完整藏文原文 · 德格版页 当前仅加载第 4 函德格 149a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་ལ་སོགས་པ་དགེ་སློང་གི་དགེ་འདུན་རང་གི་ཁྱིམ་དུ་གདུགས་ཚོད་ལ་སྤྱན་དྲངས་པ་དང་། བཅོམ་ལྡན་འདས་སྔ་དྲོ་ན་བཟའ་ཤམ་ཐབས་མནབས་ལྷུང་བཟེད་དང་ཆོས་གོས་བསྣམས་ཏེ་དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང་དགེ་སློང་གི་དགེ་འདུན་གྱི་མདུན་
D1.004.0149a01.01གྱིས་བལྟས་ནས་ཁྱིམ་བདག་དེའི་ཁྱིམ་དུ་གཤེགས་ཏེ། གདུགས་ཚོད་གསོལ་ནས་སླར་གཤེགས་སོ། །དགེ་སློང་རྣམས་ཀྱིས་ཚེ་དང་ལྡན་པ་ཀུན་དགའ་བོ་ལ་དྲིས་པ། ཚེ་དང་ལྡན་པ་ཀུན་དགའ་བོ་ཅི་དེ་རིང་ཁྱོད་བཅོམ་ལྡན་འདས་དང་ཐབས་ཅིག་སོང་ངམ། འོན་ཏེ་སྤྲུལ་པ་
D1.004.0149a02.01དང་། དེས་སྨྲས་པ། བཅོམ་ལྡན་འདས་དང་ཐབས་ཅིག་སོང་གིས་སངས་རྒྱས་ཀྱི་སྤྲུལ་པ་དང་ནི་མ་ཡིན་ནོ། །ཅི་མངོན་གང་གི་ཚེ་ཁོ་བོ་བཅོམ་ལྡན་འདས་དང་ཐབས་ཅིག་འགྲོ་བ་དེའི་ཚེ་བདག་བཅོམ་ལྡན་འདས་ལ་ལྷག་པར་དད་པ་དང་། གུས་པ་དང་། ངོ་ཚ་ཤེས་པ་དང་།
D1.004.0149a03.01ཁྲེལ་ཡོད་པ་དང་། འཛེམ་པས་ཉེ་བར་གནས་པ་ཡིན་ནོ། །གང་གི་ཚེ་སངས་རྒྱས་ཀྱི་སྤྲུལ་པ་ཡིན་པ་དེའི་ཚེ་དེ་ལྟར་མི་འགྱུར་རོ། །དགེ་སློང་དག་ཕན་ཚུན་སྨྲས་པ། ཚེ་དང་ལྡན་པ་ཀུན་དགའ་བོ་ནི་མཚན་མ་ལ་མཁས་སོ། །ཕྱོགས་དང་ཕྱོགས་མཚམས་རྣམས་སུ་དགེ་
D1.004.0149a04.01སློང་ཀུན་དགའ་བོ་མཚན་མ་ལ་མཁས་སོ་ཞེས་བྱ་བའི་སྒྲ་བསྒྲགས་སོ། །དེ་ནས་བཅོམ་ལྡན་འདས་ཀྱིས་རྒྱལ་པོའི་ཁབ་ཏུ་ཇི་ཙམ་བཞེད་ཀྱི་བར་དུ་བཞུགས་ནས་མཉེན་ཡོད་གང་ན་བ་དེར་རྒྱུ་ཞིང་གཤེགས་ཏེ། རིམ་གྱིས་རྒྱུ་ཞིང་གཤེགས་པ་དང་མཉན་ཡོད་དུ་བྱོན་ནས་མཉན་
D1.004.0149a05.01ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་ཚེ་དང་ལྡན་པ་ཀུན་དགའ་བོ་སྔ་དྲོ་ཤམ་ཐབས་བགོས་ཆོས་གོས་དང་ལྷུང་བཟེད་ཐོགས་ནས་མཉན་ཡོད་དུ་བསོད་སྙོམས་ཀྱི་ཕྱིར་ཞུགས་པ་བྲམ་ཟེ་ཞིག་གིས་མཐོང་ནས་བསམས་པ། དགེ་
D1.004.0149a06.01སྦྱོང་གཽ་ཏ་མའི་ཉན་ཐོས་དགེ་སློང་ཀུན་དགའ་བོ་མཚན་མ་ལ་མཁས་སོ། །ཞེས་ཐོས་པ་གང་ཡིན་པ་དེ་ནི་འདི་ཡིན་གྱིས་རེ་ཞིག་ཤིང་ཤ་པ་ཞེས་བྱ་བ་འདི་ལ་འདབ་མ་དུ་ཡོད་པ་དྲིའོ་སྙམ་ནས་དེས་དེ་ལ་དྲིས་པ། འཕགས་པ་ཤིང་ཤ་པ་འདི་ལ་འདབ་མ་ཇི་སྙེད་མཆིས། དེས་སྨྲས་པ། བརྒྱ་
D1.004.0149a07.01