完整藏文原文 · 德格版页 当前仅加载第 53 函德格 287a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་དུ་རིག་པར་བྱའོ། །དེ་ལྟར་རྟེན་ཅིང་འབྲེལ་ཏེ་འབྱུང་བ་འདུས་པ་ལས་སྐྱེ་བས་ན། མཁས་པ་ཤེས་རབ་ཅན་ནི་མཐོང་བ་དག་ལ་བདག་ཅེས་མི་སྨྲ་བ་ནས། རེག་བྱའི་བར་དུ་ཡང་བདག་ཅེས་མི་སྨྲའོ། །རིགས་ཀྱི་བུ་དེ་བས་ན་ངས་ནི་མིག་གི་རྣམ་པར་ཤེས་པ་ནས།
D119.053.0287a01.01ཡིད་ཀྱི་རྣམ་པར་ཤེས་པའི་བར་དུ་ཆོས་ཐམས་ཅད་སྒྱུ་མ་ལྟ་བུའོ་ཞེས་གསུངས་སོ། །ཇི་ལྟར་སྒྱུ་མ་དང་འདྲ་ཞེ་ན། སྔོན་མེད་པ་ལས་ད་ཡོད་དེ། ཡོད་ནས་ཀྱང་མེད་པར་འགྱུར་རོ། །རིགས་ཀྱི་བུ་འདི་ལྟ་སྟེ་དཔེར་ན་མར་དང་། བག་ཕྱེ་དང་། སྦྲང་རྩི་དང་། བཅའ་ལྒ་དང་། པི་པི་ལིང་
D119.053.0287a02.01དང་། ན་ལེ་ཤམ་དང་། དགུན་འབྲུ་དང་། བལ་པོ་སེའུ་དང་། འུ་སུའི་འབྲས་བུ་ལ་སོགས་པ་བསྡུས་ན་ལ་དུ་ཞེས་བྱའོ། །བསྡུས་པ་དེ་དག་མ་གཏོགས་པར་ལ་དུ་ཞེས་བྱ་བ་གུད་ན་མེད་དོ། །ཕྱི་ནང་གི་སྐྱེ་མཆེད་དྲུག་ལ། སེམས་ཅན་དང་། བདག་དང་། གང་ཟག་དང་། སྐྱེས་བུ་
D119.053.0287a03.01ཞེས་བྱའོ། །ཕྱི་ནང་གི་སྐྱེ་མཆེད་མ་གཏོགས་པར་ལོགས་ཤིག་ན་སེམས་ཅན་དང་། བདག་དང་། གང་ཟག་དང་། སྐྱེས་བུ་ཞེས་བྱ་བ་མེད་དོ། །ས་ནིས་གསོལ་པ། གཽ་ཏ་མ་བདག་ཅེས་བགྱི་བ་མ་མཆིས་ན། ཅིའི་སླད་དུ་བདག་མཐོང་། བདག་ཐོས། བདག་སྡུག་བསྔལ། བདག་བདེ།
D119.053.0287a04.01བདག་དགའ། བདག་མྱ་ངན་བྱེད་ཅེས་བརྗོད། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཇི་སྟེ་བདག་གིས་མཐོང་། བདག་གིས་ཐོས་པ་ལ་བདག་ཅེས་བྱ་ན། ཅིའི་ཕྱིར་འཇིག་རྟེན་ན་ཁྱོད་ཀྱིས་ཉེས་པ་བྱ་བས་བདག་གིས་མ་མཐོང་ངོ་། །མ་ཐོས་སོ་ཞེས་བརྗོད། རིགས་
D119.053.0287a05.01ཀྱི་བུ་འདི་ལྟ་སྟེ་དཔེར་ན་ཚོགས་བཞི་འདུས་ན་དམག་ཅེས་བྱ་སྟེ། དེ་ལྟར་ཚོགས་བཞི་པོ་ཡང་གཅིག་ཅེས་བྱར་མི་རུང་སྟེ། འོན་ཀྱང་ངའི་དམག་དཔའོ། །ངའི་དམག་ཕ་རོལ་པོ་བས་རྒྱལ་ལོ་ཞེས་བརྗོད་དོ། །ཕྱི་ནང་གི་སྐྱེ་མཆེད་འདུས་ནས་བྱེད་པ་ཡང་དེ་དང་འདྲ་སྟེ། གཅིག་མ་ཡིན་མོད་
D119.053.0287a06.01ཀྱི་བདག་གིས་བྱས་སོ། །བདག་གིས་མྱོང་ངོ་། །བདག་གིས་མཐོང་ངོ་། །བདག་གིས་ཐོས་སོ། །བདག་སྡུག་བསྔལ་ལོ། །བདག་བདེའོ་ཞེས་བརྗོད་དོ། །ས་ནིས་གསོལ་པ། གཽ་ཏ་མ་ཁྱོད་གསུང་བ་ལྟར་ཕྱི་ནང་འདུས་སོ་ཞེས་བགྱི་བ་བདག་གིས་བྱས། བདག་གིས་མྱོང་ངོ་ཞེས་
D119.053.0287a07.01