完整藏文原文 · 德格版页 当前仅加载第 53 函德格 282a 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་སོ། །བ་སི་ཏ་ནི་དགེ་སྦྱོང་གཽ་ཏ་མའི་སྔགས་དང་སྒྱུ་རྩལ་ཐོབ་ཀྱིས་རིང་པོར་མི་ཐོགས་པར་དགེ་སྦྱོང་གཽ་ཏ་མ་བས་ལྷག་པར་ངེས་སོ། །དེའི་ཚེ་འཁོར་གྱི་དཀྱིལ་འཁོར་དེའི་ནང་ན་ཀུན་ཏུ་རྒྱུ་ས་ནི་ཞེས་བྱ་བས་ཡང་འདི་སྐད་ཅེས་གསོལ་ཏོ། །གཽ་ཏ་མ་བདག་ཅེས་བགྱི་བ་
D119.053.0282a01.01མཆིས་སམ། དེ་བཞིན་གཤེགས་པས་ཅང་མི་གསུང་ངོ་། །གཽ་ཏ་མ་འོ་ན་མ་མཆིས་པ་ལགས་སམ། དེ་བཞིན་གཤེགས་པ་ཅང་མི་གསུང་ངོ་། །དེ་བཞིན་དུ་ལན་གཉིས་ལན་གསུམ་གྱི་བར་དུ་ཞུས་ཀྱང་དེ་བཞིན་གཤེགས་པ་ཅང་མི་གསུང་ངོ་། །ས་ནིས་ཡང་གསོལ་པ། གཽ་ཏ་མ་
D119.053.0282a02.01གལ་ཏེ་སེམས་ཅན་ཐམས་ཅད་ལ་བདག་ཅེས་བགྱི་བ་མཆིས་ཏེ་ཐམས་ཅད་ལ་ཁྱབ་ལ། གཅིག་གམ་བྱས་པ་ལགས་ན་གཽ་ཏ་མ་ཅིའི་སླད་དུ་ཅང་མི་གསུང་བར་བཞུགས། བཅོམ་ལྡན་འདས་ཀྱིས་ས་ནི་ལ་བཀའ་སྩལ་པ། ཁྱོད་སྨྲ་བའི་བདག་ཅེས་བྱ་བ་ཐམས་ཅད་ལ་ཁྱབ་པ་ཡིན་ནམ། །
D119.053.0282a03.01ས་ནིས་གསོལ་པ། གཽ་ཏ་མ་བདག་འབའ་ཞིག་དེ་སྐད་དུ་སྨྲ་བ་མ་ལགས་ཀྱི། མཁས་པ་ཤེས་རབ་ཅན་ཐམས་ཅད་ཀྱང་དེ་སྐད་དུ་སྨྲའོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཇི་སྟེ་བདག་ཅེས་བྱ་བ་དེ་ཐམས་ཅད་དུ་ཁྱབ་པ་ཞིག་ཡིན་ན་ནི་རྒྱུད་ལྔར་སྐྱེ་བ་དག་ཀྱང་
D119.053.0282a04.01དུས་གཅིག་ཏུ་རྣམ་པར་སྨིན་པ་མྱོང་བའི་རིགས་སོ། །ཇི་སྟེ་རྒྱུད་ལྔར་སྐྱེས་པ་དུས་གཅིག་ཏུ་རྣམ་པར་སྨིན་པ་མྱོང་བ་ཞིག་ཡིན་ན་ཀུན་ཏུ་རྒྱུ་ཁྱོད་ལ་སོགས་པ་ཅིའི་ཕྱིར་སྡིག་པ་མི་དགེ་བའི་ལས་མི་བྱེད་པར་སེམས་ཅན་དམྱལ་བ་ལས་བཟློག་པའི་ཕྱིར་དགེ་བའི་ཆོས་བྱེད་ཅིང་ལྷར་སྐྱེ་བའི་ལུས་མྱོང་
D119.053.0282a05.01བར་འདོད། ས་ནིས་གསོལ་པ། གཽ་ཏ་མ་བདག་གི་ཆོས་ལ་བདག་ཅག་ཅེས་བགྱི་བ་ནི་རྣམ་པ་གཉིས་ཏེ། བྱས་པའི་ལུས་ཀྱི་བདག་དང་། རྟག་པའི་ལུས་ཀྱི་བདག་གོ། །དེ་ལ་བྱས་པའི་ལུས་ཀྱི་བདག་གི་ཕྱིར་སྡིག་པ་མི་དགེ་བའི་ཆོས་སྤོང་སྟེ། སེམས་ཅན་དམྱལ་བར་མི་
D119.053.0282a06.01མཆི་བ་དང་། དགེ་བའི་ཆོས་ལ་ནན་ཏན་བགྱིད་པས་མཐོ་རིས་ཀྱི་ལྷར་སྐྱེ་བ་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཁྱོད་སྨྲ་བའི་བདག་ཅེས་བྱ་བ་དེ་ཐམས་ཅད་དུ་ཁྱབ་ལ། བདག་ཅེས་བྱ་བ་དེ་བྱས་པའི་ལུས་ལ་ཡོད་ན་ནི་དེ་མི་རྟག་པ་ཡིན་ནོ། །གལ་
D119.053.0282a07.01