完整藏文原文 · 德格版页 当前仅加载第 4 函德格 180a 版页；藏文 NFD、目录标记与异常页序保留在来源切片中，重复版页行以稳定序号区分。
ཅིག །དགེ་སློང་དག་སྔོན་བྱུང་བ་རི་འོར་ཞིག་ན་མེ་ཏོག་ཕྲེང་རྒྱུད་མཁན་ཞིག་གནས་ཏེ། དེའི་མེ་ཏོག་གི་རབ་ཆུའི་ཕ་རོལ་ན་ཡོད་པས་དེ་ཉི་མ་རེ་རེ་ཞིང་ཆུ་རྒལ་ཞིང་མེ་ཏོག་ཐུའོ། །ཇི་ཙམ་དུས་གཞན་ཞིག་ན་ཆུ་རྒལ་བ་ན་དུས་ཚིགས་མ་ཡིན་པའི་ཨ་མྲའི་
D1.004.0180a01.01འབྲས་བུ་ཆུས་ཁྱེར་བ་ཞིག་མཐོང་ནས་དེས་དེ་བླངས་ཏེ་སྒོ་བ་ལ་བྱིན་ནོ། །སྒོ་བས་གསོལ་ཀ་བ་ལའོ། །གསོལ་ཀ་བས་རྒྱལ་པོ་ལའོ། །རྒྱལ་པོས་བཙུན་མོ་ལའོ། །བཙུན་མོས་དེ་མྱངས་པ་ན་རོལ་ཞེན་ནས་རྒྱལ་པོ་ལ་གསོལ་བ་བཏབ་པ། ལྷ་ཨ་མྲའི་འབྲས་བུ་
D1.004.0180a02.01འདི་འདྲ་བ་གཞན་ཡང་སྩལ་བའི་རིགས་སོ། །རྒྱལ་པོས་གསོལ་ཀ་བ་ལ་སྨྲས་པ། ཁྱོད་ཀྱིས་ཨ་མྲའི་འབྲས་བུ་སུ་ལས་འོངས། དེས་སྨྲས་པ། སྒོ་སྲུངས་ཀྱིས་སྩལ་ལགས་སོ། །སྒོ་སྲུངས་ལ་སྨྲས་པ་དང་། དེས་སྨྲས་པ། མེ་ཏོག་ཕྲེང་རྒྱུད་མཁན་
D1.004.0180a03.01གྱིས་སྩལ་ལགས་སོ། །རྒྱལ་པོས་སྨྲས་པ། ཤེས་ལྡན་དག་མེ་ཏོག་ཕྲེང་རྒྱུད་མཁན་ཁུག་ཤིག །རྒྱལ་པོའི་མི་རྣམས་ཀྱིས་བཀུག་ནས་རྒྱལ་པོས་སྨྲས་པ། ཀྭའི་མེ་ཏོག་ཕྲེང་རྒྱུད་མཁན་ཁྱོད་ཀྱིས་ཨ་མྲའི་འབྲས་བུ་འདི་ག་ལས་རྙེད། དེས་ཇི་ལྟར་གྱུར་པ་
D1.004.0180a04.01སྨྲས་པ་དང་། རྒྱལ་པོས་དེ་ཉིད་ལ་བསྒོ་བ། སོང་ལ་ཨ་མྲའི་འབྲས་བུ་འདི་འདྲ་བ་གཞན་ཡང་ཁྱེར་ཏེ་ཤོག་ཤིག །མིའི་དབང་པོ་རྣམས་ཀྱི་ཚིག་ནི་གཅིག་ཏུ་མི་རུང་བས་དེ་བག་ཚ་བས་སྙིང་ལ་ཟུག་ཅིང་ཨ་མྲའི་འབྲས་བུ་བཙལ་བར་བརྩམས་ཏེ། དེས་རྒྱགས་ཁྱེར་ནས་ཐོག་
D1.004.0180a05.01མ་ཨ་མྲ་རྙེད་པ་ལོགས་སུ་སོང་བ་དང་། རིའི་ཕྱོགས་གཅིག་ན་ཨ་མྲའི་ཤིང་སྤྲེའུ་རྣམས་ཀྱི་བགྲོད་པར་གྱུར་གྱི་མི་རྣམས་ཀྱི་ནི་མ་ཡིན་པ་དེ་མཐོང་ནས། དེ་ནས་མེ་ཏོག་ཕྲེང་རྒྱུད་མཁན་དེ་ཤིང་དེ་ལ་ཕན་ཚུན་ནས་བརྟགས་ན། གཡང་ས་ཆེན་པོར་སྐྱེས་པས་མི་རྣམས་ཀྱིས་
D1.004.0180a06.01བགྲོད་པ་མ་ཡིན་ཏེ་གཟེག་པར་མ་ནུས་སོ། །དེ་དེ་ན་ཨ་མྲའི་འབྲས་བུ་འདོད་པའི་ཕྱིར་ཞག་མང་དུ་ལོན་པས་རྒྱགས་ཟད་པར་གྱུར་ཏོ། །དེས་བསམས་པ། བདག་འདི་བཞིན་འདུག་ན་ཡང་རྒྱགས་མེད་པས་འཆིར་(ཆབས་,ཆ་བས་)གཅིག་གིས་ཅི་བྱུང་བ་བྱུང་གཟེག་གོ་ཞེས་དེས་རྡོ་
D1.004.0180a07.01