完整藏文原文 · 德格版页 当前仅加载第 53 函德格 254a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་སེམས་སོ། །ཇི་ལྟར་འདུ་ཤེས་ལོག་པ་ཞེ་ན། རྟག་པ་མ་ཡིན་པ་ལ་རྟག་པའི་འདུ་ཤེས་བསྐྱེད་པ་དང་། བདེ་བ་མེད་པ་ལ་བདེ་བའི་འདུ་ཤེས་བསྐྱེད་པ་དང་། མ་དག་པ་ལ་དག་པའི་འདུ་ཤེས་བསྐྱེད་པ་དང་། སྟོང་པའི་ཆོས་ལ་བདག་ཏུ་འདུ་ཤེས་བསྐྱེད་པ་དང་། སྐྱེས་པ་དང་། བུད་མེད་
D119.053.0254a01.01དང་། ཆེན་པོ་དང་། ཆུང་ངུ་དང་། ཉིན་མཚན་དང་། ལོ་དང་། ཟླ་བ་དང་། གོས་དང་། གནས་ཁང་དང་། མལ་ཆ་མ་ཡིན་པ་ལ་སྐྱེས་པ་དང་། བུད་མེད་དང་། མལ་ཆའི་བར་དུ་འདུ་ཤེས་བསྐྱེད་པའོ། །འདུ་ཤེས་དེ་ཡང་རྣམ་པ་གསུམ་སྟེ། ཆུང་ངུ་དང་། ཆེན་པོ་དང་། མཐའ་
D119.053.0254a02.01མེད་པའོ། །དེ་ལ་ཆུང་བའི་རྒྱུས་ནི་འདུ་ཤེས་ཆུང་ངུར་བསྐྱེད། ཆེ་བའི་རྒྱུས་ནི་འདུ་ཤེས་ཆེན་པོར་བསྐྱེད། མཐའ་ཡས་པའི་རྒྱུས་ནི་འདུ་ཤེས་མཐའ་ཡས་པར་བསྐྱེད་དོ། །ཡང་འདུ་ཤེས་ཆུང་ངུ་ཡོད་དེ། འདི་ལྟར་ཏིང་ངེ་འཛིན་དུ་མ་ཞུགས་པའོ། །འདུ་ཤེས་ཆེན་པོ་ནི་ཏིང་ངེ་འཛིན་དུ་
D119.053.0254a03.01ཞུགས་པའོ། །ཡང་མཐའ་ཡས་པའི་འདུ་ཤེས་ནི་ཀུན་ཏུ་འགྲོ་བ་བཅུའོ། །ཡང་འདུ་ཤེས་ཆུང་ངུ་ནི་འདི་ལྟ་སྟེ། འདོད་པའི་ཁམས་ཀྱི་འདུ་ཤེས་ལ་སོགས་པའོ། །ཡང་འདུ་ཤེས་ཆེན་པོ་ནི་གཟུགས་ཀྱི་ཁམས་ཀྱི་འདུ་ཤེས་ལ་སོགས་པའོ། །ཡང་མཐའ་ཡས་པའི་འདུ་ཤེས་ནི་གཟུགས་མེད་
D119.053.0254a04.01པའི་ཁམས་ཀྱི་འདུ་ཤེས་ལ་སོགས་པ་སྟེ། འདུ་ཤེས་རྣམ་པ་གསུམ་འགགས་ན་ཚོར་བ་ཡང་རང་འགག་གོ། །འདུ་ཤེས་དང་། ཚོར་བ་འགགས་པས་རྣམ་པར་གྲོལ་བ་ཞེས་བྱའོ། །བྱང་ཆུབ་སེམས་དཔའ་འོད་སྲུང་གིས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་
D119.053.0254a05.01ཆོས་ཐམས་ཅད་འགགས་པས་རྣམ་པར་གྲོལ་བ་ཞེས་བགྱི་ན། དེ་བཞིན་གཤེགས་པས་ཅིའི་སླད་དུ་འདུ་ཤེས་དང་། ཚོར་བ་འགགས་ན་རྣམ་པར་གྲོལ་བའོ་ཞེས་གསུངས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་བཞིན་གཤེགས་པས་བར་བར་ནི་སེམས་ཅན་གྱི་རྐྱེན་
D119.053.0254a06.01གྱིས་ཆོས་བསྟན་ཏེ། གང་ཐོས་པས་ཆོས་ཤེས་སོ། །བར་བར་ནི་ཆོས་ཀྱི་རྐྱེན་གྱིས་སེམས་ཅན་བསྟན་ཏེ། གང་ཐོས་པས་སེམས་ཅན་བཤད་པར་ཤེས་སོ། །དེ་ལ་ཇི་ལྟར་ན་སེམས་ཅན་གྱི་རྐྱེན་གྱིས་བསྟན་ཏེ། གང་ཐོས་པ་ལ་ཆོས་ཤེས་པ་ཞེ་ན། ཇི་ལྟར་ངས་སྔོན་འོད་སྲུང་ཆེན་པོ་ལ་
D119.053.0254a07.01