完整藏文原文 · 德格版页 当前仅加载第 4 函德格 161b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་བས་བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱོད་པ་སྤྱད་དེ། ཚངས་པའི་གནས་པ་བཞི་བསྒོམས་ནས་འདོད་པ་རྣམས་ལ་འདོད་པའི་འདུན་པ་སྤང་བའི་ཕྱིར་དེ་ལ་མང་དུ་གནས་པས་ཚངས་པའི་འཇིག་རྟེན་དང་སྐལ་བ་མཉམ་པར་སྐྱེས་སོ། །དེའི་ཚེ་ཚེ་དང་ལྡན་པ་མཽད་གལ་གྱི་བུ་ཆེན་པོ་ངན་
D1.004.0161b01.01སྤོང་གི་ཆུ་སྲིན་བྱིས་པ་གསོད་ཀྱི་རི་ལ་འཇིགས་བྱེད་ཀྱི་ཚལ་གྱི་{རི་དགས་,རི་དྭགས་}ཀྱི་ནགས་ན་འདུག་གོ། །དེ་ནས་ཚངས་པ་ནོག་ཅན་གྱིས་ལྷ་སྦྱིན་རྫུ་འཕྲུལ་དེ་ལས་ཡོངས་སུ་ཉམས་པར་ཤེས་ནས། དཔེར་ན་སྐྱེས་བུ་སྟོབས་དང་ལྡན་པའི་ལག་པ་བསྐུམ་པ་ལས་བརྐྱང་བའམ་བརྐྱང་བ་ལས་བསྐུམ་
D1.004.0161b02.01པ་ཙམ་གྱིས་ཚངས་པ་ནོག་ཅན་ཚངས་པའི་འཇིག་རྟེན་ནས་མི་སྣང་བར་བྱས་ཏེ་ངན་སྤོང་དུ་འོངས་ནས་ཚེ་དང་ལྡན་པ་མཽད་གལ་གྱི་བུ་ཆེན་པོའི་མདུན་དུ་འདུག་གོ། །དེ་ནས་ཚངས་པ་ནོག་ཅན་གྱིས་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་མཽད་
D1.004.0161b03.01གལ་གྱི་བུ་ཆེན་པོ་ཤེས་པར་གྱིས་ཤིག །ལྷ་སྦྱིན་རྙེད་པ་དང་བཀུར་སྟིས་ཟིལ་གྱིས་ནོན་པ་སེམས་གཏུགས་པ་ལ་སྡིག་པའི་འདོད་པ་འདི་ལྟ་བུ་སྐྱེས་ཏེ། ད་ནི་བཅོམ་ལྡན་འདས་བགྲེས་འཁོགས་གཏུགས་ཏེ་འཁོར་བཞི་ལ་གདམས་ངག་དབོག་ཏུ་མཉེལ་བར་གྱུར་གྱིས། ཨེ་མའོ་
D1.004.0161b04.01བཅོམ་ལྡན་འདས་ཀྱིས་དགེ་སློང་གི་དགེ་འདུན་བདག་ལ་སྤངས་ཏེ། བདག་གིས་དགེ་སློང་གི་དགེ་འདུན་ཡོངས་སུ་དྲང་ཞིང་། བཅོམ་ལྡན་འདས་ནི་ཐུགས་ལས་ཆུང་ངུར་གནས་ཤིང་མཐོང་བའི་ཆོས་ལ་བདེ་བར་གནས་པའི་རྣལ་འབྱོར་གྱི་རྗེས་སུ་བརྩོན་པས་བཞུགས་ཀྱང་
D1.004.0161b05.01ཅི་མ་རུང་སྙམ་དུ་སེམས་བསྐྱེད་མ་ཐག་ཏུ་རྫུ་འཕྲུལ་དེ་ལས་སླར་ཡོངས་སུ་ཉམས་ཏེ། ཡོངས་སུ་ཉམས་ཀྱང་བདག་ནི་སླར་ཡོངས་སུ་ཉམས་སོ་ཞེས་མ་ཤེས་ཀྱིས། བཙུན་པ་མཽད་གལ་གྱི་བུ་སྙིང་བརྩེ་བ་ཉེ་བར་བཟུང་སྟེ་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་དོན་འདི་
D1.004.0161b06.01རྒྱས་པར་གསོལ་ན་ལེགས་སོ། །ཚེ་དང་ལྡན་པ་མཽད་གལ་གྱི་བུ་ཆེན་པོས་ཚངས་པ་ནོག་ཅན་ལ་ཅང་མི་སྨྲ་བས་ཁས་བླངས་སོ། །དེ་ནས་ཚངས་པ་ནོག་ཅན་གྱིས་ཚེ་དང་ལྡན་པ་མཽད་གལ་གྱི་བུ་ཆེན་པོ་ཅང་མི་སྨྲ་བས་ཁས་བླངས་པར་རིག་ནས་ཚེ་དང་ལྡན་པ་མཽད་གལ་གྱི་བུ་ཆེན་པོའི་རྐང་
D1.004.0161b07.01