完整藏文原文 · 德格版页 当前仅加载第 53 函德格 332a 版页；藏文 NFD、目录标记与异常页序保留在来源切片中，重复版页行以稳定序号区分。
ངེས་བཏབ་ནས་མེ་ཏོག་དང་། སྤོས་དང་། རྒྱལ་མཚན་དང་། གདུགས་དང་། བ་དན་དང་། དོ་ཤལ་དང་། རོལ་མོ་ལ་སོགས་པས་མཆོད་དེ། བྱུག་སྤོས་དང་། སྤོས་ཆུས་དེ་བཞིན་གཤེགས་པའི་སྐུ་གསེར་བཙོ་མའི་ཁ་དོག་ལྟ་བུ་
D119.053.0332a01.01བཀྲུས་ནས་སྤོས་ཀྱིས་བདུགས་ཤིང་། མེ་ཏོག་གིས་གཏོར་ཏེ་ངུས་ནས་མཆོད་པ་བྱས་སོ། །དེ་ལྟར་བཀྲུས་ནས་འོད་སྲུང་འཁོར་དང་བཅས་ཏེ་ཅི་རྙེད་པའི་ཤིང་བལ་གྱིས་དེ་བཞིན་གཤེགས་པའི་སྐུ་དཀྲིས་སོ། །དེའི་སྟེང་དུ་ཤིང་བལ་རྙིང་གིས་ཀྱང་དཀྲིས་
D119.053.0332a02.01སོ། །དེའི་སྟེང་དུ་བསླངས་པའི་རས་དཀར་པོ་ཡུག་སྟོང་གིས་དཀྲིས་སོ། །དེའི་སྟེང་དུ་རས་རྙིང་པ་སྟོང་གིས་ཀྱང་དཀྲིས་སོ། །དེ་ལྟར་རིམ་པ་དུ་མར་དེ་བཞིན་གཤེགས་པའི་སྐུ་དཀྲིས་ནས་པུར་སྒྲོམ་གྱི་ཁ་ཡང་བཅད་དེ། རིན་པོ་ཆེ་སྣ་བདུན་གྱིས་ཤིན་ཏུ་
D119.053.0332a03.01བརྒྱན་ཏེ། དེའི་ཚེ་འོད་སྲུང་ཤིན་ཏུ་ངུས་ནས་འཁོར་དང་བཅས་ཏེ་གཡས་ཕྱོགས་ནས་ལན་བདུན་བསྐོར་ཏེ། མིག་མཆི་མས་གང་བཞིན་དུ་ཐལ་མོ་སྦྱར་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས་ཚིགས་སུ་བཅད་པ་འདི་སྐད་ཅེས་སྨྲས་སོ། །ཀྱི་
D119.053.0332a04.01ཧུད་ཀྱི་ཧུད་འཕགས་པ་བཅོམ་ལྡན་འདས། །བདག་ནི་སྡུག་བསྔལ་ཤིན་ཏུ་གདུངས་པར་གྱུར། །ཐུགས་རྗེ་ཆེན་པོས་བདག་ལ་མི་གཞེས་པར། །ཅི་ཡི་སླད་དུ་མྱུར་བར་མྱ་ངན་འདས། །བྱ་རྒོད་སྤུངས་པའི་རི་ལ་སྙོམས་པར་ཞུགས་པ་ན། །ཀུན་དུ་
D119.053.0332a05.01བལྟས་ཀྱང་དེ་བཞིན་གཤེགས་མ་མཐོང་། །བལྟས་ན་བཅོམ་ལྡན་མྱ་ངན་འདས་མཐོང་ནས། །ཤིན་ཏུ་འདར་ཏེ་སེམས་ཀྱང་དངངས་པར་གྱུར། །འཇིག་རྟེན་ཁམས་ཀྱང་མུན་པར་གྱུར་ནས་སུ། །རི་དང་ས་ཆེན་དག་ཀྱང་རབ་ཏུ་གཡོས། །བཅོམ་ལྡན་མྱ་
D119.053.0332a06.01ངན་འདས་པར་དེར་རྟོགས་ཏེ། །མྱུར་དུ་མཆིས་ཀྱང་བཅོམ་ལྡན་འདས་མ་མཐོང་། །བཅོམ་ལྡན་ཐུགས་རྗེས་བདག་ལ་མ་ཁྱབ་པས། །བདག་གིས་སངས་རྒྱས་མྱ་ངན་འདས་མ་མཐོང་། །བདག་ལ་བསྟན་པ་གསུང་གཅིག་མ་བཞག་པས། །བདག་ལ་མགོན་མ་
D119.053.0332a07.01