完整藏文原文 · 德格版页 当前仅加载第 53 函德格 291a 版页；藏文 NFD、目录标记与异常页序保留在来源切片中，重复版页行以稳定序号区分。
དེའི་ཤུན་པ་རུལ་ན་ཤུན་པ་དང་། ལོ་མ་དང་ཡལ་ག་ཀུན་ས་ལ་ལྟུང་སྟེ། ནང་གི་སྙིང་པོ་འབའ་ཞིག་ལུས་སོ། །དེ་བཞིན་གཤེགས་པ་ཡང་དེ་དང་འདྲ་སྟེ། ཇི་ཙམ་དུ་རུལ་བར་གྱུར་པ་ཐམས་ཅད་ཟད་ནས་ཡང་དག་པའི་ཆོས་འབའ་ཞིག་ལུས་སོ། །
D119.053.0291a01.01བཅོམ་ལྡན་འདས་བདག་རབ་ཏུ་དབྱུང་བར་གསོལ་ལོ། །བཅོམ་ལྡན་འདས་ཀྱིས་ལེགས་པར་འོངས་སོ་ཞེས་བཀའ་སྩལ་ནས་དེ་མ་ཐག་ཏུ་དགེ་སློང་དུ་གྱུར་ཏེ་ཟག་པ་ཟད་ནས་དགྲ་བཅོམ་པའི་འབྲས་བུ་ཐོབ་པར་གྱུར་ཏོ། །གཞན་ཡང་ཀུན་དུ་རྒྱུ་རྣམ་པར་དག་པ་ཞེས་བྱ་བས་འདི་སྐད་
D119.053.0291a02.01ཅེས་གསོལ་ཏོ། །གཽ་ཏ་མ་སོ་སོའི་སྐྱེ་བོ་དག་ཆོས་གང་མ་རྟོགས་ན་འཇིག་རྟེན་རྟག་པ་དང་། མི་རྟག་པ་དང་། རྟག་པ་ཡང་ལགས་ལ་མི་རྟག་པ་ཡང་ལགས་པ་དང་། རྟག་པ་ཡང་མ་ལགས་ལ་མི་རྟག་པ་ཡང་མ་ལགས་པ་ནས། འགྲོ་བ་ལྟ་བུ་ཡང་མ་ལགས། མི་འགྲོ་བ་ཡང་
D119.053.0291a03.01མ་ལགས་པའི་བར་དུ་ལྟ་བར་གྱུར། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་གཟུགས་མི་ཤེས་པ་ནས། རྣམ་པར་ཤེས་པའི་བར་དུ་མི་ཤེས་པས་ན་འཇིག་རྟེན་རྟག་པ་ནས། འགྲོ་བ་ལྟ་བུ་ཡང་མ་ཡིན། མི་འགྲོ་བ་ལྟ་བུ་ཡང་མ་ཡིན་པའི་བར་དུ་ལྟ་བར་གྱུར་
D119.053.0291a04.01ཏོ། །ཀུན་དུ་རྒྱུས་གསོལ་པ། གཽ་ཏ་མ་སེམས་ཅན་གྱིས་ཆོས་གང་དག་རྟོགས་ན་འཇིག་རྟེན་རྟག་པ་ནས། འགྲོ་བ་ལྟ་བུ་ཡང་མ་ཡིན། མི་འགྲོ་བ་ལྟ་བུ་ཡང་མ་ཡིན་པའི་བར་དུ་མི་ལྟ་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་གཟུགས་ཤེས་
D119.053.0291a05.01པ་ནས། རྣམ་པར་ཤེས་པའི་བར་དུ་ཤེས་ན། འཇིག་རྟེན་རྟག་པ་ནས། འགྲོ་བ་ལྟ་བུ་ཡང་མ་ཡིན། མི་འགྲོ་བ་ལྟ་བུ་ཡང་མ་ཡིན་པའི་བར་དུ་མི་ལྟ་བར་འགྱུར་རོ། །ཀུན་དུ་རྒྱུས་གསོལ་པ། བཅོམ་ལྡན་འདས་འཇིག་རྟེན་རྟག་པ་དང་མི་རྟག་པ་བདག་ལ་རྒྱས་པར་ཕྱེ་སྟེ་བཤད་དུ་
D119.053.0291a06.01གསོལ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་གང་ཞིག་གིས་རྙིང་པ་ནི་སྤངས་ནས་ལས་གསར་མ་བྱས་ན་གང་ཟག་དེས་ནི་རྟག་པ་དང་མི་རྟག་པ་རྟོགས་པར་འགྱུར་རོ། །ཀུན་དུ་རྒྱུས་གསོལ་པ། བཅོམ་ལྡན་འདས་བདག་གིས་ནི་རྟོགས་སོ། །བཅོམ་ལྡན་འདས་
D119.053.0291a07.01