完整藏文原文 · 德格版页 当前仅加载第 53 函德格 191a 版页；藏文 NFD、目录标记与异常页序保留在来源切片中，重复版页行以稳定序号区分。
རིགས་ཀྱི་བུ་ཁྱོད་ཀྱིས་དེ་བཞིན་གཤེགས་པས་གསུངས་པ་ལ་ཡང་དག་པར་གཉིས་སུ་མེད་པར་ཤེས་པར་གྱིས་ཤིག །དེ་ཅིའི་ཕྱིར་ཞེ་ན། གལ་ཏེ་དེ་བཞིན་གཤེགས་པས་སེམས་ཅན་དམྱལ་བར་ལྟུང་བར་ལུང་བསྟན་པ་ལས་སེམས་ཅན་དམྱལ་བར་མི་ལྟུང་
D119.053.0191a01.01བའི་གནས་མེད་དོ། །ཉན་ཐོས་དང་རང་སངས་རྒྱས་ཀྱིས་ལུང་བསྟན་པ་ལ་གཉིས་སུ་ཡོད་དེ། ཁ་ཅིག་ནི་བདེན། ཁ་ཅིག་ནི་{བརྫུན་,རྫུན་}ནོ། །དཔེར་ན་མཽད་གལ་ཡ་ན་ཡུལ་དབུས་འགྱུར་འཆང་ན་འདུག་པའི་ཚེ་ཡུལ་མི་ཐམས་ཅད་ལ་ད་སྟེ་ཞག་བདུན་ན་ཆར་པ་འབབ་བོ་ཞེས་ལུང་
D119.053.0191a02.01བསྟན་པ་ལས་ཕྱིས་ཆར་པ་མ་བབ་བོ། །བྱིས་པ་སྦྲུམ་པ་ཞིག་ལ་བེའུ་དཀར་རུ་འབྱུང་ངོ་ཞེས་ལུང་བསྟན་པ་ལས་བེའུ་ཁྲའུ་ཞིག་བྱུང་ངོ་། །བུ་ཁྱེའུ་ཞིག་འབྱུང་ངོ་ཞེས་ལུང་བསྟན་པ་ལས་ཕྱིས་བུ་མོ་ཞིག་བྱུང་ངོ་། །རིགས་ཀྱི་བུ་དགེ་སློང་ལེགས་པའི་སྐར་མ་ནི་རྟག་ཏུ་སེམས་ཅན་
D119.053.0191a03.01ཚད་མེད་པ་སྙེད་ལ་ཐམས་ཅད་ཀྱི་ཐམས་ཅད་དུ་དགེ་བ་དང་སྡིག་པའི་འབྲས་བུ་མེད་དོ་ཞེས་སྨྲ་སྟེ། དེའི་ཚེ་ན་དགེ་བའི་རྩ་བ་ཐམས་ཅད་ཡོངས་སུ་བཅད་པས་བ་སྤུའི་ཉག་མ་ཙམ་ཡང་མ་ལུས་སོ། །རིགས་ཀྱི་བུ་ངས་སྔོན་དགེ་སློང་ལེགས་པའི་སྐར་མ་ལ་དགེ་བའི་རྩ་བ་མེད་
D119.053.0191a04.01པར་མཁྱེན་མོད་ཀྱི་འོན་ཀྱང་ལོ་ཉི་ཤུ་ཚང་བར་ལྷན་ཅིག་ཏུ་གནས་ཏེ་ཐུན་མོང་དུ་སྤྱད་པར་གྱུར་ཏོ། །གལ་ཏེ་ངས་ཡོངས་སུ་སྤངས་ཏེ་གཡས་གཡོན་དུ་མ་བསྙེན་ན་ལེགས་པའི་སྐར་མ་དེས་སེམས་ཅན་ཚད་མེད་པ་སྙེད་སྡིག་པ་མི་དགེ་བའི་ལས་ལ་གཟུད་པར་གྱུར་ཏེ། འདི་ནི་དེ་
D119.053.0191a05.01བཞིན་གཤེགས་པའི་མཁྱེན་པའི་སྟོབས་མངའ་བ་ཞེས་བྱའོ། །གསོལ་པ། བཅོམ་ལྡན་འདས་ལོག་སྲེད་ཅན་ལ་ཅིའི་སླད་དུ་དགེ་བའི་ཆོས་མ་མཆིས་པ་ཞེས་བགྱི། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ལོག་སྲེད་ཅན་ནི་དགེ་བའི་རྩ་བ་ཡོངས་སུ་
D119.053.0191a06.01བཅད་པའི་ཕྱིར་རོ། །སེམས་ཅན་ཐམས་ཅད་ལ་དད་པ་ལ་སོགས་པ་དབང་པོ་ལྔ་ཡོད་ན་ལོག་སྲེད་ཅན་ནི་ཡོངས་སུ་བཅད་དེ། དོན་དེ་ལྟ་བས་ན་གྲོག་སྦུར་ཙམ་བསད་ན་ཡང་ཁ་ན་མ་ཐོ་བ་ཐོབ་པར་འགྱུར་གྱི་ལོག་སྲེད་ཅན་ནི་བསད་ཀྱང་ཁ་ན་མ་ཐོ་བའི་སྡིག་པ་མེད་དོ། །གསོལ་
D119.053.0191a07.01