完整藏文原文 · 德格版页 当前仅加载第 4 函德格 16b 版页；藏文 NFD、目录标记与异常页序保留在来源切片中，重复版页行以稳定序号区分。
པ། །རྒྱལ་པོས་ཕོ་ཉ་རྗེས་བཞིན་བཏང་། །དེ་ནས་ཕོ་ཉ་ལ་བསྒོ་བ། །དགེ་སློང་དེ་ནི་གར་འགྲོ་ཞིང་། །གང་དུ་གནས་ནི་བཏབ་པ་ཡི། །རྗེས་བཞིན་དུ་ནི་འབྲང་བར་གྱིས། །དེ་ནི་བསོད་སྙོམས་གཤེགས་པ་ན། །སྒོ་དྲུག་ལེགས་པར་བསྡམས་ནས་ནི། །ཤེས་
D1.004.0016b01.01བཞིན་དྲན་དང་ལྡན་པ་ཡིས། །ལྷུང་བཟེད་མྱུར་དུ་གང་བར་མཛད། །བསོད་སྙོམས་སྤྱད་པ་བྱས་ནས་ཀྱང་། །ཐུབ་པ་གྲོང་ཁྱེར་ཕྱིར་བྱུང་ནས། །སྐྱ་བསེང་ལས་ནི་མངོན་གཤེགས་ཏེ། །དེ་ལ་གནས་ནི་བཏབ་པར་གྱུར། །གནས་བཏབ་པ་ནི་ཤེས་ནས་ཀྱང་། །ཕོ་ཉ་
D1.004.0016b02.01གཅིག་གིས་བསྡད་བྱས་ནས། །གཞན་ནི་མྱུར་དུ་སླར་ལོག་སྟེ། །རྒྱལ་པོ་ལ་ནི་ཚིག་སྨྲས་པ། །རྒྱལ་པོ་ཆེན་པོ་དགེ་སློང་དེ། །སེང་གེའམ་སྟག་གི་ཕྲུ་གུ་དང་། །རི་སུལ་དག་ན་གནས་པ་ལྟར། །སྐྱ་བསེང་གི་ནི་སྟེང་ན་གནས། །ཕོ་ཉ་རྣམས་ཀྱི་ཚིག་ཐོས་ནས། །
D1.004.0016b03.01ས་བདག་ཤིང་དྲུང་ཞུགས་ནས་ནི། །དེ་ནི་བློན་པོས་ཡོངས་བསྐོར་ནས། །མྱུར་དུ་ཁོ་ནར་དོང་བར་གྱུར། །བཞོན་པས་བགྲོད་པའི་སར་ཞོན་ཏེ། །དེ་ནི་བཞོན་པ་ལས་བབ་ནས། །རྐང་གིས་ཉེ་བར་སོང་ནས་ནི། །དེ་ནས་དེ་བཞིན་གཤེགས་པ་མཐོང་། །རྒྱལ་པོས་
D1.004.0016b04.01འདུག་ནས་དགྱེས་པ་དང་། །མགུ་བར་འགྱུར་བའི་གཏམ་གསོལ་ནས། དེ་ནི་མ་ཁེངས་མི་བརླང་བར། །དོན་འདི་དག་ནི་རབ་སྨྲས་སོ། །དགེ་སློང་ལང་ཚོ་དང་པོ་ལ། །བང་བར་ཡང་དག་གནས་གྱུར་ཅིང་། །འདི་འདྲ་གཟི་བརྗིད་ལྡན་པ་ལ། །བསོད་སྙོམས་སྤྱོད་པ་
D1.004.0016b05.01མཛེས་མ་ལགས། །ཁང་པ་ཉམས་དགའ་དག་དང་ནི། །བུད་མེད་རྒྱན་གྱིས་བརྒྱན་པ་དང་། །ལོངས་སྤྱོད་མཆོག་ནི་ཁྱོད་གསོལ་ན། །ཉིད་ཀྱི་གདུང་ནི་ཞུ་ཡིས་གསུངས། །རྒྱལ་པོ་གངས་རི་ཉེ་བ་ན། །ཡུལ་གྱི་ལྗོངས་ནི་ནོར་དག་དང་། །འབྲུ་དག་གིས་ནི་གང་གྱུར་
D1.004.0016b06.01པ། །ཀོ་ས་ལ་ཞེས་གྲགས་པ་ཡོད། །བུ་རམ་ཤིང་པ་ཉི་མའི་རུས། །ཤཱཀྱ་དག་ནི་དེ་ན་གནས། །རྒྱལ་པོ་ངའི་རིགས་རྒྱལ་རིགས་ཏེ། །ང་ནི་འདོད་པ་དོན་མི་གཉེར། །ས་འདི་རི་དང་བཅས་ཤིང་རྒྱ་མཚོར་བཅས། །རིན་ཆེན་ཀུན་དང་ལྡན་པ་བསྐྱངས་གྱུར་ཀྱང་། །
D1.004.0016b07.01