完整藏文原文 · 德格版页 当前仅加载第 53 函德格 328a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། རིན་པོ་ཆེའི་སྤོས་ཀྱི་ཤིང་རི་མོ་དང་བསུང་དུ་ལྡན་པ་འཇིག་རྟེན་གྱི་ཁམས་ཀུན་བྲོ་བར་བྱེད་པ་ཐོགས་ཤིང་གཞན་ཡང་རིན་པོ་ཆེའི་རྒྱལ་མཚན་དང་། བ་དན་དང་། གདུགས་དང་། སྤོས་དང་། མེ་ཏོག་དང་། དོ་ཤལ་གྲངས་མེད་པ་བཤམས་ཏེ། དེ་བཞིན་
D119.053.0328a01.01གཤེགས་པའི་མངད་མཛད་པའི་གནས་སུ་མཆོད་པ་བྱས་སོ། །དེའི་ཚེ་ཕྱོགས་བཞིའི་མགོན་པོ་ཆེན་པོ་དང་། ལྷའི་འཁོར་དང་བཅས་ཏེ་ངུས་ནས་ལྷ་རྫས་ཀྱི་ཙན་དན་དང་། ཨ་ག་རུ་ཕྱི་ནང་ཀུན་བསུང་དང་ལྡན་པ། བསུང་གིས་མ་དད་པ། སྦོམས་ཤིང་རྟའི་འཁོར་ལོ་ཙམ་ལྔ་བརྒྱ་དང་།
D119.053.0328a02.01དེ་མ་ཡིན་པའི་རིན་པོ་ཆེའི་སྤོས་དང་། རིན་པོ་ཆེའི་རྒྱལ་མཚན་དང་། རིན་པོ་ཆེའི་གདུགས་དམ་པ་དང་། མེ་ཏོག་གི་ཕྲེང་བ་ལ་སོགས་པ་བཤམས་ཏེ། མཆོད་པ་བྱ་བའི་ཕྱིར་མ་དད་མཛད་པའི་གནས་སུ་ལྷགས་སོ། །གནམ་རིམ་པ་གཉིས་ཀྱི་ལྷས་ནི་ཤིང་སྟོང་བཤམས་སོ། །གནམ་རིམ་པ་གསུམ་པའི་ལྷས་
D119.053.0328a03.01ནི་ཤིང་ཉིས་སྟོང་བཤམས་སོ། །རིམ་པ་བཞི་པའི་ལྷས་ནི་ཤིང་སུམ་སྟོང་བཤམས་སོ། །རིམ་པ་ལྔ་པའི་ལྷས་ནི་ཤིང་བཞི་སྟོང་བཤམས་སོ། །རིམ་པ་དྲུག་པའི་ལྷས་ནི་ཤིང་ལྔ་སྟོང་སྙེད་བཤམས་ཏེ། སོ་སོ་ནས་བ་དན་དང་། མེ་ཏོག་ལ་སོགས་པ་ཐོགས་ཏེ་ངུས་ནས་མཆོད་པ་བྱ་བའི་
D119.053.0328a04.01ཕྱིར་མ་དད་མཛད་པའི་གནས་སུ་ལྷགས་སོ། །དེའི་ཚེ་གཟུགས་ཡོད་པའི་ཁམས་དང་གཟུགས་མེད་པའི་ཁམས་ཀྱི་ལྷ་རྣམས་ནི་སྤོས་དང་། མེ་ཏོག་འབའ་ཞིག་ཐོགས་ཏེ། མ་དད་མཛད་པའི་གནས་སུ་ལྷགས་ནས་མཆོད་པ་བྱེད་དོ། །དེ་ནས་འཇིག་རྟེན་དུ་བཅས་པ་འཁོར་མང་
D119.053.0328a05.01པོ་རྣམས་ཀྱང་། སོ་སོ་ནས་སྤོས་ཙན་དན་གྱི་ཤིང་དང་། ཨ་ག་རུ་དང་། མེ་ཏོག་དང་། སྤོས་དང་། བ་དན་དང་། གདུགས་ལ་སོགས་པ་ཐོགས་ཏེ། ངུས་ནས་མཆོད་པ་བྱ་བའི་ཕྱིར་མ་དད་ཀྱི་གནས་སུ་ལྷགས་སོ། །དེའི་ཚེ་མ་འགགས་པ་མིག་མཆི་མས་གང་སྟེ་དྲག་ཏུ་ངུས་ནས།
D119.053.0328a06.01ལྷ་དང་མི་རྣམས་ལས་ཤིང་ཙན་དན་དང་། ཨ་ག་རུ་དྲུག་སྟོང་སྙེད་རི་མོ་དང་བསུང་དུ་ལྡན་པ། ཀུན་དུ་ཤིན་ཏུ་མ་དད་པ་བསླངས་ནས་མ་དད་ཀྱི་གནས་སུ་བཞག་གོ། །མཚོ་མ་དྲོས་པ་ངོས་བཞི་ཆུ་ཞེང་གབ་པ་དཔག་ཚད་ཉིས་བརྒྱ་ཡོད་དེ། གཙང་པོ་ཆེན་པོ་བཞི་འབབ་བོ། །བཅོམ་
D119.053.0328a07.01