完整藏文原文 · 德格版页 当前仅加载第 4 函德格 90a 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་ལྡན་གཽ་ཏ་མ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་སངས་རྒྱས་པར་བདག་ཉིད་ཞལ་གྱིས་འཆེའོ་ཞེས་ཐོས་ལགས་ན། གཽ་ཏ་མ་གང་དག་དེ་སྐད་ཅེས་ལུང་སྟོན་པ་དེ་དག་ཅི་ག་དགེ་སྦྱོང་གཽ་ཏ་མ་ལ་སྐུར་བ་འདེབས་པ་མ་ལགས་
D1.004.0090a01.01སམ། ཐལ་བར་སྨྲ་བ་མ་ལགས་སམ། ཤེས་ལྡན་གཽ་ཏ་མས་གསུངས་པ་བཞིན་སྨྲ་བ་ལགས་སམ། ཆོས་སྨྲ་བ་ལགས་སམ། ཆོས་དང་མཐུན་པའི་ཆོས་ལུང་སྟོན་པ་ལགས་སམ། ཅིག་དེ་དག་གི་དྲུང་དུ་ཕ་རོལ་པོ་ཆོས་དང་མཐུན་པའི་རྩོད་པའི་རྗེས་སུ་
D1.004.0090a02.01རྩོད་པ་མཆིས་ན་སྨོད་པའི་ཆོས་ཀྱི་གནས་སུ་མི་འགྱུར་ལགས་སམ། རྒྱལ་པོ་ཆེན་པོ་གང་དག་དེ་སྐད་དུ་སྨྲ་བ་དེ་དག་ནི་དེ་སྐད་དུ་ལུང་སྟོན་པ་བདེན་པ་དེ་ང་ལ་སྐུར་བ་འདེབས་པ་མ་ཡིན། ཐལ་བར་སྨྲ་བ་མ་ཡིན། དེ་ནི་གསུངས་པ་བཞིན་སྨྲ་བ་ཡིན། ཆོས་སྨྲ་
D1.004.0090a03.01བ་ཡིན། ཆོས་དང་མཐུན་པའི་ཆོས་ལུང་སྟོན་པ་ཡིན་ཏེ། དེ་དག་གི་དྲུང་དུ་ཕ་རོལ་པོ་ཆོས་དང་མཐུན་པའི་རྩོད་པའི་རྗེས་སུ་རྩོད་པ་འོངས་ན་སྨོད་པའི་ཆོས་ཀྱི་གནས་སུ་མི་འགྱུར་རོ། །རྒྱལ་པོ་ཆེན་པོ་དེ་ཅིའི་ཕྱིར་ཞེ་ན། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་
D1.004.0090a04.01མངོན་པར་སངས་རྒྱས་སོ། །ཤེས་ལྡན་གཽ་ཏ་མ་དེ་སྐད་གསུངས་མོད་ཀྱི། ཤེས་ལྡན་གཽ་ཏ་མ་ལ་བདག་ཡིད་མི་ཆེས་ལགས་སོ། །དེ་ཅིའི་སླད་དུ་ཞེ་ན། ཀྱེ་གཽ་ཏ་མ་རེ་ཞིག་རྒན་ཞིང་རྒན་པའི་དགེ་སྦྱོང་དང་བྲམ་ཟེ་ནི་འདི་དག་ལགས་ཏེ། འདི་ལྟ་སྟེ་འོད་སྲུང་རྫོགས་བྱེད་དང་། ཀུན་
D1.004.0090a05.01དུ་རྒྱུ་གནག་ལྷས་ཀྱི་བུ་དང་། སྨྲ་འདོད་ཀྱི་བུ་མོའི་བུ་ཡང་དག་རྒྱལ་བ་ཅན་དང་། མི་ཕམ་སྐྲའི་ལ་བ་ཅན་དང་། ཀ་ཏྱའི་བུ་ནོག་ཅན་དང་། གཅེར་བུ་པ་གཉེན་གྱི་བུ་གང་ལགས་པ་དེ་དག་ཀྱང་ད་དུང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་
D1.004.0090a06.01པར་བདག་ཉིད་གཡར་གྱིས་མི་འཆེ་བ་ལགས་ན། ཤེས་ལྡན་གཽ་ཏ་མ་འཁྲུངས་ནས་རིང་པོ་མ་ལགས་པ་གསར་དུ་རབ་ཏུ་བྱུང་བས་ལྟ་སྨོས་ཀྱང་ཅི་འཚལ། རྒྱལ་པོ་ཆེན་པོ་གཞོན་ནུ་བཞི་པོ་འདི་དག་ལ་ཁྱད་དུ་གསད་པར་མི་བྱ་གཞོན་ནུ་ལ་ཟིལ་གྱིས་མནན་པར་མི་བྱ་སྟེ། བཞི་གང་ཞེ་ན།
D1.004.0090a07.01