完整藏文原文 · 德格版页 当前仅加载第 4 函德格 188a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲམ་དང་། ཧ་ཅང་ཡང་མི་རིང་བ་ཞིག་ཏུ་ཆུ་སྲིན་ཉའི་རིགས་ཀྱིས་ཚུལ་མ་ཡིན་པས་མ་རུང་བར་བྱས་སོ། །དེ་ནས་སྡིག་བྱེད་ཀྱིས་དགེ་བྱེད་ཀྱི་མགུལ་ནས་འཇུས་པ་དང་། དེས་དེ་འབད་པ་ཆེན་པོས་འགྲམ་དུ་ཕྱུང་ངོ་། །དེ་ཁུར་གྱིས་
D1.004.0188a01.01དུབ་ནས་གཉིད་ཀྱིས་ལོག་པ་དང་། དེ་འགྲེས་པའི་རྐེད་པ་ལ་རིན་པོ་ཆེ་བཏགས་པ་དག་སྡིག་བྱེད་ཀྱིས་མཐོང་ནས་དེས་བསམས་པ། འདི་ནི་རིན་པོ་ཆེ་འདི་ལྟ་བུ་དག་ཁྱེར་ཏེ་འགྲོ་བར་འགྱུར་ན། བདག་གི་ལག་པ་སྟོང་པར་འགྲོ་བར་འགྱུར་བ་ལྟ་ཞེས་བསམས་ནས་
D1.004.0188a02.01དེས་དེ་གཉིད་སྟུག་པོས་ནོན་པ་ན་རིན་པོ་ཆེ་དེ་རྣམས་ཀྱང་ཕྲོགས། མིག་གཉིས་ཀྱང་ཚེར་མས་ཕྱུང་ནས་དེས་དེ་ལོང་བར་རྒྱ་མཚོའི་འགྲམ་དུ་བོར་ཏེ་སོང་ངོ་། །སྟེས་ཏེ་ཕྱུགས་རྫི་དག་ཅིག་ཕྱུགས་སྐྱོང་ཞིང་ཕྱོགས་དེར་ཕྱིན་པ་དང་། དེ་རྣམས་ཀྱིས་དེ་མཐོང་ནས་དྲིས་པ། ཀྱེ་
D1.004.0188a03.01ནང་རྗེ་ཁྱོད་སུ་ཞིག་དེས་ཇི་ལྟར་གྱུར་པ་རྒྱས་པར་སྨྲས་པ། དེ་རྣམས་ཀྱིས་ཐོས་ནས་སྙིང་རྗེ་སྐྱེས་ཏེ། དེ་རྣམས་ཀྱིས་དེ་ཕྱུགས་རྫི་དཔོན་པོའི་ཁྱིམ་དུ་ཁྲིད་དོ། །དེ་དེ་ན་པི་ཝང་བླང་བར་བརྩམས་པ་དང་། ཕྱུགས་རྫི་དཔོན་པོ་དེའི་ཆུང་མ་གཟུགས་དང་ལང་ཚོའི་དྲེགས་
D1.004.0188a04.01པས་རྒྱགས་པས་པི་ཝང་གི་སྒྲ་ཐོས་ནས་བསྒུགས་པ་ལས། དེ་བྱས་པ་ཆུད་གཟོན་པའི་སྤྱོད་པ་རྗེས་སུ་དྲན་ནས་རྣ་བ་བཀག་སྟེ་འདུག་ནས་མ་བཏུབ་བོ། །འདོད་པ་ལ་ཞེན་པ་རྣམས་ནི་མི་བྱ་བ་ཅི་ཡང་མེད་པས་དེས་ཁྱིམ་ཐབ་ལ་དཔར་བ་སྨྲས་པ། མི་ལོང་བ་འདི་
D1.004.0188a05.01བདག་ལ་སྒུགས་ན། ཁྱོད་འདི་འདྲ་བ་དག་སྡུད་པར་བྱེད་དམ། ཤ་འཁོན་རྣམས་ཀྱི་ནང་ན་འདི་ལྟ་སྟེ་བུད་མེད་ཀྱི་ཤ་འཁོན་ནི་ཐ་ཆད་ཡིན་པས་དེས་བསམས་པ། འདི་ཆད་པས་ནི་བཅད་ཟིན་པས་སྤང་པ་མ་གཏོགས་པར་འདི་ལ་ཅི་བྱར་ཡང་མེད་དོ་སྙམ་ནས་དེས་དེ་ཁྱིམ་ནས་སྤངས་
D1.004.0188a06.01ཏེ་ལམ་པོ་ཆེ་དང་། སྲང་དང་། བཞི་མདོ་དང་། སུམ་མདོ་རྣམས་ན་པི་ཝང་གིས་འཚོ་བར་བྱེད་དོ། །དེའི་ཕ་ཤི་ནས་དེའི་ནུ་བོ་སྡིག་བྱེད་རྒྱལ་སྲིད་ལ་བཞག་གོ། །དེ་ཡང་རིམ་གྱིས་མཚམས་གཞན་གྱི་རྒྱལ་པོ་སྔོན་བུ་མོ་བྱིན་པ་གང་ཡིན་པ་དེའི་གྲོང་ཁྱེར་དུ་ཕྱིན་ཏོ། །
D1.004.0188a07.01