完整藏文原文 · 德格版页 当前仅加载第 4 函德格 87b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་སྐད་ཅེས་སྨྲས་སོ། །འཕགས་པ་ཤཱ་རིའི་བུ་བཅོམ་ལྡན་འདས་གཤེགས་ན་ཤུལ་སོ་ཇི་ཙམ་དུ་བྱོན་པར་འགྱུར། ཁྱིམ་བདག་དཔེར་ན་འཁོར་ལོས་སྒྱུར་བའི་རྒྱལ་པོའི་ཙམ་མོ། །འཁོར་ལོས་སྒྱུར་བའི་རྒྱལ་པོ་མཆི་བའི་ཚད་ཇི་ཙམ། ཁྱིམ་བདག་འཁོར་ལོས་སྒྱུར་བའི་རྒྱལ་པོ་ནི་
D1.004.0087b01.01ཉི་མ་གཅིག་གིས་རྒྱང་གྲགས་བཅུའི་ལམ་དུ་འགྲོའོ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས་གང་ཡང་མཉན་ཡོད་ནས་རྒྱལ་པོའི་ཁབ་དེའི་བར་གྱི་གཤེགས་དགོངས་བརྩིས་ནས་གཞེས་ས་དག་བྱེད་དུ་བཅུག །སྦྱིན་གཏོང་གི་ཁང་པ་དག་བྱེད་དུ་བཅུག །དུས་ཚོད་གསོལ་
D1.004.0087b02.01བའི་མི་དག་བཀོད། གདུགས་དང་རྒྱལ་མཚན་དང་། བ་དན་གྱིས་བརྒྱན། ཙན་དན་གྱི་ཆུས་ཆག་ཆག་བཏབ། ཤིན་ཏུ་དྲི་ཞིམ་པོའི་པོག་པོར་དག་ཉེ་བར་བཀོད། རྟ་བབས་དག་བྱེད་དུ་བཅུག །དུས་ཀྱི་དང་ཐུན་ཚོད་ཀྱི་སྨན་དག་ཀྱང་འཇོག་ཏུ་བཅུག་གོ། །དེ་ལྟར་ཚོགས་
D1.004.0087b03.01བསགས་ནས་མི་ཞིག་ལ་བསྒོ་བ། ཀྱེ་ནང་རྗེ་ཚུར་སྤྱོན། ཁྱོད་བཅོམ་ལྡན་འདས་གང་ན་བ་དེར་སོང་ལ་སོན་པ་དང་། ཁོ་བོའི་ཚིག་གིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚོལ་ལ། གནོད་པ་ཉུང་ངམ། ཉམ་ང་བ་ཆུང་ངམ། འཚོ་འམ་བསྐྱོད་པ་ཡང་
D1.004.0087b04.01ངམ། སྟོབས་དང་བདེ་བ་ལ་རེག་པར་གནས་སམ་ཞེས་ཞུས་ལ་འདི་སྐད་ཅེས་བཅོམ་ལྡན་འདས་མཉན་ཡོད་དུ་གཤེགས་སུ་གསོལ། བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ལ་བདག་ཇི་སྲིད་འཚོའི་བར་དུ་ན་བཟའ་ཆོས་གོས་དང་། བསོད་སྙོམས་དང་།
D1.004.0087b05.01གཟིམས་ཆ་དང་། སྙུན་དཔྱད་ཀྱི་རྐྱེན་སྨན་གྱི་ཡོ་བྱད་རྣམས་ཀྱིས་བསྙེན་བཀུར་བགྱིད་དོ་ཞེས་ཀྱང་གསོལ་ཅིག་ཇོ་བོ་བཀའ་བཞིན་འཚལ་ཞེས་མི་དེས་ཁྱིམ་བདག་མགོན་མེད་ཟས་སྦྱིན་གྱི་ལྟར་མཉན་ནས་རྒྱལ་པོའི་ཁབ་གང་ན་བ་དེར་ཆས་ཏེ་རིམ་གྱིས་རྒྱལ་པོའི་ཁབ་ཏུ་ཕྱིན་ཏོ། །
D1.004.0087b06.01དེ་ནས་ལམ་གྱིས་དུབ་པ་ངལ་སོས་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་མི་དེས་བཅོམ་ལྡན་འདས་ལ་འདི་སྐད་ཅེས་
D1.004.0087b07.01