完整藏文原文 · 德格版页 当前仅加载第 4 函德格 226b 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་བོས་སྨྲས་པ། འཚོ་བྱེད་དེ་ཅི་ཡིན། དེས་སྨྲས་པ། ཙན་དན་ས་མཆོག་ཡིན་ནོ། །དེའི་ཚེ་ཙན་དན་ས་མཆོག་རྙེད་པ་ཉིད་མེད་དོ། །ཇི་ཙམ་ན་ཚོང་པ་ཞིག་ཡོད་པས་འདི་ལྟར་བདག་གིས་ཙན་དན་ས་མཆོག་དུས་དུས་སུ་བཙོངས་པས་མ་སྐྱེས་དགྲ་འདི་ནི་གཏུམ་པ་
D1.004.0226b01.01བརླང་བ། གཟུ་ལུམས་ཅན་ཡིན་པས་གལ་ཏེ་མ་སྟེས་ཏེ་དེ་ལ་ཙན་དན་ས་མཆོག་དགོས་པར་གྱུར་ལ། དེ་མ་རྙེད་ན་གདོན་མི་ཟ་བར་མགོ་གཅོད་པར་ཡང་འགྱུར་རོ་སྙམ་ནས་ཙན་དན་ས་མཆོག་བསྲེས་ཏེ་བཞག་པ་ཞིག་ཡོད་དོ། །དེས་སྨན་པའི་རྒྱལ་པོ་འཚོ་བྱེད་ཀྱིས་ཇི་ལྟར་
D1.004.0226b02.01བཅོམ་ལྡན་འདས་ཀྱི་སྙུན་ལ་ནི་ཙན་དན་ས་མཆོག་གིས་གདངས་པར་འགྱུར་རོ་ཞེས་བསྟན་པ་ཐོས་ནས་དེས་བསམས་པ། མ་སྐྱེས་དགྲ་འདི་ལྷ་སྦྱིན་གྱིས་རྦད་པས་བཅོམ་ལྡན་འདས་ལ་ཞེ་འགྲས་པའི་བློ་ཡོད་དེ། གལ་ཏེ་བདག་གིས་བཅོམ་ལྡན་འདས་ལ་ཙན་དན་ས་མཆོག་ཕུལ་
D1.004.0226b03.01ན་བདག་ལ་གནོད་པ་བྱེད་པའི་གནས་གང་ཡིན་པ་དེ་ཡོད་དོ་སྙམ་མོ། །ཡང་བསམས་པ། བཅོམ་ལྡན་འདས་ནི་ལྷ་དང་མིས་མཆོད་པ་ཡིན་པས་གལ་ཏེ་དེའི་དོན་དུ་སྲོག་དང་ཕྲལ་ན་ཡང་ཕྲལ་དུ་ཟད། མ་ལ་བདག་གིས་བཅོམ་ལྡན་འདས་ལ་ཙན་དན་ས་མཆོག་དབུལ་ལོ་སྙམ་ནས། དེས་
D1.004.0226b04.01ཙན་དན་ས་མཆོག་ཁྱེར་ཏེ་བཅོམ་ལྡན་འདས་ཀྱི་སྤྱན་སྔར་སོང་ནས་ཞབས་ལ་གཏུགས་ཏེ་གསོལ་པ། བཅོམ་ལྡན་འདས་བདག་གིས་བཅོམ་ལྡན་འདས་ལ་ཙན་དན་ས་མཆོག་གིས་བགྱི་བ་ཅི་མཆིས་པ་གློ་བར་ཆུད་ན། བཅོམ་ལྡན་འདས་ཀྱིས་ཐུགས་བརྩེ་བར་དགོངས་ཏེ་འདི་བཞེས་སུ་
D1.004.0226b05.01གསོལ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་བདག་ཉིད་ཆེན་པོ་འདི་ལས་ཙན་དན་ས་མཆོག་ལོང་ཤིག །ཚེ་དང་ལྡན་པ་ཀུན་དགའ་བོས་བླངས་སོ། །དེ་ནས་ཚོང་པ་དེ་དགའ་བ་དང་མགུ་བ་སྐྱེས་ནས་བཅོམ་ལྡན་འདས་
D1.004.0226b06.01ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ་། །དེ་ནས་བཅོམ་ལྡན་འདས་འཛུམ་པ་མཛད་དོ། །ཆོས་ཉིད་ཀྱིས་གང་གི་ཚེ་སངས་རྒྱས་བཅོམ་ལྡན་འདས་རྣམས་འཛུམ་པ་མཛད་པ་དེའི་ཚེ་ཞལ་ནས་འོད་ཟེར་སྔོན་པོ་དང་། སེར་པོ་དང་། དམར་
D1.004.0226b07.01