完整藏文原文 · 德格版页 当前仅加载第 4 函德格 203b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་དེའི་བསྔགས་པ་གསུང་བར་བརྩམས་པ་ཐོས་ནས་དེ་ཡང་མཐོང་བར་འདོད་པ་སྐྱེས་པ་དང་། བཅོམ་ལྡན་འདས་ཀྱི་ཐུགས་ཀྱིས་དེའི་བསམ་པ་མཁྱེན་ནས་བཀའ་སྩལ་པ། རྒྱལ་པོ་ཆེན་པོ་སེམས་ཅན་དེ་ནི་བསོད་ནམས་ཀྱི་སྐལ་བ་ཆེན་པོ་དང་ལྡན་པ་ཡིན་པས་ཁྱོད་བསོད་
D1.004.0203b01.01ནམས་ཡོངས་སུ་ཟད་པར་འགྱུར་དུ་འོང་གིས་དེ་ལ་བཀའ་མ་སྩོལ་ཅིག །དེ་ལྟ་མོད་ཀྱི་རྒྱལ་པོ་ཆེན་པོ་ལྷུང་བཟེད་ཀྱི་ལྷག་མ་ལ་ལོངས་སྤྱོད་ཅིག །དེས་གསོལ་པ། བཙུན་པ་བདག་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་ལགས་ཏེ། སྔོན་ནི་སུའི་ལྷུང་བཟེད་ཀྱི་ལྷག་མ་
D1.004.0203b02.01ཡང་མ་འཚལ་ལགས་མོད་ཀྱི། བཅོམ་ལྡན་འདས་ནི་ཆོས་ཉིད་ཀྱིས་བདག་གི་ཡབ་ལགས་པས། གལ་ཏེ་བཅོམ་ལྡན་འདས་ཀྱིས་བཀའ་སྩལ་ན་ལོངས་སྤྱོད་པར་བགྱིའོ་ཞེས་དེས་ལོངས་སྤྱོད་པར་བརྩམས་སོ། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་
D1.004.0203b03.01ཆེན་པོ་ཁྱོད་ཀྱིས་སྔོན་ལན་འགའ་ཡང་བཟའ་བ་དང་བཏུང་བ་འདི་འདྲ་བ་ལོངས་སྤྱད་པ་ཡོད་དམ། རྒྱལ་པོས་གསོལ་པ། བཙུན་པ་བདག་ཀྱང་རྒྱལ་པོའི་རྒྱུད་དུ་བཙས། རྒྱལ་པོའི་རྒྱུད་ལས་ཆེན་པོར་གྱུར་ཅིང་རྒྱལ་པོར་གྱུར་ཀྱང་གཡར་ཟས་དང་བཏུང་བ་འདི་འདྲ་བ་ནི་སྔོན་ལན་འགའ་
D1.004.0203b04.01ཡང་མྱོང་བར་མ་འཚལ་ལགས་སོ། །རྒྱལ་པོ་ཆེན་པོ་སེམས་ཅན་སྐལ་བ་ཆེན་པོ་དེ་ནི་འདི་ལྟར་འདི་འདྲ་བའི་བཟའ་བ་དང་བཏུང་བ་ལ་ལོངས་སྤྱོད་དོ། །དེ་ནས་མ་ག་དྷཱའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་
D1.004.0203b05.01འདས་ཀྱི་སྤྱན་སྔ་ནས་སོང་ནས། དེས་བློན་པོ་རྣམས་ལ་བསྒོ་བ། ཤེས་ལྡན་དག་ཡུལ་ཙམ་པར་འདོང་གིས་དཔུང་གི་ཚོགས་ཡན་ལག་བཞི་པ་གོ་སྐོན་ཅིག །ཅིའི་སླད་དུ་ལགས། གྲུ་འཛིན་གྱི་བུ་བལྟའོ། །ལྷའི་ཡུལ་ན་དེ་མཆིས་པས་དེ་ཉིད་དགུག་ཏུ་གསོལ། དེ་ནི་སེམས་ཅན་བསོད་
D1.004.0203b06.01ནམས་ཀྱི་སྐལ་བ་ཆེན་པོ་དང་ལྡན་པ་ཡིན་པས་དེ་ལ་བཀའ་མི་སྩོལ་ཏོ། །ལྷ་ཇི་ལྟར་བཀའ་མ་སྩལ་ཀྱང་བདག་ཅག་གིས་མཆི་བར་འགྱུར་བ་དེ་ལྟར་བགྱིའོ། །དེ་བཞིན་དུ་གྱིས་ཤིག །དེ་རྣམས་ཀྱིས་ཙམ་པར་ཡི་གེ་སྤྲིང་བ། ཤེས་ལྡན་དག་རྒྱལ་པོ་གཤེགས་པར་འགྱུར་གྱིས་གྲོང་ཁྱེར་བྱི་
D1.004.0203b07.01