完整藏文原文 · 德格版页 当前仅加载第 53 函德格 183b 版页；藏文 NFD、目录标记与异常页序保留在来源切片中，重复版页行以稳定序号区分。
སྙོམས་པའི་ཕྱིར། ཐམས་ཅད་ཀྱི་མཚན་ཉིད་མཚན་གཅིག་ཏུ་འཐུན་པའི་ཕྱིར་མི་འཕེལ་མི་འགྲིབ་པ་ཡིན་ཏེ། དེ་བས་ན་མདོ་སྡེ་འདི་ནི་རྒྱ་མཚོ་ཆེན་པོ་ལྟར་བསམ་གྱིས་མི་ཁྱབ་པ་བརྒྱད་དང་ལྡན་ནོ། །སེང་གེ་སྒྲས་གསོལ་པ། བཅོམ་ལྡན་འདས་གལ་ཏེ་དེ་
D119.053.0183b01.01བཞིན་གཤེགས་པ་ལ་མི་སྐྱེ་མི་འགོག་པའི་ཕྱིར་ཟབ་པ་ཞེས་བགྱི་ན། སོ་སོའི་སྐྱེ་བོ་ཐམས་ཅད་ལ་སྐྱེ་གནས་རྣམ་པ་བཞི་སྟེ། སྒོ་ང་ལས་སྐྱེས་པ་དང་། དྲོད་གཤེར་ལས་སྐྱེས་པ་དང་། མངལ་ནས་སྐྱེས་པ་དང་། རྫུས་ཏེ་སྐྱེས་པའོ། །སྐྱེ་གནས་རྣམ་པ་བཞི་
D119.053.0183b02.01ནི་མིའི་ནང་ན་ཡང་རྫོགས་པར་མཆིས་སོ། །དཔེར་ན་དགེ་སློང་ཤིང་སཱ་ལ་དང་། ཨུ་པ་ཤི་པ་ལ་དང་། ཁྱིམ་བདག་ནི་ཀ་ལའི་མ་དང་། ཁྱིམ་བདག་ནི་ཀུ་ཏའི་མ་དང་། ཁྱིམ་བདག་ཕན་ཤ་ལའི་མ་ལ་སོགས་པ་དེ་དག་ལ་སོ་སོ་ནས་བུ་ལྔ་བརྒྱ་ལྔ་བརྒྱ་མཆིས་ཏེ། ཐམས་
D119.053.0183b03.01ཅད་སྒོ་ང་གཅིག་གི་ནང་ནས་སྐྱེས་ཏེ། དེ་བས་ན་མི་ལ་ཡང་སྒོ་ང་ལས་སྐྱེས་པ་མཆིས་སོ། །དྲོད་གཤེར་ལས་སྐྱེས་པ་ནི་ཇི་ལྟར་བཅོམ་ལྡན་འདས་ཀྱིས་གསུངས་པ་ལྟར་སྔོན་བྱང་ཆུབ་སེམས་དཔའ་མཛད་པ་ན། རྒྱལ་པོ་སྤྱི་བོ་སྐྱེས་ཞེས་བགྱི་བར་གྱུར་པ་དང་།
D119.053.0183b04.01རྒྱལ་པོ་ལག་ནས་སྐྱེས་ཞེས་བགྱི་བར་གྱུར་པ་དང་ད་ལྟར་གསུངས་པ་བུ་མོ་ཨ་མྲའི་ཤིང་དང་། བུ་མོ་ཀ་བྱི་ཏའི་ཤིང་ཞེས་བགྱི་བ་མཆིས་པས་ན་མིའི་ནང་ན་དྲོད་གཤེར་ལས་སྐྱེས་པ་ཡང་མཆིས་སོ། །ཐོག་མ་བསྐལ་པ་ཆགས་པ་ན་སེམས་ཅན་ཐམས་ཅད་རྫུས་ཏེ་སྐྱེས་པ་
D119.053.0183b05.01ན། སངས་རྒྱས་བཅོམ་ལྡན་འདས་ནི་དབང་དུ་གྱུར་པ་བརྒྱད་དང་ལྡན་པ་ལགས་ན། ཅིའི་སླད་དུ་རྫུས་ཏེ་མ་སྐྱེས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་སེམས་ཅན་ཐམས་ཅད་ནི་སྐྱེ་བ་རྣམ་པ་བཞིས་སྐྱེ་སྟེ། འཕགས་པའི་ཆོས་ཐོས་ནས་སྔོན་ལྟར་སྒོ་
D119.053.0183b06.01ང་ལས་སྐྱེ་བ་དང་། དྲོད་གཤེར་ལས་སྐྱེ་བར་མི་འགྱུར་རོ། །རིགས་ཀྱི་བུ་བསྐལ་པ་ཐོག་མ་ཆགས་པ་ན་སེམས་ཅན་ཐམས་ཅད་རྫུས་ཏེ་སྐྱེས་ཀྱང་དེའི་ཚེ་ན་སངས་རྒྱས་འཇིག་རྟེན་དུ་མ་གཤེགས་སོ། །རིགས་ཀྱི་བུ་གལ་ཏེ་སེམས་ཅན་དག་ནད་ཀྱིས་བཏབ་ན་སྨན་པ་དང་སྨན་
D119.053.0183b07.01