完整藏文原文 · 德格版页 当前仅加载第 53 函德格 178a 版页；藏文 NFD、目录标记与异常页序保留在来源切片中，重复版页行以稳定序号区分。
ལ། སེམས་ཀྱང་ཕྱིར་མི་ལྡོག་ཅིང་མི་གཡོ་མི་འགྱུར་རོ། །བྱང་ཆུབ་སེམས་དཔས་དེའི་ཚེ་ན་བདག་ནི་གདོན་མི་ཟ་བར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་རྟོགས་པར་འགྱུར་རོ། །རིགས་ཀྱི་བུ་བྱང་ཆུབ་སེམས་དཔའ་
D119.053.0178a01.01དེའི་ཚེ་ན་ཉོན་མོངས་པ་དང་བཅས་ཏེ་ཡོངས་སུ་མ་བཅད་ཀྱང་ཆོས་འདོད་པའི་རྐྱེན་གྱིས་ལུས་ཀྱི་ཡན་ལག་མགོ་བོ་དང་། ལག་པ་དང་། རྐང་པ་དང་། མིག་དང་། རྐང་དང་། ཤ་དང་། ཁྲག་གིས་སེམས་ཅན་ལ་སྦྱིན་པར་བྱེད་དེ། ལྕགས་ཀྱི་གཟེར་བུས་ལུས་ལ་
D119.053.0178a02.01འཛུགས་པ་དང་། བྲག་ལ་མཆོངས་པ་དང་། མེ་ལ་མཆོངས་པ་ཡང་བྱེད་དོ། །བྱང་ཆུབ་སེམས་དཔའ་དེའི་ཚེ་དེ་ལྟ་བུའི་སྡུག་བསྔལ་ཚད་མེད་པ་མྱོང་ཡང་གལ་ཏེ་སེམས་ཕྱིར་མི་ལྡོག་ཅིང་མི་གཡོ་མི་འགྱུར་ན་བྱང་ཆུབ་སེམས་དཔའ་དེ་ནི་གདོན་མི་ཟ་བར་ཕྱིར་མི་
D119.053.0178a03.01ལྡོག་པའི་སེམས་དང་ལྡན་ཞིང་། ངེས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་བདག་ཉིད་ཀྱིས་རྟོགས་པར་འགྱུར་རོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོས་སེམས་ཅན་ཐམས་ཅད་ཀྱི་སྡུག་བསྔལ་གཞོམ་པའི་ཕྱིར་ཤིན་ཏུ་
D119.053.0178a04.01ཆེ་བའི་བྱོལ་སོང་གི་ལུས་སུ་སྐྱེ་བའི་སྨོན་ལམ་འདེབས་ཏེ། ལུས་ཀྱི་ཤ་དང་། ཁྲག་གིས་སེམས་ཅན་ལ་སྦྱིན་པར་བྱེད་ལ། སེམས་ཅན་དག་གིས་ལེན་པའི་ཚེ་ན་དེ་དག་ལ་བྱམས་ཤིང་སྙིང་རྗེའི་སེམས་བསྐྱེད་པའི་ཕྱིར་བྱང་ཆུབ་སེམས་དཔས་དེའི་ཚེ་དབུགས་ཀྱང་རྒྱུ་བར་མི་
D119.053.0178a05.01བྱེད་དེ་ཤི་བ་ལྟར་བྱས་ནས་གང་ཤ་ལེན་པ་དེ་དག་ལས་བསད་པར་མ་གྱུར་ཏམ་སྙམ་ཐེ་ཚོམ་ཟ་བའི་སེམས་ཀྱང་མེད་པར་བྱེད་དོ། །བྱང་ཆུབ་སེམས་དཔས་དེ་ལྟར་བྱོལ་སོང་གི་སྐྱེ་གནས་སུ་སྐྱེས་ཀྱང་བྱོལ་སོང་གི་སྐྱེ་གནས་ཀྱི་ལས་ནམ་དུ་ཡང་མི་བྱེད་དོ། །དེ་ཅིའི་ཕྱིར་ཞེ་ན།
D119.053.0178a06.01རིགས་ཀྱི་བུ་བྱང་ཆུབ་སེམས་དཔས་ཕྱིར་མི་ལྡོག་པའི་སེམས་ཐོབ་པས་ནམ་དུ་ཡང་ངན་སོང་གསུམ་གྱི་ལས་མི་བྱེད་དོ། །བྱང་ཆུབ་སེམས་དཔའ་སེམས་དཔའ་ཆེན་པོས་མ་འོངས་པའི་དུས་ན། གནས་ངན་ལེན་གྱི་འབྲས་བུ་རྡུལ་ཕྲ་མོ་ཙམ་ངེས་པར་མྱོང་བར་འགྱུར་བ་མ་ཡིན་པ་ཡང་
D119.053.0178a07.01