完整藏文原文 · 德格版页 当前仅加载第 53 函德格 304b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་འདི་སྐད་ཅེས་སྨྲས་སོ། །སྐྱེས་བུ་འདི་ལྟར་རིག་པར་གྱིས་ཤིག །དེ་བཞིན་གཤེགས་པ་འཇིག་རྟེན་དུ་འབྱུང་བ་ནི་མེ་ཏོག་ཨུ་དུམ་བཱ་ར་དང་འདྲ་སྟེ། དོ་ནུབ་ནམ་གྱི་གུང་ལ་ཡོངས་སུ་མྱ་ངན་ལས་འདའ་བར་གཤེགས་ཀྱིས། བྱ་བ་ཅི་ཡོད་པ་ད་དུས་ལ་བབ་ཀྱིས་ཕྱིས་འགྱོད་པ་མེད་པར་བྱའོ། །ཤིན་
D119.053.0304b01.01ཏུ་བཟང་པོས་སྨྲས་པ། ལེགས་སོ། །དགའ་བོ་བདག་དེ་བཞིན་གཤེགས་པ་གང་ན་བར་འགྲོའོ། །དེ་ནས་དགའ་བོ་ཤིན་ཏུ་བཟང་པོ་དང་འགྲོགས་ཏེ་སངས་རྒྱས་གང་ན་བར་འོངས་ནས་ཤིན་ཏུ་བཟང་པོས་སངས་རྒྱས་ལ་བསྙུན་གསོལ་ནས་འདི་སྐད་ཅེས་གསོལ་ཏོ། །གཽ་ཏ་མ་བདག་གིས་ཞུ་བ་ཞུ་ན།
D119.053.0304b02.01བདག་གིས་བསམས་པ་བཞིན་དུ་བཀའ་སྩལ་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཤིན་ཏུ་བཟང་པོ་དུས་ལ་བབ་ཀྱིས་ཅི་དང་ཅི་འདོད་པ་དྲིས་ཤིག་དང་ངས་དེ་དང་དེའི་ལན་སྨྲ་བར་བྱའོ། །གསོལ་པ། གཽ་ཏ་མ་དགེ་སྦྱོང་དང་བྲམ་ཟེ་དག་འདི་སྐད་སྨྲ་བ་མཆིས་སོ། །སེམས་ཅན་
D119.053.0304b03.01ཐམས་ཅད་སྡུག་བསྔལ་བ་དང་བདེ་བ་མྱོང་བ་ནི་ཐམས་ཅད་ཀྱང་སྔོན་གྱི་ལས་ལགས་ཏེ། དེ་བས་ན་གལ་ཏེ་ཚུལ་ཁྲིམས་བསྲུང་བ་ལ་བརྩོན་ཞིང་ལུས་དང་སེམས་སྡུག་བསྔལ་བར་གྱུར་ན། སྔོན་གྱི་ལས་ཟད་པར་འགྱུར་རོ། །སྔོན་གྱི་ལས་ཟད་ན་སྡུག་བསྔལ་ཟད་པར་འགྱུར་རོ། །སྡུག་བསྔལ་
D119.053.0304b04.01ཟད་ན་མྱ་ངན་ལས་འདའོ་ཞེས་མཆི་བའི་དོན་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་གལ་ཏེ་དགེ་སྦྱོང་ངམ་བྲམ་ཟེ་དག་དེ་སྐད་ཅེས་སྨྲ་བ་ཡོད་ན། དེ་ལ་ཐུགས་བརྩེ་བའི་ཕྱིར་ཡང་དང་ཡང་དེའི་དྲུང་དུ་གཤེགས་ནས་དེ་ལ་ཁྱོད་འདི་སྐད་ཅེས་སྨྲ་བ་བདེན་ནམ་ཞེས་དྲིས་ཏེ།
D119.053.0304b05.01གལ་ཏེ་དེས་བདག་དེ་སྐད་ཅེས་སྨྲས་པ་བདེན་ནོ། །དེ་ཅིའི་ཕྱིར་ཞེ་ན། གཽ་ཏ་མ་བདག་གིས་མངོན་དུ་མཐོང་སྟེ། སེམས་ཅན་ཁ་ཅིག་སྡིག་པ་མི་དགེ་བའི་ཆོས་བྱེད་ལ་ལོངས་སྤྱོད་དང་དབང་དུ་ལྡན་པ་ཡོད་དོ། །ཁ་ཅིག་ནི་དགེ་བའི་ལས་བྱེད་ཀྱང་དབུལ་ཕོངས་ཏེ་དབང་དང་མི་ལྡན་ནོ། །ཁ་ཅིག་
D119.053.0304b06.01ནི་ལས་མང་དུ་བྱས་ཀྱང་ནོར་མི་ཐོབ་ལ། ཁ་ཅིག་ནི་མ་བསྒྲུབས་ཀྱང་རང་ཐོབ་བོ། །ཁ་ཅིག་ནི་བྱམས་པའི་སེམས་དང་ལྡན་ཏེ་སྲོག་མི་གཅོད་ཀྱང་ཚེ་ཐུང་ལ། ཁ་ཅིག་ནི་སྲོག་གཅོད་པ་ལ་དགའ་ཡང་ཚེ་མཐར་ཕྱིན་པ་ཡོད་དོ། །ཁ་ཅིག་ནི་ཚངས་པར་སྤྱོད་པ་ཡོངས་སུ་དག་ཅིང་ཚུལ་ཁྲིམས་སྲུང་བ་ལ་
D119.053.0304b07.01