完整藏文原文 · 德格版页 当前仅加载第 4 函德格 158b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ལ་ལྷ་སྦྱིན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ལ་རྫུ་འཕྲུལ་གྱི་ལམ་གྱི་ལུང་དབོག་ཏུ་གསོལ། དེ་ནས་བཅོམ་ལྡན་འདས་ཀྱིས་ལྷ་སྦྱིན་སྡིག་པའི་འདོད་པ་དེ་ལྟ་བུ་སྐྱེས་པར་གྱུར་པ་ཐུགས་སུ་ཆུད་ནས་ལྷ་སྦྱིན་ལ་འདི་སྐད་ཅེས་བཀའ་སྩལ་ཏོ། །
D1.004.0158b01.01གཽ་ཏ་མ་ཁྱོད་ལྷག་པའི་ཚུལ་ཁྲིམས་ལ་ཚུལ་བཞིན་ཡིད་ལ་བྱོས་ཤིག་དང་། ཁྱོད་རྫུ་འཕྲུལ་དང་གཞན་དག་དང་ཡང་ལྡན་པར་འགྱུར་རོ། །གཽ་ཏ་མ་ཁྱོད་ལྷག་པའི་སེམས་ལ་ཚུལ་བཞིན་ཡིད་ལ་བྱོས་ཤིག་དང་ཁྱོད་རྫུ་འཕྲུལ་དང་གཞན་དག་དང་ཡང་ལྡན་པར་འགྱུར་རོ། །གཽ་ཏ་མ་
D1.004.0158b02.01ཁྱོད་ལྷག་པའི་ཤེས་རབ་ལ་ཚུལ་བཞིན་ཡིད་ལ་བྱོས་ཤིག་དང་། ཁྱོད་རྫུ་འཕྲུལ་དང་གཞན་དག་དང་ཡང་ལྡན་པར་འགྱུར་རོ། །དེ་ནས་ལྷ་སྦྱིན་འདི་སྙམ་དུ་སེམས་ཏེ། བཅོམ་ལྡན་འདས་ཀྱིས་བདག་ལ་རྫུ་འཕྲུལ་གྱི་ལམ་གྱི་ལུང་མ་ཕོག་གོ་སྙམ་དུ་བསམས་ནས་ཆས་ཏེ་ཚེ་དང་ལྡན་པ་
D1.004.0158b03.01ཀུན་ཤེས་ཀཽཎྜི་ནྱ་གང་ན་བ་དེར་སོང་སྟེ་ཕྱིན་ནས་ཚེ་དང་ལྡན་པ་ཀུན་ཤེས་ཀཽཎྜི་ནྱ་ལ་འདི་སྐད་ཅེས་སྨྲས་སོ། །གནས་བརྟན་བདག་ལ་རྫུ་འཕྲུལ་གྱི་ལམ་གྱི་ལུང་དབོག་ཏུ་གསོལ། དེ་ནས་ཚེ་དང་ལྡན་པ་ཀུན་ཤེས་ཀཽཎྜི་ནྱས་བཅོམ་ལྡན་འདས་ཀྱི་ཐུགས་དང་ལྷ་སྦྱིན་གྱི་ལ་བལྟས་ན་སྡིག་པ་འདོད་
D1.004.0158b04.01པ་དེ་ལྟ་བུ་སྐྱེས་པར་ཤེས་ནས་ལྷ་སྦྱིན་ལ་འདི་སྐད་ཅེས་སྨྲས་སོ། །ལྷ་སྦྱིན་ཁྱོད་གཟུགས་ལ་ཚུལ་བཞིན་ཡིད་ལ་བྱོས་ཤིག་དང་ཁྱོད་རྫུ་འཕྲུལ་དང་གཞན་དག་དང་ཡང་ལྡན་པར་འགྱུར་རོ། །དེ་ནས་ལྷ་སྦྱིན་འདི་སྙམ་དུ་སེམས་ཏེ། གནས་བརྟན་ཀུན་ཤེས་ཀཽཎྜི་ནྱས་ཀྱང་བདག་ལ་རྫུ་འཕྲུལ་
D1.004.0158b05.01གྱི་ལམ་གྱི་ལུང་མ་ཕོག་གོ་སྙམ་དུ་བསམས་ནས། ཚེ་དང་ལྡན་པ་རྟ་ཐུལ་དང་། བཟང་ལྡན་དང་། རླངས་པ་དང་། མིང་ཆེན་དང་། གྲགས་པ་དང་། གང་པོ་དང་། དྲི་མ་མེད་པ་དང་། བ་ལང་བདག་དང་། ལག་{བཟངས་,བཟང་}དང་། གནས་བརྟན་ལྔ་བརྒྱ་གང་ན་བ་དེར་སོང་སྟེ་ཕྱིན་ནས་
D1.004.0158b06.01གནས་བརྟན་ལྔ་བརྒྱ་ལ་འདི་སྐད་ཅེས་སྨྲས་སོ། །གནས་བརྟན་བདག་ལ་རྫུ་འཕྲུལ་གྱི་ལམ་གྱི་ལུང་དབོག་ཏུ་གསོལ། །དེ་ནས་གནས་བརྟན་ལྔ་བརྒྱ་པོས་བཅོམ་ལྡན་འདས་ཀྱི་ཐུགས་དང་། དགེ་སློང་གནས་བརྟན་གནས་བརྟན་རྣམས་དང་ལྷ་སྦྱིན་གྱི་ལ་བལྟས་ན་སྡིག་པའི་འདོད་པ་དེ་
D1.004.0158b07.01