05.01འདར་ཞིང་གཡོས་སོ། །དེ་ནས་ཏིང་ངེ་འཛིན་ལས་བྱུང་སྟེ་བལྟས་ན་ས་དང་རི་ཀུན་རབ་ཏུ་གཡོས་པ་མཐོང་ནས། དེ་བཞིན་གཤེགས་པ་མྱ་ངན་ལས་འདས་པར་ཤེས་ཏེ། འཁོར་རྣམས་ལ་འདི་སྐད་ཅེས་སྨྲས་སོ། །ངའི་སྟོན་པ་ཆེན་པོ་ཡོངས་སུ་མྱ་ངན་ལས་འདས་
D119.053.0330a06.01ནས་ཞག་བདུན་ལོན་ཏེ། སྒྲོམ་གྱི་ནང་དུ་ཡང་བཅུག་གོ། །ཀྱི་ཧུད་ཀྱི་ཧུད་མྱུར་དུ་དེ་བཞིན་གཤེགས་པ་གང་ན་བར་དོང་ངོ་། །གལ་ཏེ་ཞུགས་ལ་བཞེན་པར་གྱུར་ན་དེ་བཞིན་གཤེགས་པའི་སྐུ་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུར་ལྡན་པ་ཡོངས་སུ་
D119.053.0330a07.01