完整藏文原文 · 德格版页 当前仅加载第 4 函德格 25a 版页；藏文 NFD、目录标记与异常页序保留在来源切片中，重复版页行以稳定序号区分。
མ་ལ་བསམས་ནས་མྱ་ངན་མནགས་ཏེ་གང་ཐོས་ན་བཙུན་མོ་གྲགས་འཛིན་མ་མི་འཆི་བར་འགྱུར་བའི་གཏམ་གཞན་གྱིས་བཙུན་མོའི་འཁོར་ལ་འདྲིད་པར་བྱེད་དོ། །དེ་ནས་བྱང་ཆུབ་སེམས་དཔའ་འདི་སྙམ་དུ་དགོངས་ཏེ། ལམ་འདི་ཡང་ཤེས་པར་ནུས་པ་མ་ཡིན།
D1.004.0025a01.01མཐོང་བར་ནུས་པ་མ་ཡིན། བླ་ན་མེད་པ་ཡང་དག་པར་རྫོགས་པར་བྱང་ཆུབ་པར་ནུས་པ་མ་ཡིན་ནོ་སྙམ་མོ། །དེ་འདི་སྙམ་དུ་དགོངས་ཏེ། མ་ལ་བདག་གིས་ཁ་ཟས་ཤིན་ཏུ་ངན་པ་བཟའ་བར་བྱའོ་སྙམ་སྟེ། དེས་ཁ་ཟས་ཤིན་ཏུ་ངན་པ་གསོལ་བར་མཛད་དོ། །དེ་ལ་ཟས་ཕལ་པ་ནི་
D1.004.0025a02.01འདི་ཡིན་ཏེ། བེའུ་བྱུང་ནས་རིང་པོ་མ་ལོན་པར་མའི་འོ་མ་འཐུང་བ་གང་ཡིན་པ་དེ་རྣམས་ཀྱི་གཅིན་དང་ལྕི་བ་ཡིན་ནོ། །ཇི་ལྟར་དེའི་སྐུ་ལས་མདངས་དེ་ཡལ་བར་མ་གྱུར་པ་དེ་སྲིད་དུ་ཟས་གཉིས་པ་མི་གསོལ་ཏེ། ཡལ་ནས་ཁ་ཟས་ཕྱི་མ་གསོལ་བར་མཛད་དོ། །དུར་ཁྲོད་ཆེན་
D1.004.0025a03.01པོར་གཤེགས་ནས་ཀྱང་མི་རོ་དབུ་རྟེན་དུ་བཅུག །ཞབས་ལ་ཞབས་བཞག་སྟེ་སྣང་བའི་འདུ་ཤེས་དང་། དྲན་པ་དང་ཤེས་བཞིན་དང་། ལྡང་བའི་འདུ་ཤེས་ཡིད་ལ་མཛད་པས་གློ་གཡས་པས་མནལ་བར་མཛད་དོ། །དེའི་ཚེ་གྲོང་ཁྱེར་གྱི་གཞོན་ནུ་རྣམས་དང་། གྲོང་ཁྱེར་གྱི་གཞོན་
D1.004.0025a04.01ནུ་མ་རྣམས་ལྷགས་ནས་ཤིང་བུས་དེའི་སྙན་གཉིས་ཀྱི་བུ་གར་འཛུགས་པར་བྱེད། རྣ་བ་གཉིས་ནས་འདྲེན་པར་བྱེད་ཅིང་འདི་སྐད་ཅེས་ཀྱེ་ཕྱག་དར་ཁྲོད་ཀྱི་ཤ་ཟ་ལ་ལྟོས། ཀྱེ་ཕྱག་དར་ཁྲོད་ཀྱི་ཤ་ཟ་ལ་ལྟོས་ཞེས་སྨྲ་བར་ཡང་བྱེད་དོ། །དེའི་ཚེ་ཕྱག་དར་དང་བོང་རྡོག་དང་། གསེག་
D1.004.0025a05.01མས་ཀྱང་འཐོར་བར་བྱེད་དོ། །འོན་ཀྱང་བྱང་ཆུབ་སེམས་དཔའ་ནི་གྲོང་ཁྱེར་གྱི་གཞོན་ནུ་རྣམས་སམ། གྲོང་ཁྱེར་གྱི་གཞོན་ནུ་མ་དེ་རྣམས་ལ་ངན་སེམས་སྐྱེད་པའམ། སྡིག་པའི་ཚིག་དབྱུང་བར་མི་དགོངས་སོ། །བྱང་ཆུབ་སེམས་དཔའ་དེ་ལྟ་བུའི་དཀའ་བ་སྤྱོད་པ་ན་འདི་སྙམ་
D1.004.0025a06.01དུ་དགོངས་ཏེ། གང་སུ་དག་སྡུག་བསྔལ་སྤང་བར་བརྩོན་པར་གནས་པ་དེ་ཐམས་ཅད་ནི་འདི་ཙམ་དུ་ཟད་དེ། དེ་ལས་ལྷག་པ་ཡང་མེད་དེའི་གོང་ན་ཡང་མེད་ན། ལམ་འདི་ཡང་ཤེས་པར་ནུས་པ་མ་ཡིན། མཐོང་བར་ནུས་པ་མ་ཡིན། བླ་ན་མེད་པ་ཡང་དག་པར་རྫོགས་པར་བྱང་
D1.004.0025a07.01