完整藏文原文 · 德格版页 当前仅加载第 4 函德格 194a 版页；藏文 NFD、目录标记与异常页序保留在来源切片中，重复版页行以稳定序号区分。
བས་རྦད་པའི་བྲམ་ཟེ་རྣམས་ལ་བྱིན་ནོ་ཞེས་ཐོས་སོ། །ཐོས་ནས་ཀྱང་རྒྱལ་པོ་ཐམས་ཅད་ཀྱི་བཤེས་གཉེན་ཤིན་ཏུ་ཁྲོས་འཁྲུགས་ནས་གཞོན་ནུ་ཐམས་ཅད་སྒྲོལ་བཀུག་སྟེ་སྨྲས་པ། གཞོན་ནུ་ཁྱོད་ངའི་ཡུལ་ན་མ་འདུག་པར་སོང་ཤིག །དེ་ནས་གཞོན་ནུ་
D1.004.0194a01.01ཐམས་ཅད་སྒྲོལ་ཕས་སྤངས་པ་དང་བསམས་པ། བདག་གིས་བྱང་ཆུབ་ཀྱི་ཕྱིར་འབད་པ་བྱས་པ་དང་། འཇིག་རྟེན་ཐམས་ཅད་རྗེས་སུ་གཟུང་བའི་ཕྱིར་བརྩོན་འགྲུས་ཀྱི་གོ་ཆ་བགོས་པས་གླང་པོ་ཆེ་དེ་ཡང་བཏང་སྟེ། དེ་བས་ཁྱིམ་ན་གནས་པས་ནི། །ཅི་ནུས་པས་ནི་སྦྱིན་པ་བཏང་། །
D1.004.0194a02.01དཀའ་ཐུབ་ནགས་སུ་བརྟེན་ནས་ནི། །ངེས་པ་མཆོག་དག་བྱ་བ་ཡིན། །བསླངས་ན་མི་སྦྱིན་བྱ་བ་ཡི། །ཚིག་ནི་སྨྲ་བར་མི་ཕོད་ཀྱི། །དེ་བས་བདག་ནི་ཁྱིམ་སྤངས་ཏེ། །དཀའ་ཐུབ་ནགས་སུ་རབ་ཏུ་འགྲོ། །དེ་ནས་བྱང་ཆུབ་སེམས་དཔས་དེ་ལྟར་སྙིང་ལ་མནའ་མཐོ་
D1.004.0194a03.01བཅད་ནས་ཆུང་མ་རྒྱགས་སྦྱིན་མའི་དྲུང་དུ་སོང་སྟེ་དེ་དག་རྒྱས་པར་སྨྲས་སོ། །དེ་ནས་རྒྱགས་སྦྱིན་མས་ཐོས་མ་ཐག་ཏུ་སྡུག་པ་དང་བྲལ་བར་དོགས་པའི་སྙིང་གིས་ཐལ་མོ་སྦྱར་ཏེ་བྱང་ཆུབ་སེམས་དཔའ་ལ་སྨྲས་པ། རྗེའི་སྲས་གལ་ཏེ་དེ་ལྟར་ན་བདག་ཀྱང་དཀའ་ཐུབ་ཀྱི་ནགས་སུ་
D1.004.0194a04.01མཆི་སྟེ། བདག་ནི་རྗེའི་སྲས་དང་བྲལ་ན་སྐད་ཅིག་ཙམ་ཡང་འཚོ་བར་རྔོ་མི་ཐོག་ལགས་སོ། །ཅིའི་སླད་དུ་ཞེ་ན། ནམ་མཁའ་ཟླ་བས་སྟོངས་པར་གྱུར་པ་དང་། །ཇི་ལྟར་ས་ནི་ལོ་ཏོག་གིས་སྟོངས་དང་། །པད་མ་ཆུ་ཡིས་སྟོངས་པར་གྱུར་པ་དང་། །བུད་མེད་ཁྱིམ་ཐབ་ཀྱིས་
D1.004.0194a05.01སྟོངས་དེ་བཞིན་ནོ། །བྱང་ཆུབ་སེམས་དཔས་སྨྲས་པ། བདག་ཅག་མཐར་གདོན་མི་ཟ་བར་འབྲལ་བར་འགྱུར་ཏེ། འདི་ནི་འཇིག་རྟེན་གྱི་རང་བཞིན་ནོ། །ཁྱོད་ནི་བཟའ་བ་དང་། བཏུང་བ་དང་། མལ་ཆ་དང་། བགོ་བ་མཆོག་ལ་གོམས་པས་ལུས་ཤིན་ཏུ་སྐྱིད་དེ་བ་
D1.004.0194a06.01ཡིན། དཀའ་ཐུབ་ཀྱི་ནགས་ན་ནི་རྩྭ་དང་ལོ་མ་བཏིང་བར་ནི་ཉལ། རྩ་བ་དང་། མེ་ཏོག་དང་། འབྲས་བུ་ནི་ཟ། རྩྭ་དཱུར་བ་དང་། ཟུག་རྡོ་དང་། རྩྭ་དང་། ཚེར་མས་གང་བའི་ས་ལ་ནི་རྒྱུ། ཡང་དང་ཡང་དུ་ཟ་གཅིག་པ་ལ་ནི་སྟེན། བདག་ཉིད་སྐྱེ་བོ་ཐམས་ཅད་ལ་ནི་
D1.004.0194a07.01