完整藏文原文 · 德格版页 当前仅加载第 53 函德格 307a 版页；藏文 NFD、目录标记与异常页序保留在来源切片中，重复版页行以稳定序号区分。
བ་སྟེ། དེ་བས་ན་བདག་གིས་སེམས་བཏུལ་ལོ།། །།འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ། །བམ་པོ་ལྔ་བཅུ་བཞི་པ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཁྱོད་ཀྱིས་ཇི་ལྟར་ན་སེམས་བཏུལ། ཁྱོད་ཀྱིས་ཐོབ་པ་ནི་འདུ་ཤེས་མེད་འདུ་
D119.053.0307a01.01ཤེས་མེད་མིན་སྟེངས་ཀྱི་ཏིང་ངེ་འཛིན་ཏེ། དེ་ཡང་འདུ་ཤེས་ཞེས་བྱའོ། །མྱ་ངན་ལས་འདའ་བ་ནི་འདུ་ཤེས་མེད་པ་ཡིན་ན་ཅིའི་ཕྱིར་མྱ་ངན་ལས་འདའ་བ་ཐོབ་པ་ཞེས་བྱ། རིགས་ཀྱི་བུ་སྔར་ཁྱོད་ཀྱིས་སྔར་འདུ་ཤེས་སྦོམ་པོ་ལ་ནི་སྨོད་ན་ད་ཅིའི་ཕྱིར་འདུ་ཤེས་ཕྲ་མོ་ལ་ཆགས་ཏེ་སྨད་པ་མི་ཤེས། དེ་ལྟར་འདུ་
D119.053.0307a02.01ཤེས་མེད་འདུ་ཤེས་མེད་མིན་སྐྱེ་མཆེད་སྟེངས་ཀྱང་འདུ་ཤེས་ཞེས་བྱ་སྟེ། རྨ་ལྟ་བུ། ཤུ་བ་ལྟ་བུ། གདུག་པ་ལྟ་བུ། ཟུག་རྔུ་ལྟ་བུའོ། །རིགས་ཀྱི་བུ་ཁྱོད་ཀྱི་སྟོན་པ་ཨུར་ཏོ་ལམ་པ་དབང་པོ་རྣོ་ལ་ཡིད་གཞུངས་པ་ཡང་འདུ་ཤེས་མེད་འདུ་ཤེས་མེད་མིན་སྐྱེ་མཆེད་མཆོད་དེ། ལས་ངན་པ་མྱོང་བར་
D119.053.0307a03.01འགྱུར་ན་གཞན་ལྟ་སྨོས་ཀྱང་ཅི་དགོས། ཤིན་ཏུ་བཟང་པོས་གསོལ་པ། བཅོམ་ལྡན་འདས་ཇི་ལྟར་ན་སྲིད་པ་ཐམས་ཅད་གཅོད་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་གལ་ཏེ་ཡང་དག་པའི་འདུ་ཤེས་སྤྱོད་ན་གང་ཟག་དེས་ནི་སྲིད་པ་ཐམས་ཅད་ཆོད་པར་འགྱུར་རོ། །ཤིན་ཏུ་
D119.053.0307a04.01བཟང་པོས་གསོལ་པ། བཅོམ་ལྡན་འདས་ཡང་དག་པའི་འདུ་ཤེས་ཞེས་བགྱི་བ་ཇི་ལྟ་བུ་ལགས། རིགས་ཀྱི་བུ་འདུ་ཤེས་མེད་པའི་འདུ་ཤེས་ནི་ཡང་དག་པའི་འདུ་ཤེས་ཞེས་བྱའོ། །གསོལ་པ། བཅོམ་ལྡན་འདས་ཇི་ལྟར་ན་འདུ་ཤེས་མ་མཆིས་པའི་འདུ་ཤེས་ཞེས་བགྱི། རིགས་ཀྱི་བུ་ཆོས་ཐམས་ཅད་
D119.053.0307a05.01ལ་བདག་གི་མཚན་ཉིད་མེད། གཞན་གྱི་མཚན་ཉིད་མེད། བདག་དང་གཞན་གྱི་མཚན་ཉིད་མེད། རྒྱུ་མེད་པའི་མཚན་ཉིད་མེད། བྱས་པའི་མཚན་ཉིད་མེད། སོང་བའི་མཚན་ཉིད་མེད། བྱེད་པའི་མཚན་ཉིད་མེད། མྱོང་བའི་མཚན་ཉིད་མེད། ཆོས་ཀྱི་མཚན་ཉིད་མེད། ཆོས་མ་ཡིན་པའི་མཚན་ཉིད་མེད། ཕོ་དང་
D119.053.0307a06.01མོའི་མཚན་ཉིད་མེད། སྐྱེས་བུའི་མཚན་ཉིད་མེད། རྡུལ་ཕྲ་མོའི་མཚན་ཉིད་མེད། དུས་དང་ཚོད་ཀྱི་མཚན་ཉིད་མེད། བདག་ཏུ་བྱས་པའི་མཚན་ཉིད་མེད། གཞན་དུ་བྱས་པའི་མཚན་ཉིད་མེད། བདག་དང་གཞན་དུ་བྱས་པའི་མཚན་ཉིད་མེད། ཡོད་པའི་མཚན་ཉིད་མེད། མེད་པའི་མཚན་ཉིད་མེད། སྐྱེས་པའི་མཚན་
D119.053.0307a07.01