完整藏文原文 · 德格版页 当前仅加载第 4 函德格 129a 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་བསོད་སྙོམས་ལ་རྒྱུ་བ་ན་རྫ་མཁན་དགའ་སྐྱོང་གི་ཁྱིམ་གང་ན་བ་དེར་གཤེགས་ཏེ་བྱོན་ནས་སྒོ་འཕར་ལ་མི་དྲག་པར་དལ་བུ་དལ་བུས་བརྡབས་པ་དང་། དེའི་ཚེ་རྫ་མཁན་དགའ་སྐྱོང་ནི་དགོས་པ་འགའ་ཞིག་གི་ཕྱིར་ཕྱི་རོལ་དུ་སོང་བར་གྱུར་ནས། རྫ་མཁན་དགའ་སྐྱོང་གི་ཕ་
D1.004.0129a01.01མས་སྒོ་འཕར་བརྡབས་པའི་སྒྲ་ཐོས་སོ། །ཐོས་ནས་ཀྱང་འདི་སྐད་ཅེས་སྒོ་འཕར་ལ་མི་དྲག་པ་དལ་བུ་དལ་བུས་རྡེབས་པའི་འཕགས་པ་དེ་སུ་ཞིག །བཞིན་{བཟངས་,བཟང་}དེ་སུ་ཞིག་ཅེས་སྨྲས་སོ། །ངས་དེ་གཉིས་ལ་འདི་སྐད་ཅེས་བཀའ་སྩལ་ཏོ། །ང་ནི་ཡང་དག་པར་རྫོགས་པའི་སངས་
D1.004.0129a02.01རྒྱས་འོད་སྲུང་ཡིན་ཏེ་བསོད་སྙོམས་བཞེད་དོ། །དེ་གཉིས་ཀྱིས་འདི་སྐད་ཅེས་སྨྲས་སོ། །འཕགས་པ་ནང་དུ་སྤྱོན་ཅིག །བཞིན་{བཟངས་,བཟང་}དག་ནང་དུ་སྤྱོན་ཅིག །ཕྲུ་བ་འདི་རྣམས་ན་བཤོས་དྲོན་པོ་དང་། རྫེའུ་ན་སྲན་ཚོད་མཆིས་མོད་ཀྱི་ཁྱོད་ལ་བསྙེན་བཀུར་བགྱིད་པ་ནི་སླད་རོལ་དུ་
D1.004.0129a03.01མཆིས་ལགས་ཀྱིས། གལ་ཏེ་བཞེད་ན་ཉིད་ཀྱིས་བཞེས་ཏེ་ཡོངས་སུ་ལོངས་སྤྱད་དུ་གསོལ། རྒྱལ་པོ་ཆེན་པོ་ངས་བྱང་གི་སྒྲ་མི་སྙན་གྱི་དུས་བྱིན་གྱིས་བརླབས་ནས་ཉིད་ཁོ་ནས་ཕྲུ་བའི་ནང་ནས་ཟན་དྲོན་དང་། རྫེའུ་ན་སྲན་ཚོད་ཡོད་པ་བླངས་ནས་ཡོངས་སུ་ལོངས་སྤྱད་དོ། །དེ་ནས་ཕྱི་ཞིག་
D1.004.0129a04.01ནས་རྫ་མཁན་དགའ་སྐྱོང་འོངས་ནས་རྫ་མཁན་དགའ་སྐྱོང་གིས་ཕྲུ་བའི་ནང་ན་ཟན་དྲོན་དང་། རྫེའུ་ན་སྲན་ཚོད་ཡོད་པ་ཟོས་པར་མཐོང་ངོ་། །མཐོང་ནས་ཀྱང་ཕ་མ་ལོང་བ་གཉིས་ལ་འདི་སྐད་ཅེས་སྨྲས་སོ། །ཡབ་ཡུམ་ཕྲུ་བའི་ནང་ན་ཟན་དྲོན་དང་། རྫེའུ་ན་སྲན་ཚོད་མཆིས་པ་འདི་སུ་ཞིག་གིས་
D1.004.0129a05.01གསོལ། དེ་གཉིས་ཀྱིས་འདི་སྐད་ཅེས་སྨྲས་སོ། །དེས་པ་དགའ་སྐྱོང་ཁྱོད་སོང་ནས་རིང་པོ་མ་ལོན་པར་འདིར་སྒོ་འཕར་ལ་རྡེབས་པའི་སྒྲ་ཞིག་ཐོས་སོ། །ཐོས་ནས་ཀྱང་འདི་སྐད་ཅེས་སྨྲས་སོ། །སྒོ་འཕར་ལ་མི་དྲག་པར་དལ་བུ་དལ་བུས་རྡེབས་པའི་འཕགས་པ་དེ་སུ་ཞིག །བཞིན་{བཟངས་,བཟང་}
D1.004.0129a06.01དེ་སུ་ཞིག །དེས་འདི་སྐད་ཅེས། ང་ནི་ཡང་དག་པར་རྫོགས་པའི་སངས་རྒྱས་འོད་སྲུང་ཡིན་ཏེ་བསོད་སྙོམས་བཞེད་དོ་ཞེས་གསུངས་ནས་དེ་ལ་འདི་སྐད་ཅེས། འཕགས་པ་ནང་དུ་སྤྱོན་ཅིག །བཞིན་{བཟངས་,བཟང་}ནང་དུ་སྤྱོན་ཅིག །ཕྲུ་བ་འདིའི་ནང་ན་བཤོས་དྲོན་པོ་དང་། རྫེའུ་ན་སྲན་ཚོད་མཆིས་མོད་
D1.004.0129a07.01