完整藏文原文 · 德格版页 当前仅加载第 53 函德格 308b 版页；藏文 NFD、目录标记与异常页序保留在来源切片中，重复版页行以稳定序号区分。
པར་གྱུར་ཏེ། དེའི་ཚེ་སྐྲ་དང་ཁ་སྤུ་རང་བྱི་ནས་དགེ་སློང་དུ་གྱུར་ཏོ། །ཆོས་ཉིད་ཀྱིས་ཡེ་ཤེས་ཀྱི་ཆུ་སེམས་ཀྱི་དབྱེ་ལ་བཅུས་པས་འཆིང་བས་མ་བཅིངས་ཏེ་ཟག་པ་ཟད་ནས་སེམས་རྣམ་པར་གྲོལ་བའི་དགྲ་བཅོམ་པར་གྱུར་ཏོ། །ཤིན་ཏུ་བཟང་པོ་དགྲ་བཅོམ་པའི་འབྲས་བུ་ཐོབ་ནས་སངས་རྒྱས་ལ་
D119.053.0308b01.01ཉེ་བར་བསྙེན་ཏེ། བཅོམ་ལྡན་འདས་ཀྱི་ཞལ་དུ་མིག་མི་འཛུམས་པར་ལྟ་ཞིང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་བླ་གོས་ཕྲག་པ་གཅིག་ཏུ་བྱས་པུས་མོ་གཡས་པའི་ལྷ་ང་ས་ལ་བཙུགས་ནས་ཐལ་མོ་སྦྱར་ཏེ། མྱ་ངན་དང་དགའ་བ་དུས་གཅིག་ཏུ་གྱུར་ནས་སྔོན་གྱི་ཉེས་པ་
D119.053.0308b02.01འགྱོད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བདག་གིས་གདུག་པའི་ལུས་འདིས་ཡུན་རིང་པོ་ནས་བདག་བསླུས་པས། ཡུན་རིང་པོར་མ་རིག་པ་ངན་པ་ལྟ་བུའི་ནང་དུ་ནུབ་པས་ཁམས་གསུམ་དུ་འཁོར་ཞིང་མུ་སྟེགས་ཅན་གྱི་ཆོས་ཀྱིས་གླགས་པར་གྱུར་ཏོ། །ཀྱི་ཧུད་ཀྱི་ཧུད་ཤིན་ཏུ་
D119.053.0308b03.01གནོད་པ་ཆེན་པོར་གྱུར་པ་ལས། ང་ནི་དེ་བཞིན་གཤེགས་པའི་བཀའ་དྲིན་གྱིས་དམ་པའི་ཆོས་ལ་ཞུགས་པར་གྱུར་ཏོ། །བཅོམ་ལྡན་འདས་ཡེ་ཤེས་ཀྱི་རྒྱ་མཚོའི་ཐུགས་རྗེ་ཆེན་པོ་ཚད་མ་མཆིས་པ་ནི་བསྐལ་པའི་བར་དུ་ཡང་བཀའ་དྲིན་ལ་ལན་མི་ལོན་ནོ་སྙམ་སེམས་སོ། །ཤིན་ཏུ་བཟང་པོས་
D119.053.0308b04.01དེ་སྐད་ཅེས་གསོལ་ནས་མཆི་མ་བླགས་ཏེ། ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ནི་རྒས་འཁོགས་ཏེ་སྡུག་བསྔལ་ལས་ནི་རྣམ་པར་མ་གྲོལ་གྱི། འདུ་བྱེད་ཀྱི་སྡུག་བསྔལ་གྱིས་ནི་རབ་ཏུ་གཙེ་བར་གྱུར་ན་བཅོམ་ལྡན་འདས་ཐུགས་བརྩེ་བའི་སླད་དུ་ཚུལ་
D119.053.0308b05.01ཁྲིམས་བསྟན་ཏེ་མགོན་དང་སྐྱབས་མཛད་ཅིང་། རེ་ཞིག་མྱ་ངན་ལས་མི་འདའ་བར་བཞུགས་སུ་གསོལ་ལོ། །དེའི་ཚེ་བཅོམ་ལྡན་འདས་ཅང་མི་གསུང་ནས་མི་གནང་ངོ་། །ཤིན་ཏུ་བཟང་པོས་གསོལ་པ་བཞིན་དུ་མ་གནང་ནས་མྱ་ངན་གྱིས་ཡིད་རབ་ཏུ་གདུངས་ཏེ་སྐད་ཆེན་པོས་འདི་སྐད་ཅེས་སྨྲས་
D119.053.0308b06.01སོ། །ཀྱི་ཧུད་ཀྱི་ཧུད་འཇིག་རྟེན་སྟོངས་སོ། །འཇིག་རྟེན་སྟོངས་སོ། །ད་ནི་འཇིགས་པ་ཆེན་པོས་བསྙེན་ནས་ཤིན་ཏུ་གདུང་བ་མངོན་དུ་གྱུར་ཏོ། །ཀྱི་ཧུད་ཀྱི་ཧུད་སེམས་ཅན་གྱི་བསོད་ནམས་ཟད་པས་ཡང་དག་པའི་ཤེས་རབ་ཀྱི་མིག་མདོངས་སོ་ཞེས་སྨྲས་ནས་རབ་ཏུ་ཆོ་ངེས་རྡུང་ཞིང་སྐད་
D119.053.0308b07.01