完整藏文原文 · 德格版页 当前仅加载第 4 函德格 252b 版页；藏文 NFD、目录标记与异常页序保留在来源切片中，重复版页行以稳定序号区分。
ཀར་རྣམ་པ་ཐམས་ཅད་དང་ལྡན་པའི་འཇིག་རྟེན་འདི་བཏང་སྙོམས་དང་ལྡན་པའི་སེམས་འཁོན་མེད་པ། འགྲན་ཟླ་མེད་པ། གནོད་པ་མེད་པ། ཡངས་པ། རྒྱ་ཆེན་པོར་གྱུར་པ། ཚད་མེད་པ་ཤིན་ཏུ་བསྒོམས་པས་མོས་ཏེ། ཁྱབ་པར་བྱས་ནས་རྫོགས་པར་བྱས་ཏེ། གནས་པ་འདི་ནི་ཚངས་
D1.004.0252b01.01པའི་བསོད་ནམས་སྐྱེད་པའི་གང་ཟག་བཞི་པ་ཡིན་ཏེ། བསྐལ་པར་མཐོ་རིས་རྣམས་སུ་དགའ་བར་འགྱུར་རོ། །དེ་ནས་ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ་རྗེས་སུ་ཡི་རངས་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་
D1.004.0252b02.01བོས་ཕྱག་འཚལ་ནས། བཅོམ་ལྡན་འདས་ཀྱི་སྤྱན་སྔ་ནས་ཆས་ཏེ་ལྷ་སྦྱིན་གང་ན་བ་དེར་དོང་ངོ་། །དེའི་ཚེ་ལྷ་སྦྱིན་ལྷོ་ཕྱོགས་ཀྱི་རིལ་ཀོ་ཀ་ལི་ཀ་ནི་དེའི་གཡས་སུ་བཞག །ཁཎ་ཌ་དྲ་བ་བྱ་ནི་གཡོན་དུ་བཞག་ནས་སངས་རྒྱས་ལྟར་འཆོས་ཤིང་འཆད་པ་ན། ལྷ་སྦྱིན་གྱིས་ཚེ་དང་ལྡན་པ་
D1.004.0252b03.01ཤཱ་རིའི་བུ་དང་། མཽད་གལ་གྱི་བུ་གཉིས་རྒྱང་རིང་པོ་ཁོ་ན་ནས་མཐོང་ངོ་། །མཐོང་ནས་ཀྱང་བསམས་པ། བདག་གིས་ཉན་ཐོས་ཆེན་པོ་དག་ཀྱང་དབང་དུ་བྱས་པས་ད་ནི་བདག་ཐམས་ཅད་མཁྱེན་པ་ཡིན་ནོ་སྙམ་ནས། ཀོ་ཀ་ལི་ཀ་དང་། ཁཎ་ཌ་དྲ་བ་བྱ་ལ་ལོངས་ཤིག་ལོངས་ཤིག །
D1.004.0252b04.01ཅེས་གྲུ་ཕུགས་བྱས་པ་དང་། དེ་གཉིས་ཀྱིས་བསམས་པ། བདག་ཅག་གིས་འདི་ལྟར་འདི་དགེ་འདུན་འབྱེད་པའི་གྲོགས་བྱས་པ་དེ་ཉིད་བདག་ཅག་གིས་ཉེས་ཏེ། འདི་མཐུ་དང་ལྡན་པ་ཡིན་པས་གལ་ཏེ་བདག་ཅག་བརྡེགས་ན་གདོན་མི་ཟ་བར་འཆི་བར་འགྱུར་གྱིས་ལྡང་ངོ་སྙམ་ནས་དེ་གཉིས་
D1.004.0252b05.01ལངས་པ་དང་། ཚེ་དང་ལྡན་པ་ཤཱ་རིའི་བུ་ནི་གཡས་ཕྱོགས་སུ་འདུག་གོ། །ཚེ་དང་ལྡན་པ་མཽད་གལ་གྱི་བུ་ཆེན་པོ་ནི་གཡོན་ཕྱོགས་སུ་འདུག་གོ། །དེ་ནས་ལྷ་སྦྱིན་གྱིས་ཚེ་དང་ལྡན་པ་ཤཱ་རིའི་བུ་ལ་སྨྲས་པ། ཤཱ་རིའི་བུ་ང་རྒྱབ་ན་ཐུགས་མི་བདེ་སྟེ་རེ་ཞིག་དེ་བསལ་གྱིས་ཁྱོད་དགེ་སློང་
D1.004.0252b06.01རྣམས་ལ་ཆོས་ཀྱི་གཏམ་སྤོབས་པར་གྱིས་ཤིག །ཚེ་དང་ལྡན་པ་ཤཱ་རིའི་བུས་ཀྱང་མི་སྨྲ་བས་ལྷ་སྦྱིན་ལ་ཁས་བླངས་སོ། །དེ་ནས་ལྷ་སྦྱིན་བླ་གོས་བཞི་བལྟབ་ཏུ་བཏིང་། སྣམ་སྦྱར་བལྟབ་སྟེ་སྔས་སུ་བཅུག་ནས་གློ་གཡས་པ་ཕབ་སྟེ་གཉིད་ལོག་པ་ལས་ཚེ་དང་ལྡན་པ་ཤཱ་རིའི་བུས་ཇི་ལྟར་
D1.004.0252b07.01