完整藏文原文 · 德格版页 当前仅加载第 53 函德格 169b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་གཤེགས་པ་དང་། ཆོས་དང་དགེ་འདུན་ལ་འགོག་པ་མ་ཡིན་ནོ་ཞེས་ཡིད་ཆེས་ཤིང་དད་དེ། ལོག་སྲེད་ཅན་ནི་ཆོས་དེ་དག་མ་བཅད་ན་ནམས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མི་འཐོབ་སྟེ། རྣམ་པར་སྤངས་ན་གདོད་ཐོབ་བོ་སྙམ་ཡིད་ཆེས་ཤིང་དད་པའི་
D119.053.0169b01.01སེམས་ཀྱིས་ཚུལ་ཁྲིམས་གཙང་བ་སྒོམ་སྟེ། ཚུལ་ཁྲིམས་གཙང་བ་བསྒོམས་ནས་མདོ་སྡེ་སྡེ་བཅུ་གཉིས་གཟུངས་སུ་འཛིན་ཅིང་ཀློག་པ་དང་། འདོན་པ་དང་། ཡི་གེར་བྲིས་ཤིང་རྣམ་པར་འབྱེད་དེ། སེམས་ཅན་ཐམས་ཅད་ལ་རྒྱས་པར་སྟོན་ཏོ། །སྦྱིན་པ་ལ་དགའ་
D119.053.0169b02.01ཞིང་ཤེས་རབ་སྒོམ་པར་བྱེད་དོ། །དེ་ལྟར་དབང་པོ་རྣོ་བས་དད་པ་དང་། ཤེས་རབ་བརྟན་པར་གྱུར་ནས་ཕྱིར་ལྡོག་པའི་སེམས་མེད་པ་དེ་ནི་གང་གཱའི་ཀླུང་གི་མི་གསུམ་པ་དང་མཚུངས་སོ། །དེ་ལ་གཅིག་ནི་འཁོར་བའི་ཀླུང་ཆེན་པོ་ལ་རྒལ་འདོད་པ་ལས་དགེ་བའི་རྩ་བ་བཅད་
D119.053.0169b03.01པའི་ཕྱིར་དེར་ནུབ་པར་གྱུར་ཀྱང་དགེ་བའི་བཤེས་གཉེན་དང་བསྟེན་པས་དད་པའི་སེམས་དང་ལྡན་པ་ནི་འབྱུང་བ་ཞེས་བྱ་སྟེ། དད་པའི་སེམས་དང་ལྡན་པའི་ཕྱིར་མདོ་སྡེ་སྡེ་བཅུ་གཉིས་གཟུངས་སུ་འཛིན་ཅིང་ཀློག་པ་དང་། འདོན་པ་དང་། ཡི་གེར་བྲིས་ཤིང་རྣམ་པར་འབྱེད་དེ། སེམས་
D119.053.0169b04.01ཅན་ཐམས་ཅད་ལ་རྒྱས་པར་སྟོན་ཏོ། །སྦྱིན་པ་ལ་དགའ་ཞིང་ཤེས་རབ་སྒོམ་པར་བྱེད་དོ། །དེ་ལྟར་དབང་པོ་རྣོ་བའི་ཕྱིར་དད་པ་དང་། ཤེས་རབ་ལ་བརྟེན་པར་གྱུར་ནས་ཕྱིར་ལྡོག་པའི་སེམས་མེད་པས་ཕྱོགས་བཞིར་ལྟའོ། །དེ་ལ་ཕྱོགས་བཞིར་ལྟ་བ་ཞེས་བྱ་བ་ནི་དགེ་
D119.053.0169b05.01སྦྱོང་གི་འབྲས་བུ་རྣམ་པ་བཞི་སྟེ། ཇི་ལྟར་གང་གཱའི་ཀླུང་གི་མི་བཞི་པ་དང་མཚུངས་སོ། །དེ་ལ་གཅིག་ནི་འཁོར་བའི་ཀླུང་ཆེན་པོ་དེ་རྒལ་འདོད་པ་ལས་དགེ་བའི་རྩ་བ་བཅད་པའི་ཕྱིར་དེར་ནུབ་པར་གྱུར་ཀྱང་དགེ་བའི་བཤེས་གཉེན་དང་བསྙེན་པའི་ཕྱིར་དད་པའི་སེམས་དང་ལྡན་
D119.053.0169b06.01པས་ན་དེ་ནི་འབྱུང་བ་ཞེས་བྱའོ། །དེ་ལྟར་དད་པའི་སེམས་དང་ལྡན་པའི་ཕྱིར་མདོ་སྡེ་སྡེ་བཅུ་གཉིས་གཟུངས་སུ་འཛིན་ཅིང་ཀློག་པ་དང་། འདོན་པ་དང་། ཡི་གེར་བྲིས་ཤིང་རྣམ་པར་འབྱེད་དེ། སེམས་ཅན་ཐམས་ཅད་ལ་རྒྱས་པར་སྟོན་ཏོ། །སྦྱིན་པ་ལ་དགའ་ཞིང་ཤེས་རབ་
D119.053.0169b07.01