完整藏文原文 · 德格版页 当前仅加载第 4 函德格 11b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་ཕྱིར་གཤེགས་པའི་ཕྱིར་ལྷའི་བུ་བཞི་པོ་བསྒོ་སྟེ་བཞག་པ། འགྲམ་དང་། ཉེ་འགྲམ་དང་། ལོ་མ་དང་། ལོ་མ་གྱོན་པའོ། །བྱང་ཆུབ་སེམས་དཔས་དེ་རྣམས་ལ་གསུངས་པ། ཤེས་ལྡན་དག་ང་སུས་བཀུར། དེ་རྣམས་ཀྱིས་གསོལ་པ། བདག་ཅག་གིས་བཀུར་
D1.004.0011b01.01ལགས་སོ། །ཁྱེད་ཅག་ལ་སྟོབས་ཇི་ཙམ་ཡོད། གཅིག་གིས་གསོལ་པ། གཞོན་ནུ་བདག་གིས་ནི་སའི་རྡུལ་ཇི་སྙེད་མཆིས་པ་ཁུར་དུ་ཐོགས་ཏེ་མཆིའོ། །གཉིས་པས་གསོལ་པ། བདག་གིས་ནི་རྒྱ་མཚོ་ཆེན་པོ་བཞི་དང་། མཚོ་དང་མཚེའུ་དང་ལྟེང་ཀ་དང་། ཆུ་མིག་རྣམས་
D1.004.0011b02.01ཀྱི་ཆབ་ཇི་སྙེད་མཆིས་པ་དེ་ཐམས་ཅད་ཁུར་དུ་ཐོགས་ཏེ་མཆིའོ། །གསུམ་པས་གསོལ་པ། བདག་གིས་ནི་ས་ལ་རི་ཇི་སྙེད་མཆིས་པ་དེ་ཐམས་ཅད་ཁུར་དུ་ཐོགས་ཏེ་མཆིའོ། །བཞི་པས་གསོལ་པ། བདག་གིས་ནི་ས་ལ་རྩྭ་དང་ཤིང་དང་ཡལ་ག་དང་ལོ་མ་ཇི་སྙེད་མཆིས་པ་དེ་ཐམས་
D1.004.0011b03.01ཅད་ཁུར་དུ་ཐོགས་ཏེ་མཆིའོ། །དེ་ནས་བྱང་ཆུབ་སེམས་དཔས་ཞབས་ས་ལ་བཞག་པ་ན་དེ་རྣམས་ཀྱིས་བསྒུལ་བར་ཡང་མ་ནུས་ནས་ངོ་མཚར་སྐྱེས་ཏེ་གསོལ་པ། གཞོན་ནུ་བདག་ཅག་གིས་ནི་བྱང་ཆུབ་སེམས་དཔའ་རྣམས་ལ་སྟོབས་འདི་འདྲ་བ་མངའ་བར་མ་འཚལ་ཏོ། །གལ་ཏེ་འཚལ་
D1.004.0011b04.01ན་བདག་ཅག་མི་མཆིས་པ་ལགས་པ་ཞིག །གཏམ་དེ་འདུན་པ་སྔར་སད་པས་ཐོས་ནས་བྱང་ཆུབ་སེམས་དཔའི་སྤྱན་སྔར་སོང་བ་དང་། དེ་ནས་བྱང་ཆུབ་སེམས་དཔའ་རྟའི་རྒྱལ་པོ་བསྔགས་ལྡན་ལ་བཅིབས། འདུན་པ་ཡང་འཕོངས་ལ་ཞོན་ནས་འདི་ལྟར་བྱང་ཆུབ་སེམས་དཔའ་རྣམས་ཀྱི་བྱང་
D1.004.0011b05.01ཆུབ་སེམས་དཔའི་མཐུ་དང་། ལྷ་རྣམས་ཀྱིས་ལྷའི་མཐུས་རྟ་རིན་པོ་ཆེ་བསྔགས་ལྡན་སྟེང་གི་ནམ་མཁའ་ལས་མངོན་པར་འཕགས་པ་དང་ཕོ་བྲང་ན་གནས་པའི་ལྷ་རྣམས་བྱང་ཆུབ་སེམས་དཔའ་དང་བྲལ་བས་ངུ་བར་བརྩམས་སོ། །དེ་རྣམས་ངུ་བའི་མཆི་མའི་ཐིགས་པ་རྣམས་ལུས་དང་ས་
D1.004.0011b06.01ལ་བབ་བོ། །འདུན་པས་གསོལ་པ། གཞོན་ནུ་ཆར་གྱི་ཐིགས་པ་དག་འབབ་ན་ཅི་ལྷས་དགུང་ཆར་ཕབ་བམ། བྱང་ཆུབ་སེམས་དཔས་གསུངས་པ། ལྷས་ཆར་ཕབ་པ་མ་ཡིན་ཏེ། འོན་ཀྱང་ཕོ་བྲང་ན་གནས་པའི་ལྷ་རྣམས་ང་དང་བྲལ་བས་ངུ་བར་བརྩམས་ཏེ། དེ་རྣམས་ཀྱི་
D1.004.0011b07.01