完整藏文原文 · 德格版页 当前仅加载第 4 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་ཁྲོ་བ་ཡིན་པས་དེས་ཆུ་ཉུང་ཞིག་བླངས་ཏེ་གཏོར་ནས་དམོད་པ་བོར་བ་སྤྱོད་པ་ངན་པ་ཅན་ཁྱོད་ཀྱིས་བུམ་པ་ཆུས་བཀང་བ་ཆག་པར་བྱས་ཀྱིས། དེ་ལྟ་བས་ན་ཁྱོད་ཉི་མ་འདི་ནས་བཟུང་སྟེ་ལོ་བཅུ་གཉིས་སུ་ཆར་མི་འབེབས་པར་གྱུར་ཅིག་ཅེས་བྱས་པས་ལྷ་ཆར་མི་འབེབས་པར་གྱུར་ཏོ། །
D1.004.0137b01.01བཱ་རཱ་ཎ་སཱིར་མུ་གེ་ཆེན་པོ་བྱུང་ནས་སྐྱེ་བོའི་ཚོགས་ཀུན་དུ་དོང་ངོ་། །རྒྱལ་པོས་ལྟས་མཁན་རྣམས་བཀུག་སྟེ་སྨྲས་པ། ཤེས་ལྡན་དག་སུ་ཞིག་གི་མཐུས་ན་ལྷ་ཆར་མི་འབེབས། དེ་རྣམས་ཀྱིས་སྨྲས་པ། དྲང་སྲོང་ཁྲོས་པས་ལགས་སོ། །ཇི་སྟེ་དྲང་སྲོང་དེ་དཀའ་ཐུབ་དེ་ལ་
D1.004.0137b02.01བསྐྱོད་པར་ནུས་ན་ལྷ་དེ་བཞིན་དུ་ཆར་འབེབས་ཀྱི་གཞན་དུ་ན་ནི་མ་ལགས་སོ། །རྒྱལ་པོ་སེམས་ཁོང་དུ་ཆུད་ཅིང་འདུག་པ་དང་། བཙུན་མོ་དང་། བློན་པོ་དང་། གཞོན་ནུ་རྣམས་ཀྱིས་སྨྲས་པ། ལྷ་ཅིའི་སླད་དུ་ཐུགས་མི་དགྱེས། དེས་སྨྲས་པ། དྲང་སྲོང་ཁྲོས་པས་ལྷ་
D1.004.0137b03.01ཆར་མི་འབེབས་ལ་ལྟས་མཁན་རྣམས་ཀྱང་འདི་སྐད་ཅེས་གལ་ཏེ་དྲང་སྲོང་དེ་དཀའ་ཐུབ་དེ་ལས་བསྐྱོད་ན་དེ་བཞིན་དུ་ལྷ་ཆར་འབེབས་ཀྱི། གཞན་དུ་ན་མ་ཡིན་ནོ་ཞེས་ཟེར་ཏེ། དཀའ་ཐུབ་དེ་ལ་སུ་ཞིག་གིས་བསྐྱོད་པར་ནུས་པ་མི་ཤེས་སོ། །རྒྱལ་པོ་དེའི་བུ་མོ་ཞི་ལྡན་མ་ཞེས་བྱ་བ་དེས་སྨྲས་
D1.004.0137b04.01པ། ལྷ་གལ་ཏེ་དེ་ལྟ་ན་ཐུགས་ལས་ཆུང་ངུར་མཛོད་ཅིག་དང་། བདག་གིས་དྲང་སྲོང་དེ་དཀའ་ཐུབ་དེ་ལས་ཇི་ནས་ཀྱང་གཡོས་པར་གྱུར་པ་དེ་ལྟར་བགྱིའོ། །དེས་སྨྲས་པ། ཐབས་ཅི་ཞིག་གིས་བྱ། དེས་སྨྲས་པ། བདག་དང་བུད་མེད་གཞན་རྣམས་བྲམ་ཟེ་རྣམས་ལ་གསང་ཚིག་
D1.004.0137b05.01འདོན་དུ་སྩོལ་ཅིག །གྲུ་ཟམ་གྱི་བསྟི་གནས་མེ་ཏོག་དང་། འབྲས་བུ་དང་། ཆུ་ཕུན་སུམ་ཚོགས་པ་བགྱིད་དུ་སྩོལ་ཅིག །དེས་དེ་དང་བུད་མེད་གཞན་དག་ཀྱང་བྲམ་ཟེ་ལ་གསང་ཚིག་སློབ་ཏུ་བཅུག་གོ། །གྲུ་ཟམ་གྱི་བསྟི་གནས་ཀྱང་བྱེད་དུ་བཅུག་གོ། །དེ་ནས་དེས་དབང་དུ་
D1.004.0137b06.01བྱ་བའི་རྫས་དང་ཆང་གིས་བཀང་བའི་འབྲས་བུ་དེ་དག་དང་། གཞན་ཡང་འབྲས་བུ་རྣམ་པར་བཀྲ་བ་སྣ་ཚོགས་བྱེད་དུ་བཅུག་ནས། དྲང་སྲོང་གི་ཆ་བྱད་དུ་བྱས་ཏེ། དེ་རྩྭ་དང་ཤིང་ཤུན་གྱོན་ནས་བུད་མེད་རྣམས་དང་ལྷན་ཅིག་བྲམ་ཟེ་རྣམས་ལ་གསང་ཚིག་འདོན་ཅིང་དེའི་བསྟི་གནས་
D1.004.0137b07.01