完整藏文原文 · 德格版页 当前仅加载第 4 函德格 14a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ལྟ་བུའི་བརྟུལ་བ་ཡོད་པ་དེ་ཅིག་ཡང་ཁྱིམ་ན་གནས་པར་འགྱུར་རམ། ལྷ་མ་ལགས་སོ། །འདུན་པས་བསམས་པ། གཞོན་ནུ་ནི་རྒྱལ་རིགས་ཀྱི་ང་རྒྱལ་ཅན་ཡིན་པས་འདི་ཕྱིར་བཟློག་པར་མི་ནུས་སོ་སྙམ་མོ། །དེ་ནས་རྟའི་རྒྱལ་པོ་བསྔགས་ལྡན་གྱིས་བྱང་
D1.004.0014a01.01ཆུབ་སེམས་དཔའི་ཞབས་གཉིས་ལ་ལྕེས་བལྡགས་པ་དང་། བྱང་ཆུབ་སེམས་དཔའི་ཕྱག་འཁོར་ལོ་དང་། བཀྲ་ཤིས་དང་། གཡུང་དྲུང་འཁྱིལ་བ་མངའ་བས་བྱུགས་ནས་གསུངས་པ། བསྔགས་ལྡན་སོང་ཤིག་དང་། མངོན་པར་རྫོགས་པར་བྱང་ཆུབ་ནས་ཁྱོད་ཀྱི་བྱས་པ་
D1.004.0014a02.01གཟོ་བར་འགྱུར་རོ། །འདུན་པ་ལ་ཡང་གསུངས་པ། ཁྱོད་ཀྱིས་བསྔགས་ལྡན་ཕོ་བྲང་དུ་མ་བཀྲི་ཤིག །དེ་སྐད་ཅེས་གསུངས་པ་དང་། འདུན་པ་སྐད་འཛེར་ཅིང་མིག་མཆི་མས་གང་ནས་རྟའི་རྒྱལ་པོ་བསྔགས་ལྡན་ཁྲིད་དེ་ཡང་དང་ཡང་དུ་བྱང་ཆུབ་སེམས་དཔའ་ལ་བལྟ་ཞིང་སོང་ངོ་། །
D1.004.0014a03.01དེ་གཉིས་ཀྱིས་ཐུན་གཉིས་ཀྱིས་སོན་པའི་ས་གང་ཡིན་པ་དེ་ནས་ཞག་བདུན་གྱིས་ཕྱིར་འཁོར་ཏོ། །འདུན་པས་བསམས་པ། གལ་ཏེ་ལྷན་ཅིག་ཏུ་དོང་ན་སྨྲེ་སྔགས་ཆེན་པོས་བདག་ཤི་བར་འགྱུར་རོ་སྙམ་ནས་དེས་སྐྱེད་མོས་ཚལ་དུ་འདུག་ནས་བསྔགས་ལྡན་བཏང་ངོ་། །དེས་
D1.004.0014a04.01སྐད་ཕྱུང་བ་དང་ཕོ་བྲང་གི་སྐྱེ་བོ་དང་སྐྱེ་བོའི་ཚོགས་གཞན་གྱིས་ཀྱང་སྐད་དེ་ཤེས་ནས་རེ་སྟེ་ཕྱིར་བྱུང་བ་ལས་བྱང་ཆུབ་སེམས་དཔའ་མ་མཐོང་ནས་བསྔགས་ལྡན་དེའི་མགུལ་དུ་འཇུས་ཏེ་ངུ་བར་བརྩམས་སོ། །འདི་ནི་ཆོས་ཉིད་ཡིན་ཏེ། དུད་འགྲོའི་སྐྱེ་གནས་སུ་སོང་བའི་སྲོག་ཆགས་
D1.004.0014a05.01ཕལ་པ་གཞན་ལ་ཡང་ཀུན་རྫོབ་ཀྱི་ཤེས་པ་ཡོད་ན་རྟའི་རྒྱལ་པོ་བསྔགས་ལྡན་ལ་ལྟ་སྨོས་ཀྱང་ཅི་དགོས་པས་དེས་སྐྱེ་བོའི་ཚོགས་ཆེན་པོ་སྨྲེ་སྔགས་འདོན་པའི་སྒྲ་ཐོས་ཏེ་དབུགས་ཁོང་དུ་སོང་བ་ཉིད་ཀྱིས་བརྣངས་ཏེ་ཤི་ནས་དེ་སྒྲ་ཅན་གྱི་བྲམ་ཟེ་ལས་དྲུག་ལ་བརྩོན་པ་ཞིག་གི་རིགས་སུ་
D1.004.0014a06.01ཉིང་མཚམས་སྦྱོར་བ་བླངས་སོ། །གང་གི་ཚེ་བྱང་ཆུབ་སེམས་དཔའ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་བྱང་ཆུབ་པ་དེའི་ཚེ་དེ་ལ་དམུ་རྒོད་ཀྱི་གདམས་པས་གཏམས་ནས་འཁོར་བའི་དགོན་པ་ལས་བསྒྲལ་ཏེ་ཤིན་ཏུ་མཐར་ཕྱིན་པའི་གྲུབ་པ་དང་བདེ་བ་མྱ་ངན་
D1.004.0014a07.01