完整藏文原文 · 德格版页 当前仅加载第 4 函德格 191b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་དེ་རྣམས་ཀྱིས་ལམ་གྱི་བྱི་དོར་བྱས་གྲོང་ཁྱེར་བྱི་དོར་བྱས་ནས་དཔལ་གྱི་འབྱོར་པ་ཆེན་པོས་གྲོང་ཁྱེར་དུ་ཁྲིད་དེ་ཉི་མ་དང་། ཚེས་གྲངས་དང་། ཡུད་ཙམ་དང་། རྒྱུ་སྐར་རྣམས་རིམ་བཞིན་དུ་སྦྱར་ཏེ་རྒྱལ་སྲིད་ཀྱི་དབང་བསྐུར་རོ། །དེ་ལ་བཙུན་མོ་མེད་ནས་བློན་པོ་རྣམས་དང་།
D1.004.0191b01.01མདུན་ན་འདོན་རྣམས་དང་། ཡུལ་གཞན་གྱི་རྒྱལ་པོ་རྣམས་དང་། གཞན་ཡང་ནོར་ཅན་དང་། ཚོང་དཔོན་དང་། དེད་དཔོན་རྣམས་དང་། རང་གི་བུ་མོ་རྒྱན་ཐམས་ཅད་ཀྱིས་བཀླུབས་ནས་ཁྲིད་དེ་རྒྱལ་པོས་ཁབ་ཏུ་བཞེས་པར་བྱ་བའི་ཕྱིར་གྲོང་ཁྱེར་དེར་ལྷགས་ན། རྒྱལ་པོ་
D1.004.0191b02.01དེ་བུད་མེད་ཀྱིས་སུན་ཕྱུང་བ་ཡིན་པས་ཁས་མ་བླངས་སོ། །བློན་པོ་རྣམས་ཀྱིས་སྨྲས་པ། ལྷ་རྒྱལ་པོ་རྣམས་ནི་བཙུན་མོ་དང་། གཞོན་ནུ་དང་། བློན་པོ་དང་། གྲོང་མི་དང་། ཡུལ་མིར་བཅས་པ་ལགས་ཀྱིས་བཙུན་མོ་གཞག་ཏུ་གསོལ། ཡུལ་སྣ་ཚོགས་ན་གནས་
D1.004.0191b03.01པའི་མི་གཙོ་བོ་རྣམས་དང་ཡུལ་གཞན་གྱི་རྒྱལ་པོ་རྣམས་དང་། མི་གཙོ་བོ་དེ་རྣམས་ཀྱི་བུ་མོ་རྣམས་དེའི་མངོན་དུ་འགྱུར་བར་བྱ་བའི་ཕྱིར་སྟ་གོན་བྱས་ཏེ་བཞག་ན། འོན་ཀྱང་དེ་ཁས་ལེན་དུ་མ་བཏུབ་སྟེ་བུད་མེད་རྣམས་ཡང་དང་ཡང་དུ་སྨོད་དོ། །སེམས་ཅན་རྣམས་ཀྱི་བསོད་ནམས་
D1.004.0191b04.01ཀྱི་མཐུས་ལོངས་སྤྱོད་རྣམས་མཐུ་དང་ལྡན་ཞིང་ཕུན་སུམ་ཚོགས་པ་ཡིན་པས་གང་གི་ཚེ་བྱང་ཆུབ་སེམས་དཔའ་བུད་མེད་བྱས་པ་ཆུད་གཟོན་པས་རི་དེ་ལས་བོར་བ་དེའི་ཚེ་རི་དེའི་རྩ་བ་དང་འབྲས་བུ་རྣམས་སྲབས་པར་གྱུར་ཅིང་མཐུ་མེད་པར་གྱུར་ཏོ། །དེ་ནས་བུད་མེད་དེ་མུ་གེའི་དུས་ཀྱི་འཆི་བའི་
D1.004.0191b05.01འཇིགས་པས་སྐྲག་ནས་རྐང་ལག་མ་ཚང་བའི་མི་དེ་ཁུར་དུ་ཐོགས་ཏེ་གྲོང་མཐར་སོང་ནས་ལམ་པོ་ཆེ་དང་། སྲང་དང་། བཞི་མདོ་དང་། སུམ་མདོ་རྣམས་སུ་ཡང་སྤྲང་ཞིག་རྒྱུའོ། །དྲིས་པ་ན་སྨྲས་པ། བདག་ཁྱིམ་ཐབ་ལས་མི་འཕྱོ་བའོ། །བུད་མེད་གང་ཞིག་ཁྱིམ་ཐབ་ལས་
D1.004.0191b06.01མི་འཕྱོ་བ་དེ་འཇིག་རྟེན་གྱིས་མཆོད་པའི་ཆོས་དེ་ཡོད་པས་དེ་གང་དུ་ཞུགས་པ་དེར་སློང་མོ་འཐོབ་བོ། །ཇི་ཙམ་ན་དེ་རིམ་གྱིས་རྒྱལ་པོའི་ཕོ་བྲང་དུ་ཕྱིན་པ་དང་། འཇིག་རྟེན་གྱིས་ཐོས་ནས་མཆོག་ཏུ་ངོ་མཚར་སྐྱེས་སོ། །ཁ་ཅིག་དག་ནི་ངོ་མཚར་སྐྱེས་ནས་དེ་ལ་བལྟ་བའི་ཕྱིར་ཕྱིར་
D1.004.0191b07.01