完整藏文原文 · 德格版页 当前仅加载第 53 函德格 263a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་ཀྱི་ཕྱོགས་སུམ་ཅུ་རྩ་བདུན་གྱི་ཆོས་ཀྱི་མཚན་ཉིད་རྟོགས་པ་ཡང་ཤེས་རབ་མཆོག་ཏུ་འགྱུར་ཏེ། དེ་བས་ན་ཤེས་རབ་ནི་རྒྱལ་བ་ཞེས་བྱའོ། །དེ་ལྟར་ཤེས་རབ་ཀྱིས་ཉོན་མོངས་པ་རྟོགས་ནས་ཤེས་རབ་ཀྱི་སྟོབས་ཀྱིས་ཉོན་མོངས་པ་ཞི་བར་འགྱུར་ཏེ། ཇི་
D119.053.0263a01.01ལྟར་འཇིག་རྟེན་ན་ཚོགས་རྣམ་བཞིས་དགྲ་ཕམ་པ་ཡང་དཔའ་བོ་གཅིག་གམ་གཉིས་ཙམ་ལ་རག་ལུས་པ་ལྟར་བྱང་ཆུབ་ཀྱི་ཕྱོགས་སུམ་ཅུ་རྩ་བདུན་ཡང་དེ་དང་འདྲ་སྟེ། ཤེས་རབ་ཀྱི་མཐུས་ཉོན་མོངས་པ་ཆོམས་པས་ཤེས་རབ་ཀྱི་རྒྱལ་བ་ཞེས་བྱའོ། །རིགས་ཀྱི་བུ་བྱང་ཆུབ་ཀྱི་
D119.053.0263a02.01ཕྱོགས་སུམ་ཅུ་རྩ་བདུན་ལ་ནན་ཏན་བྱས་པས་བསམ་གཏན་བཞི་དང་། མངོན་པར་ཤེས་པ་དང་། བདེ་བ་ཐོབ་མོད་ཀྱི་ཡང་དག་པ་ཞེས་མི་བྱ་སྟེ། གང་ཉོན་མོངས་པ་བཅོམ་ནས་རྣམ་པར་གྲོལ་བ་ཐོབ་པའི་ཚེ། དོན་ཡང་དག་པ་ཞེས་བྱའོ། །བྱང་ཆུབ་ཀྱི་ཕྱོགས་སུམ་ཅུ་རྩ་བདུན་
D119.053.0263a03.01ལ་སེམས་བསྐྱེད་དེ་ནན་ཏན་བྱས་པས་འཇིག་རྟེན་གྱི་བདེ་བ་དང་། འཇིག་རྟེན་ལས་འདས་པའི་བདེ་བ་དང་། དགེ་སྦྱོང་གི་འབྲས་བུ་བཞི་དང་། རྣམ་པར་གྲོལ་བ་ཐོབ་མོད་ཀྱི་མཐར་ཕྱིན་པ་ཞེས་མི་བྱའོ། །གང་ཞིག་གིས་བྱང་ཆུབ་ཀྱི་ཕྱོགས་སུམ་ཅུ་རྩ་བདུན་སྤྱོད་པའི་དངོས་པོ་
D119.053.0263a04.01ཡོངས་སུ་བཅད་ན་དེ་ནི་མྱ་ངན་ལས་འདས་པ་ཞེས་བྱ་སྟེ། དེ་བས་ན་མཐར་ཕྱིན་པ་ལ་ཡོངས་སུ་མྱ་ངན་ལས་འདས་པ་ཆེན་པོ་ཞེས་ངས་གསུངས་སོ། །རིགས་ཀྱི་བུ་གཞན་ཡང་ཤིན་ཏུ་འདོད་པའི་སེམས་ནི་མོས་པ་ཞེས་བྱའོ། །ཤིན་ཏུ་འདོད་པས་དགེ་བའི་བཤེས་གཉེན་ལ་བསྙེན་པར་
D119.053.0263a05.01འགྱུར་ཏེ། དེ་ནི་རེག་པ་ཞེས་ཀྱང་བྱ། རྒྱུ་ཞེས་ཀྱང་བྱའོ། །དགེ་བའི་བཤེས་གཉེན་ལ་བསྙེན་པས་ཚོར་བ་ཞེས་ཀྱང་བྱ་སྟེ། དེ་ནི་སྡུད་པ་ཞེས་བྱའོ། །དགེ་བའི་བཤེས་གཉེན་ལ་བསྙེན་པས་ཤིན་ཏུ་ཡིད་ལ་བྱེད་པར་འགྱུར་ཏེ་བསྐྱེད་པ་ཞེས་བྱའོ། །ཆོས་རྣམ་པ་འདི་བཞིའི་རྐྱེན་གྱིས་བྱང་ཆུབ་
D119.053.0263a06.01སྐྱེ་བ་ནི་མོས་པ་དང་། དྲན་པ་དང་། ཏིང་ངེ་འཛིན་དང་། ཤེས་རབ་ཡིན་ཏེ། དེ་ནི་བདག་པོ་དང་། དེད་དཔོན་དང་། རྒྱལ་བ་ཞེས་བྱའོ། །ཆོས་རྣམ་པ་འདི་གསུམ་གྱི་རྐྱེན་གྱིས་རྣམ་པར་གྲོལ་བ་གཉིས་ཐོབ་པར་འགྱུར་རོ། །འདོད་པ་ཡོངས་སུ་བཅད་པས་ནི་སེམས་རྣམ་པར་གྲོལ་
D119.053.0263a07.01