完整藏文原文 · 德格版页 当前仅加载第 53 函德格 209a 版页；藏文 NFD、目录标记与异常页序保留在来源切片中，重复版页行以稳定序号区分。
དཔེར་ན་ས་བོན་ཚིག་པ་ལ་འབྲས་བུ་མི་སྐྱེ་བ་དང་། ཤིང་ཏ་ལའི་མགོ་བཅད་ན་ཤིང་ཏོག་མི་སྐྱེ་བ་དང་འདྲ་བར་རྩ་བ་བཞི་ཉམས་པའི་དགེ་སློང་ཡང་དེ་དག་འདྲའོ་ཞེས་གསུངས་ཏེ། ངའི་ཉེ་གནས་རྣམས་ཀྱིས་དེ་སྐད་ཅེས་གསུངས་པ་ཐོས་ནས་
D119.053.0209a01.01ངའི་དགོངས་པ་མི་ཤེས་པས་འདི་སྐད་དུ་དགེ་སློང་རྣམས་ཀྱི་རྩ་བ་བཞི་ཉམས་ན་དགེ་སློང་གི་ཚུལ་ཁྲིམས་ཉམས་པ་ཡིན་པར་དེ་བཞིན་གཤེགས་པས་གསུངས་སོ་ཞེས་ཟེར་རོ། །རིགས་ཀྱི་བུ་ངས་མདོ་སྡེའི་ནང་ནས་ཙུན་ད་ལ་དགེ་སློང་རྣམ་པ་བཞི་ཡོད་དོ་ཞེས་གསུངས་
D119.053.0209a02.01ཏེ། གང་ཞེ་ན། བྱང་ཆུབ་ཀྱི་མཐར་ཕྱིན་པ་དང་། བྱང་ཆུབ་སྟོན་པ་དང་། བྱང་ཆུབ་ལེན་པ་དང་། བྱང་ཆུབ་སྨེ་བར་བྱེད་པའོ། །དེ་ལ་རྩ་བ་བཞི་ཉམས་པ་ནི་བྱང་ཆུབ་སྨེ་བར་བྱེད་པའོ་ཞེས་གསུངས་ཏེ། ངའི་ཉེ་གནས་རྣམས་ཀྱིས་དེ་སྐད་ཅེས་གསུངས་པ་ཐོས་
D119.053.0209a03.01ནས། ངའི་དགོངས་པ་མི་ཤེས་པས་འདི་སྐད་དུ་དགེ་སློང་རྣམས་ཀྱི་རྩ་བ་བཞི་ཉམས་ཀྱང་ཚུལ་ཁྲིམས་ཉིད་མ་ཉམས་པར་དེ་བཞིན་གཤེགས་པས་གསུངས་སོ་ཞེས་ཟེར་རོ། །རིགས་ཀྱི་བུ་ངས་མདོ་སྡེ་ལས་དགེ་སློང་རྣམས་ལ་ཐེག་པ་གཅིག་པ་དང་། ལམ་གཅིག་
D119.053.0209a04.01པ་དང་། སྤྱོད་པ་གཅིག་པ་དང་། དམིགས་པ་གཅིག་པ་གསུངས་ཏེ། དེ་ལྟ་བུའི་ཐེག་པ་གཅིག་པ་ནས་དམིགས་པ་གཅིག་པའི་བར་དུ་དེ་དག་གིས་སེམས་ཅན་གྱི་ཞི་བ་ཆེན་པོ་བྱེད་ཅིང་བཅིངས་པ་ཐམས་ཅད་དང་། མྱ་ངན་དང་། སྡུག་བསྔལ་དང་། སྡུག་བསྔལ་
D119.053.0209a05.01གྱི་རྒྱུ་ཡོངས་སུ་གཅོད་དེ། སེམས་ཅན་ཐམས་ཅད་སྲིད་པ་གཅིག་ཏུ་ཕྱིན་པར་བྱེད་པའོ་ཞེས་གསུངས་ཏེ། ངའི་ཉེ་གནས་རྣམས་ཀྱིས་དེ་སྐད་ཅེས་གསུངས་པ་ཐོས་ནས་ངའི་དགོངས་པ་མི་ཤེས་པས་འདི་སྐད་དུ་རྒྱུན་དུ་ཞུགས་པ་ནས་དགྲ་བཅོམ་པའི་བར་དུ་དེ་དག་ཐམས་
D119.053.0209a06.01ཅད་ཀྱང་མངོན་པར་བྱང་ཆུབ་པར་དེ་བཞིན་གཤེགས་པས་གསུངས་སོ་ཞེས་ཟེར་རོ། །རིགས་ཀྱི་བུ་ངས་མདོ་སྡེ་ལས་རྒྱུན་དུ་ཞུགས་པས་ལྷ་དང་མིའི་ནང་དུ་ཡན་མན་ལན་བདུན་སྐྱེས་ནས་ཡོངས་སུ་མྱ་ངན་ལས་འདའོ། །ལན་ཅིག་ཕྱིར་ལྡོག་པས་ནི་ལྷ་དང་མིར་ལན་
D119.053.0209a07.01