完整藏文原文 · 德格版页 当前仅加载第 4 函德格 299a 版页；藏文 NFD、目录标记与异常页序保留在来源切片中，重复版页行以稳定序号区分。
སམ། ཉེ་བ་འཁོར་གནས་ནས་ཕྱུང་བ་འབའ་ཞིག་མ་གཏོགས་པར་འདི་དག་ཐམས་ཅད་ཀྱིས་དགེ་འདུན་གྱི་དབྱེན་དུ་འགྱུར་རོ།། །།བར་སྡོམ་ལ། དགེ་འདུན་དབྱེན་དང་མཐུན་པ་དང་། །གཅིག་ཏུ་དགེ་འདུན་དབྱེན་མིན་
D1.004.0299a01.01དང་། །ཐ་མ་དགུ་པོ་དབྱེན་དང་ནི། །གནས་དབྱུང་གསུམ་པོ་དྲུག་ཚན་ཡིན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཉན་ཐོས་ཀྱི་དགེ་འདུན་མཐུན་པའི་
D1.004.0299a02.01དབྱེན་བགྱིས་ནས་མནར་མེད་པའི་ཁ་ན་མ་ཐོ་བ་སྐྱེ་ཞིང་། མཚམས་མེད་པའི་ཁ་ན་མ་ཐོ་བའི་ལས་ཀྱིས་རེག་པར་འགྱུར་རོ་ཞེས་གང་གསུངས་པ་བཙུན་པ་ཇི་ཙམ་གྱིས་ན་ཉན་ཐོས་ཀྱི་དགེ་འདུན་མཐུན་པའི་དབྱེན་བགྱིས་ནས། མནར་
D1.004.0299a03.01མེད་པའི་ཁ་ན་མ་ཐོ་བ་སྐྱེ་ཞིང་མཚམས་མེད་པའི་ཁ་ན་མ་ཐོ་བའི་ལས་ཀྱིས་རེག་པར་འགྱུར་ལགས། ཉེ་བ་འཁོར་འདི་ལྟར་དགེ་སློང་ཆོས་མ་ཡིན་པ་ལ་ཆོས་མ་ཡིན་པའི་འདུ་ཤེས་དང་། དབྱེན་ལ་ཆོས་མ་ཡིན་པའི་འདུ་ཤེས་ཀྱིས་
D1.004.0299a04.01དགེ་སློང་རྣམས་ལ་གོ་བར་བྱེད། ཀུན་ཏུ་གོ་བར་བྱེད། སློབ་པར་བྱེད། འཛིན་དུ་འཇུག་པར་བྱེད་ཅིང་། དགེ་འདུན་གྱིས་དབྱེན་བྱ་བའི་ཕྱིར་ཕ་རོལ་གནོན་པར་བྱེད་ན། འདི་ཙམ་གྱིས་ན་ཉེ་བ་འཁོར་དགེ་སློང་གིས་ཉན་ཐོས་ཀྱི་
D1.004.0299a05.01དགེ་འདུན་མཐུན་པའི་དབྱེན་བྱས་ནས། མནར་མེད་པའི་ཁ་ན་མ་ཐོ་བ་སྐྱེ་ཞིང་མཚམས་མེད་པའི་ཁ་ན་མ་ཐོ་བའི་ལས་ཀྱིས་རེག་པར་འགྱུར་རོ། །ཉེ་བ་འཁོར་འདི་ལྟར་དགེ་སློང་གིས་ཆོས་མ་ཡིན་པ་ལ་ཆོས་མ་ཡིན་པའི་འདུ་ཤེས་
D1.004.0299a06.01དང་། དབྱེན་ལ་ཆོས་ཀྱི་འདུ་ཤེས་ཀྱིས་དགེ་སློང་རྣམས་ལ་གོ་བར་བྱེད། ཀུན་ཏུ་གོ་བར་བྱེད། སློབ་པར་བྱེད། འཛིན་དུ་འཇུག་པར་བྱེད་ཅིང་། དགེ་འདུན་གྱི་དབྱེན་བྱ་བའི་ཕྱིར་ཕ་རོལ་གནོན་པར་བྱེད་ན། འདི་ཙམ་གྱིས་ན་ཉེ་
D1.004.0299a07.01